ان شاء الله تكونو بخير
دي اشياء بسيطه بس لو اتبعتيها واستعملتيها باستمرار
باذن الله تعالي وجهك يبقي صاااااافي وخالي من الحبوب واثاره
مابحب احكي قصة حياتي بحب الموضوع يكون دغري, بس انا بشرتي دهنيه وحساسه
اول شي::
1. كونترول دهون البشره من الداخل
وذلك باخد الفايتمينات
اشهرهم: الامويقا 3: وهو جيد جدا لي البشره والشعر ايضا ورائع لي حب الشباب
ثانيا:السنترم لانه يحتوي علي كل الفايتمينات واكيد مفيد لي البشره والشعر
ثالثا: الزنك: وده اللي انا بستخدمو حاليا
وهو بعمل كونترول علي الدهون في البشره وبخفف من حب الشباب وبساعد علي بناء جلد جديد (يعني بساعد لي الحفر)
2. التنضيف
في كثير من الغسول والصوابين اللي بتحتوي علي حامض "السالسيلك اسيد" وهو رائع لي حب الشباب
ولكن اذا كنتي زي انا, كلهم ماافادوني
البنزويل بوراكسيد benzoyl peroxide
بهيج بشرتي وبجففها وبخليها كلها بقع
عشان كده اكتشفت انو اجمل غسولات لي البشره الدهنيه والحساسه هي غسول البشره
"" الحســــــــــــــــاسه" اللي بتكون خاليه من الزيت fragrance free and oil free
ليه؟؟ لان اي غسول لي البشره الحساسه مافي اي ريحه, والريحه اللي في الغسول هي السبب الرئيسي في تهييج البشره
انا عن نفسي اشتريت ده من شركة اولي وبالجد بالجد ابداااااااااااااااع
وبخلي بالبشره نااااااااااااااااااااااااعمه وجميله ومن غير حبوب
olay foaming face wash
ودي صورتو
3. التقشير
كثير منكم بستعملو المقشرات اللي فيها الحبوبيات
وده اكبرررررررررررر خطأ
ليه: لانو الحبيويات دي هي اللي ممكن تهيج البشره خصوصا لو كانت حساسه جدا
دائما استعملي التقشير الناعم هو بزيل الخلايه الميته وبجدد البشره وبزيدها نضاره
ولازم التقشير لا يزيد عن مرتين في الاسبوع فقط
والمستحب يكون مره في الاسبوع
واكثر مقشر رخيص ولكن مفعوله سحري هو
"البينكج سودا"
وطريقته انك تاخدي شويه في ايديك وتزيدي عليها مويه وتحطيها في وجهك
وتدلكي بي طريقه دائريه وتشطفي وجهك بالماء
وشوفي وجهك بكون منور كيف
4. طريقة التخلص من الاثار
زي ماانتو شايفين المنتدي ملياااااااااان خلطات
بس مين اللي عندو وقت يعملهم , وانا عن نفسي كنت مافي خلطه ماجربتها
لمن بقيت اخجل من ناس البيت ههههههههههه
لقيت انو المدوامه علي شئ بسيط افضل بكتيررررررر من اني اجرب كل يوم شئ جديد
ده بشرتي بحسها عايزه تبكي
وافضل شئ بسيط لي القضاء علي اثار الحبوب هو "البطاطس"
عندي مواضيع كتيره عنها بس دي اسهل طريقه لقيتها
تقطعي قطة بطاطس وتحطيها في اناء
, تغطي الكميه بماء صحه وتحطيه علي نار هاديه لحدي مايغلي
وتصفي الماء وتحطيه في التلاجه
وتلاته مرات في اليوم تمسحي وجهك الماء بي قطنه
وشوفي بعد كم يوم بس بتحسي وجهك ده منووووووووور
ومع الاستمرار ان شا ءالله تروح كل الاثار
وانتي ماخسرانه حاجه ولا ببان انك حاطه حاجه علي وجهك
وفي اخت قالت تبشري بطاطس نيه وتحطيها بي اشكال صغيره في الفريزر وتمسحي منها كل
يوم قبل النوم
برضو فكره رائعه
وفي ناس استعملو ماء قشر الليمون والبرتقال
بس والله بشرتي مااستحملتهم (حساسه شديد) وبحس وجههي محمر وهااايج
6. الحفر
وآآآآآآآآه من الحفر رغم انو والحمد لله ماعندي كثير لكن
استعملت كونتراكتوبس (مش بطريقه متواصله)
بس والله ماشوفت اي نتيجه تفرح او مشجعه
استعملت الرتين اي (اي نعم هو لي الاثار) بس بقشر وجههي وماعندي روح ليه
خصوصا بكون عندنا مناسبه ويكون وجههي كلو محمر
لحدي الان الحاجه الوحيده هي حبوب الزنك
قريت انها بتساعد علي بناء الجلد الجديد
فان شاء الله اشوف نتيجه مرضيه
واخيرا حبيباتي: اذا وجههك كلو مليان حبوب اتبعي كل الخطوات دي
بس زيدي الخطوه دي برضو
جييبي حبوب الاسبرين (زي ثلاثه حبات) واطحنيهم وزيدي عليهم موية صحه
وحطيهم في اي اسبري فاضي
ورشي وجهك بيها مرتين في اليوم
والله بتحسي المسامات منقببببببببببببببببببضه حتي مره اختي سالتني, انتي ليه وجهك قابض كده ؟ ههههههههههههه وبتحسي بلمعه غريبه
والسبب انو فيه سالسيلك اسيد لي البشره
...............
والله اني بحبكم وماقادره اوقف كتابه
بس لو عندك مناسبه ومستعجله
بالجد ده اخطر خلطه استعملتها وووفووووريه
هي بكل سهوله: دقيق + حليب سائل
واذا كانت بشرتك جافه زيدي عليها حليب نيدو
وخليها علي وجههك 20 دقيقه
والله ابداااااااااااااع
واخيرا
اتمني اكون افدتكم
وربنا يصفي بشرة كل وحده فيكم
اختكم
غدغد
لازم تقولي بسم الله الذي لا يضر مع اسمه شئ في الارض ولا في السماء وهو السميع العليم 3 مرات
في اي شي
واللهم صلي وسلم علي سيدنا محمد