جزاك الله خير المشايه ماني فاهمه شكلها مشايات الاطفال صغرت عليها وحتى لم كنت احطها فيها متدفعها وشريت كرسي اطفال وتطيح منه على قدام تميل وجسمها مره رخو متوقع تمشي الله كريم

اسفه على التأخر بالرد 
بالنسبة لتمارين الرقبه تجلسين الطفل  وهو بحضنك عشان تقدرين تتمنعينه يرفع راسه اعلى من المستوى الطبيعي او تسندينه على شي من خلفه  وتقومين بتحريك راسه على خفيف فوق وتحت  بعدها اذا كانت الرقبه رخوه ينزل راسه دايم لازم  تدعمينها من تحت ترفعينها له وتساعدينه لانه ماتعلم كيف يتحكم فيها  بيدك واذا دايم رافع راسه وشاطح فيه فوق لازم تمسكينه وتنزلينه لمستوى الطبيعي او تشعلين له لعبه على مستوى نظره بحيث يناظر مستقيم ابتعدو عن التلفزيون لانه ممكن يكون مرتفع على نظر الاطفال ولدي عانيت معه الرخاوه ومانتبهت أني اعلمه يرفع راسه غلط الا بعد ماصار يرفع راسه بقوه وشاطح فيه فوق مابيكم تغلطون غلطتي استخدمي الابتوب او الايباد لجذب انتباهه  وفيه مخده ساعدتني كثير لتوازن الرقبه هي الي تجي نص دائره صغيره كنت احطها حول رقبته من ورا والجهه المفتوحه قدام   وسوي لها تمارين ايه ولا والي هي بلف الرقبه يمين ويسار (لا) وفوق وتحت (ايه) وجميع التمارين تكون وحده من يديك على راسه من الخلف والثانيه تحت ذقنه عشان تعطينه الدعم بس  وعشان تقوين عضله الرقبه حطي الطفل على بطنه وخليه يرفع راسه وهو مبطوح وهي وضعيه سهله بس لازم تكونين معه عشان مايكتم نفسه 

مارين الرجلين اول شي تسوينه مساج لها سواء بزيت مقري فيه او زيت زيتون او زيت جونسن كل رجل لحالها عشر دقايق مساج لانه ينشط الدوره الدمويه  بعدها لازم الطفل يعرف انه يسند رجله بالارض  عشان كذا الوقافه مهمه له التمرين الثاني سدحيه على ظهره وارفعي رجليه لبطنه ملمومه مع بعض وبعدها كل وحده لحالها  هذا التمرين يقوي بعد الحوض عنده التمرين الثالث يبغاله اثنين يعني معك احد يساعدك انتي تمسكين رجليه على شكل مثلث واحد يرفعه عشان يوقف المشايه الي عندي ماهي زي حقت السوق طبيه اكثر عجلاتها خفيفه تمشي بسرعه وفي منها انواع على حسب جسم الطفل وان شاءالله اذا صلحت الابتوب راح انزل لكم مقاطع فديو  هنا لتمارين


اخواتي لا تستعجلن النتائج والله أني اخذت ولدي وكان يقول لي دكتور ابنك ماراح يرفع نفسه ولا راح يتحرك  طلع من المستشفى عمره سنه زي طفل عمره يوم  زي العجينه اذا جلسته ونزل راسه انخنق مايتحكم بشي  وفوقها ماكان يسمع والحمدالله والشكر الله الا ن بعد سنه وست شهور صار يجلس لحاله يمشي اذا مسنود على شي  انتي يأمه  عيونه وسمعه ويديه ورجليه لازم نساعدهم يساعدون انفسهم مالهم غيرنا صح نمر بحالات احباط عشان طول المده بس يخففها الأمل انهم يعتمدون على انفسهم  عمره الحين ولدي سنتين وست شهور كل مرحله أخذت مني تقريبا ست شهور عشان يتعلمها الله يشفيه ويمتعه بصحته يارب وكل مريض 
وبالنسبة الأخت الي سالت خاص ان شاءالله لي عوده لك لأني اكتب من جوال الحين