خواتي الغوالي
قرأت هنا في القسم شكاوى العضوات من الاعمال المنزلية
وتذمر بعض العضوات من الشغل
وكيف ان اليوم يروح بدون مايخلص الشغل
او ان البيت يكون مكركب من الشغل ومانعرف من فين نبداء التنظيف
قرات بعض الجداول وحسيتها مبااااااااااااااااااالغ فيها مرررررررررررره وصعب تطبيقها في الواقع
يعني ممكن يروح النهار كله وماانجزنا الا نص العمل الموجود في الجدول
خاصة اللي عندها اطفال ماتقدر تمشي عليه لان الاطفال ياخذو الجزاء الاكبر من الوقت
لذلك
حبيت افيدكم بجدولي اللي انا ماشيه عليه ومرتاااااااااحة فيه ولله الحمد
وسميتة الجدول الواقعي
وهذا الجدول عبارة عن الاعمال اليومية الي اسويها كل يوم وجدول الاعمال الشهرية
وصدقوني وقت ماتمشو عليه راح تلاحظو ان البيت ترتب بدون ماتبذلي جهد كبير
لان الشغل يكون يومي وبشكل بسسسيط
قبل ما اكتب الجدول احب انبهكم انه في اعمل يومية
لا زم نسويها كل يوم وما كتبتها في الجدول اللي هي :
الطبخ ( فطور +غداء + عشاء )
غسيل المواعين
تنظيف ارضيات المطبخ والاديل
ومسح الغاز بشكل سريع
اما الجدول كتالي :
جدول الاعمال اليومية :
الســــــبت: غسيل الحمامات +كنس البيت
الاحـــــــــد : غسيل الملابس وتطبيقها + تنظيف التلاجة وترتيبها
الاثنيـــــــن : مسح السراميك والاثاث والشبابيك والمكيفات + كوي الملابس + كنس البيت
الثلاثــــــــاء: غسيل الحمامات +ترتيب دواليب الملابس
الاربعــــــــاء: غسيل الملابس + كنس البيت
الخميـــــس : مسح السراميك والاثاث
الجمعـــــــه : غسيل الحمامات + كوي وتطبيق الملابس + كنس البيت
^^^^^^^^^^^^^^^^^^^^^^
اختياري لالاعمال السابقه كان على اساس ان تكون اعمال يوم السبت قليلة لان السبت بطبيعته ثقيل على النفس
وايضآ يوم الخميس لانه بالغالب يكون وقت خروج من البيت او استقبال ضيوف
جدول الاعمال الشهرية :
يوم في الشهر غسل الشبابيك وتركيبها
اليوم الثاني غسل فلاتر المكيفات
اليوم الثالث مسح الابواب
اليوم الرابع تنظيف الفرن والغاز
اليوم الخامس تنظيف دواليب المطبخ من الاعلى
واعاده ترتيب ادراج المعلبات والملاعق ا(ذا كانت مكركبة )
اذا لقيت منكم تجاوب بحط لكم جدول الطبخ
المبسط لاسبوعين في حفظ الله