لبيه ياللي لو طلبني .. ألبيه

الأدب النبطي والفصيح






لبيه ياللي وحدك إن قلت لبيه
يذبحني لبيهك ويذبحني الصوت

وان طاح قلبي ميتـ(ن) فيك خليه
ياحي قلبـ(ن) طاح وياحيه الموت

ما قلت احبك لجل وقتي أسليه
لا والذي نجا نبيه من الحوت

والحب لو هو سر واقدر اخبيه
ماقلت احبك حتى وشفاهي سكوت

لي ناظرٍ ما غير شخصك يمليه
كنك دواي و شوفتك طب منعوت

وان ضاق بالي اذكر اسمك و أغنيه
وأتخيلك علّ وعسى طيفك يفوت

أهواك وهمي كيف قلبك أهنيه
من كثر ما اسمك في هالقلب منحوت

حتى الخطا لو جاني منك أمشيه
وان ما مشى اخلق لك أعذار وثبوت

ويش الذي يخطر في بالك؟؟ و أسويه
لو حتى في وسط البحر ابني بيوت

ياللي البحر لو جا في بالك تحليه
مريت صوبه و امتلى سكر وتوت

لبيه ياللي لو طلبني .. ألبيه
للعاصمة حافي ولو دربه خبوت

لين أندهك ( يا فلان) وتقول: لبيه
وأطيح من طولي ويذبحني الصوت

:32:
25
2K

يلزم عليك تسجيل الدخول أولًا لكتابة تعليق.

تسجيل دخول

خيـال العيون
خيـال العيون
Oo الــدخيــله oO
حتى الخطا لو جاني منك أمشيه
وان ما مشى اخلق لك أعذار وثبوت

روعه صح لسانه وسلمت يمناك
تناهيد .. عاشقه
الله
الله
الله

ابداااااااااااااع هالكلمااااااااات

تسلم ايدينج ع نقلهاااا
وصح الساااان ... انور المشيري
جُــــــღــــوري
الله الله الله ابداااااااااااااع هالكلمااااااااات تسلم ايدينج ع نقلهاااا وصح الساااان ... انور المشيري
الله الله الله ابداااااااااااااع هالكلمااااااااات تسلم ايدينج ع...
أسعدني تواجدكن الرائع
في صفحتي المتواضعه ...
وسلمت أيديكن على الردود الحلوه
عيوني للحزن معنى
ياللي البحر لو جا في بالك تحليه
مريت صوبه و امتلى سكر وتوت


لبيه ياللي لو طلبني .. ألبيه
للعاصمة حافي ولو دربه خبوت

وش خليتي من الزين

اشكرك على النقل الرائع