كلي دلع وشقاوه2 :

هذا سلمكم الله اختي الكبيره متزوجه من 10 سنوات ومارزقها ربي بضنى لحد مامر على زواجها 5 او6 سنوات طبعا كل البنات اللي قبلها واللي بعدها واللي بعد بعد ها احملو وربي رزقهم بدات اختي تدور طبعا من اول سنه بس كانت فكره اطفال الانابيب توها دخيله علينا ومرت 6 سنوات من مستشفى للمرخه لحرمه لشيخ ماخلت وطبعا كل وحده تشوفها تمدح لها اما شيخ او حرمه ووحده من الحريم مدحت لها حرمه تمرخ بحفر الباطن وراحت اختي لها قالت لها انتي ماينفع معك الا اسوي لك صبخه وتقول اختي مدتني ع الارض وطلعت ظهري وحطه هذيك الخلطه اللي خلتني اصرخ من كل قلبي وتقولي تحملي ورجعت اختي الرياض ودخلت علينا وهي عاكفه نفسها وكلنا خفنا وقامت نادت امي وانا دخلت وطلعت ظهرها لامي وربي يابنات انا ركض للسطح مع ان عمري كان وقتها يمكن 12 او11 سنه وجلست اصيح فوق تعرفون شلون تكبين فوق اللحم اسيد وربي ان لحمها مهتوت وتقول رحت المستشى قالوا حرووق عميقه ودكتورتها مهاوشتها تقول لها حرام عليك وش هذا اللي مسويته وهي تبكي ,وقالت لدكتور مالي شغل لو تحرق قلبي اهم شي احمل وكذا حالها راحت لقوى الامن راحت اليمامه راحت اكثر من مستشفى خاص ومانفع قالوا لها بعد ال7 سنوات وراحت مستشفى الحرس الوطني مدري الملك فهد وسوت العمليه ع حسابها الخاص لان زوجها مو عسكري قالوامالك الا اطفال الانابيب لانك عندك ضعف بالتبويض مره والدوره ومدري ايش تخيلو سكنت عند اهل زوجها 10 سنوات اللي يروح يتكلم عليه واللي يجي وام زوجها تخطب له وهي ساكته ومتحمله هي اللي تطبخ وهي اللي تودي المدارس هي التنظف للاطفال هي اللي تسوي الحليب وترضعهم هي اللي تستقبل الضيوف يعني مثل الشغاله وماتجي عندنا الا كل اسبوع او اسبوعين مره تشبع بكي وترجع او انها من تجي تطلع السوق تجيب لنا ملابس وتجيب لنا اكل تخيلو المصروف اللي يعطيها لها زوجها كل شهر تجمعه وتشتري لنا فيه وكل ماروح السوق معها دموعها تنزل وهي تشتري لنا امي تقولها يابنتي هذي لك اشتري البسي زي البنات تقول لا لو عندي طفل صرفتها عليه ولا انا لا وين البس حدي جلابيه وبالمطبخ تخيلوا مثل الشغاله ولو مرضت ولا شي مافي احد يعلمنا المهم >>>>>قلت لكم كل القصه بحطكم بالصوره ويوم قررو تسوي اطفال انابيب طبعا بعد الابر وكذا وعذاب ومن هالكلام تخيلو بفتره هي تسوي طفل انابيب تاخذها ام زوجها وتقول امشي معي نخطب لزوجك انا بشوف عيال ابني وتخيلو من تخطب له بنت عمي ولا بنت خالي اهم شي من جماعتنا تخطب تخيلوا شلون وهي متحمله بس جماعتنا مارضو ا اول مره سوتها فشلت وقالت لا انا بسويها لو اموت راح اسويها مره ثانيه لو اخر يوم بعمري ومره ثانيه فشلت واستمرت وثالث مره ورابع مره انجحت ب3 اطفال بنتين وولد تخيلو يوم مره ال15 يوم نزل دم معها شوي وبدت تبكي قالت انا مو حامل وراحت بالسوق 7 ساعات وهي تمشي وربي يومها تعبت وهي تمشي وتبكي وراحت حللت ورجعت وقالوا لها احنا نتصل وثاني يوم يتصلون وماترد وامي تقول لها ردي تقول لا هذا زوجي ومابي ارد واخر امي قالت لها طولي بالك واذكري الله وانتي راح تعرفين ردي وخلاص وردت وقالوا تعالي راحت طبعا زوجها ينزلها ويروح وهي مسكينه تتلفت بالمستشفى لحالها >>>مايشيلون هم الرجال وقال لها الدكتور مبروك يابنتي انتي حامل تقول كذا لا ارادي سجدت وبكيت وحبيت الدكتور وحضنت الممرضه وضحكت وبكيت ووركضت وجلست تقول مادري شكنت اقول شكنت اسوي تقول دقيت على زوجي وقلت له حامل قام زوجها يصارخ ويحلف انه اخذ طريق خريص روحه ورجعه يقول كل شوي يطوفني المخرج 10 مرات طبعا بالكلام هذا صار لها 8سنوات متزوجين وهو كبير العيله وكل اخوانه وخواته متزوجات وعندهم عيال بالمدارس فلا تلمونهم وفرحنا وبشرنا العالم وحفله وبنات خالي تجمعو وسوينا حفله وكل يوم عيونا على بطنها متى تكبر وكيف يتحركون لحد مادخلت الثامن ونزلت والله حالها تصعب ع الكافر المهم بعد كم شهر رجعت عافيتها وقالت بسويها مره ثانيه وسوت بعدها وفشلت وبعدها وفشلت ويوم كملت ال10 سنوات حملت بطفل انبوب وكانت بنوته وسكرنا ع الموضوع ماعلمنا احد لحد ماكمل الثامن وعلمنا والكل فرح وولدت وجابنت بنوته وسمتها ليان ياحبي للبنوته والحين ماشاء الله عمرها 3 سنوات وع الاربعين حملت وجابت عبودي و حملت وجابت بنوته اذكروا الله وقولوا ماشاء الله تكفون اذكروا ربكم وانا طرحت قصت اختي من باب انكم ماتياسون من رحمت ربي وان الله يرزقكم متى ما يشاء واحد واثنين وثلاث واربعه والحين اختي صارت كذا

هذا سلمكم الله اختي الكبيره متزوجه من 10 سنوات ومارزقها ربي بضنى لحد مامر على زواجها 5 او6 سنوات...