السلام عليكم ورحمة الله وبركاته
ترددت في كتابه موضوعى لعدة اسباب ان النقاط اللي راح اطرق لها قد تكون غريبة ولكنها من واقع تجربه عمليه,بالأضافه لأن في حريم ما يهتمون سواء كانت الخادمة جيدة او سيئة المهم تقوم بشغلها وتخفف الشغل ولكن هذا اكبر خطأ لأن اى انسان يترك بلا رقيب راح يبحث عن منفعته الشخصية ,,غير ان عدم الاهتمام باللي يحصل في بيوتنا من منكر علي ايدي الخدم نحن محاسبين عليه عند رب العالمين ويطرد الملائكة من البيت وتكثر المشاكل وتنعدم البركة. وما اطلب منكم الرد حتى لو تكتفون بالقراءة لأنى بكون نقلت لكم معلومات مجربه وانا طبقتها والحمدالله ارتحت من مشاكل كثيرة ما كنت ادري ان الخدم سبب فيها .
عند استقدام خادمة جديدة
1_ من المكتب احرصي علي ان تكون في عمر متوسط وعادية الشكل (حتى هذول خذي الحذر منهم محد هين هالايام)..
2_ تكون مسيحيه ,,ليش؟؟
لأن المسلمات اغلبهم وهذا شي شفته وعايشته ,,اولا اسلامهم مجرد كلام حتى لو شفتيها تصلي اوتقرأ قرآن (خادماتنا المسلمات كانوا من اكثر المسببات للمشاكل الاخلاقيه)
ولاحظت ان المسيحيات مؤدبات يعنى الخادمة المسلمه تعرف عربي ولسانها طويل احيانا يطلع بعد ما تكمل سنة..المسيحيات هم لهم دينهم ولنا دينا , هى راح تلتزم بقوانين البيت من حشمة وغيره.
3_ ان تكون الخادمة مو مشتغله في مكان ثانى واعتقد تعرفون ليش.
يعنى اتعبي وياها وعلميها علي اللي عادات البيت .
4_ (مهم جدا جدا)
عدم استقدام خادمات من الفلبين واندونيسا
لأنهم حتى وان كانوا مسلمات متعودات في بلادهم علي المحرمات
حتى لو كانوا كبيرات فالسن ما تلاحظون انهم متصابيات واسمحولي في هالكلمات هالجنسيتين ما يستغنون عن الرجال (تعرفون شو اقصد) يعنى ان مالقت مطلبها في البيت وبتدور برع البيت ..او بتدخل رجال وكل هالاشياءا تأثر فالبيت وبالذات ان كانت تطبخ لكم يعنى نجاسه في نجاسه .. يفضل اثيوبيه لانهم مطيعات ويتعلمون عربي بسرعه .
عند وصول الخادمة
1_ قبل ما تدخل لغرفتها تخلينها تفتح شنتطها جدامج وتفتشينها زين لاحظى الاوراق اذا فيها رسومات غريبة مثلثات _دوائر ...الخ
بودرة او خيوط واسأليها عن اى شي مريب بس طبعا لا تتوقعين انها بتجاوبج بس اسلوب عشان تعرف انج ذكية وفاهمه وما ينلعب عليج. :30:
2_ (مهم جدا ومجرب ) فتشي الخادمة من منطقه الخصر لان في المطوع (الشيخ) اللي فالمسجد اللي عند بيتنا لفت نظرنا لهالنقطة وما بتتخيلون 7 خادمات من مختلف الجنسيات لقيت اشياء علي خصورهن (خيوط وفيها بودرة ) ولما اسألهم يطلعون اعذار كاذبه طبعا كنا نسفرهم لان اللي يايه وناويه علي هالسوالف من اولها مالها امان.
خادمة اخري سيرلانكية ومسلمه لقيتها حاطه خيط اسود علي ايدها (مكان الساعه)
لما سألت قالت لي كلام مو مفهوم وحاولت تضيع السالفه وتنسينى المهم رحت قلت للوالدة تخيلوا الصدمه امى اطالع ايدها وتقولي مافي شي؟؟!! ما اشوف شي!!! وانا اشوف الخيط ..
طبعا سألنا احد المشايخ وخليته يشوف الخيط قالي هذا سحر يعمى ربة البيت عن الخادمة (يعل عيونها العمى ) وهى سوته علي اساس ان ربة البيت ما تشوفه.. بس ما كانت تدري ان فيه عله بتطلع لها متمثله فينى انا :02:
وان لقيتى شي مريب اعرضيه علي المشايخ او ارميه فالبحر
3_تفهمين الخادمة انها ما تكلم زوجج في اى شي وان الكلمة كلمتج انتى (هذا الكلام لها هي طبعا ) وان اى غلطه منها راح تتسفر علي طول . (مو يقولون اللي اوله شرط اخره نور ) :41:
4_ (مهم ايضا )
الحرص على فتح رسائل الخادمة (القادمة) و(المغادرة) ولكن يفضل ان يكون امامها او بعلمها ومو هى تطلع تودى الرسايل لصندوق البريد ,,واذا السايق بيوديهم تنبهين عليه انه يوديهم حالا ما تعرفين يمكن تحط فيهم شي.وان دخلت الاعمال والاحجبه الخاصه بهم للبيت لاسمح الله_صعب اكتشافها فبعضهم تحطها بين الديكور او الستائر واماكن غريبة تعرفون العقول الشيطانيه.
5_ عدم اعطاء الخادمة ملابس الأسرة القديمة بل ان تعطي ملابس جديدة ,يعنى في زى موحد للبيت وللخروج اكثر حشمة ومرتب.وذا بترمين شي من اغراضج او ملابسج لا تعطينه لها تعرفين سوالف السحر ...
6_ علي سيرة الخروج طبعا الخروج ممنوع الا مع ربه البيت او احد افراد الاسرة.
حتى لما تطلع ترمى النفايات الله يعزكم تقولين لها ترجع بسرعه مو كأنها رايحه رحله ..
7_ خصصي للخادمة مكان محدد لأغراضها يعنى خزانه صغيرة عشان ان شكيتى في شي تفتشينها يعنى لو غرض مسروق او شي.
واخيرا دينا الأسلامى علمنا الحيطة والحذر وما ابغي ابالغ في اللي كتبته بس صدقونى ما ابيكم تشوفون اللي شفته ,,اخوى الصغير عمره 3 سنين كنا نتركه مع الخادمه بس في فترة الصباح لأضطرارنا للذهاب وما عندنا حد من الاهل يشوفه ,وكنا نكرمها ونحسن معاملتها وهى تظهرلنا حبها له وبعدين اكتشفنا انها كانت تضربه وتقفل عليه الغرفه (وياريت غرفته ) بل غرفتها وكانت تطلع تقابل الرجال والولد يموت من البجي طبعا من المنكرات اللي كانت تسويها في غرفتها الغرفه كانت مسكونه ,,وبالتالي اخوى تأثر وصار يتأتأ ولما عرضناه علي المشايخ كلهم اكدوا حالته ونعتو الخادمه بأبشاع الصفات .طبعا خذت جزاءها وتسفرت.
وغيره من حوادث كثيرة تشيب شعر الراس وما ابي اخوفكم بس الحذر الحذر الحذر منهم لا تعطونهم خصوصياتكم ولا تسولفون معاهم .
صديقتى متزوجه من سنه كانت عندها خادمة تقولي لما امر علي غرفتها بالليل كنت اسمعها تصلي ماشالله عليها .. وكنت اقولها احذري ترا الندم ما ينفع كانت تقولي : ما عندى عيال وزوجى ملتزم ويحبنى .
الآن صديقتى علي وشك الطلاق :( زوجها يقولها احس بضيق لما اشوفج وهى لما تشوف زوجها تلقا ويهه اسود (بفعل اسحارهم الله ينتقم منهم )
ومشاكلهم كثرت .وصيتها تفتش البيت المهم لقت السحر ولما واجهت الخادمه بكل وقاحه قالت لها (ليش انا بعد يريد يصير مدام ) يعنى تخيلوا حاسدتها علي الخير والنعمه وحب زوجها.
* الحديث يطول وخلاصته امسكى العصا من المنتصف يعنى شدى وقت الشده واظهري الطيبه في وقتها يعنى الثناء والشكر عليها ان ادت عملها بالشكل المطلوب .
واعذرونى ان طولت او كتبت شي ما عجبكم بس هدفي انى افيدكم
تحياتى.
العود المنثور @alaaod_almnthor
كبيرة محررات
يلزم عليك تسجيل الدخول أولًا لكتابة تعليق.
مشكورة جزاك الله الف خير عندنا شغاله اندنوسيه لها سنه وبدت بلاويها تطلع
بس انا عطيتها من اغراضي القديمه من ملابس واكسسوارت وشلون اقدر اخذها؟؟؟؟؟؟؟؟؟؟؟؟؟
بس انا عطيتها من اغراضي القديمه من ملابس واكسسوارت وشلون اقدر اخذها؟؟؟؟؟؟؟؟؟؟؟؟؟
اولا الله يعطيك العافيه ويكفيك ويكفينا شر هالشغالات
وبصراحه ما اوافقك على هالنقطتين ابدا
اولا المسلمه مهما وصلت عيوبها واخطائها تبقى طاهره نقيه باسلامها واصابعك ماهي سوا ياقمر
ولان من باب اولى نساعدهم ونتعامل معهم كاملسمين مع مسلمين ,, لكن لو تركناهم واغنينا المسيحيات واصبحنا احنا والزمن عليهم كاننا نقوي المسيحيات على المسلمات ونزيدهم غنى وقوه والله المستعان :11:
بخصوص الفلبينيات بالعكس فيه فرق كبير بينهم وبين الاندنوسيات بالنظافه وقصر اللسان والاسلوب الارقى ومايعرفون حركات السحر وهالخرابيط
عكس الاندنوسيات والسيرلانكيات والهنديات هذولا اهل السحر الله لا يبلانا ويكفينا شرهم ويكفي كل مسلم ومسلمه شرهم آمين
اما باقي النقاط اجتهاد منك تشكرين عليه يا عسل :26:
..
.
***القلب الحنون***
العفو اختى الحبيبة ومشكورة علي الرد والقراءة الله يكفيج واسرتج من شر الخدم.
ام ليونه
هلا فيج حبيبتى ,,اولا حاولي انج تشتريلها لبس جديد (من اى مكان) وتقنعينها ترمى اللبس اللي عطيتيه لها . او ترسلينها لبيت احد الاقارب وتاخذين الملابس من غرفتها اهم شي الملابس اما الاكسسوارات ما اظن تقدر تسوى شي فيهم .
الله يكفيج شرهالمشاكل يارب.
]
العفو اختى الحبيبة ومشكورة علي الرد والقراءة الله يكفيج واسرتج من شر الخدم.
ام ليونه
هلا فيج حبيبتى ,,اولا حاولي انج تشتريلها لبس جديد (من اى مكان) وتقنعينها ترمى اللبس اللي عطيتيه لها . او ترسلينها لبيت احد الاقارب وتاخذين الملابس من غرفتها اهم شي الملابس اما الاكسسوارات ما اظن تقدر تسوى شي فيهم .
الله يكفيج شرهالمشاكل يارب.
]
الصفحة الأخيرة
نبهتينا على أشياء أي واحد ممكن يغفل عنها,,,,,,,,
والله يكفينا شرهم,,,,,,,,
:41::02: