لتربيه افضل

هلا بك حبيبتي.....
شوفي قمرا
انا بقدم لك بعض النصايح وان شاء الله انها تفيدك ولو شوي...:)
بسم الله.......نبدا
افضل شي انك تكونين معودتهم من سن الـ9 للروحه للمسجد بكـل صلاة.. ماعدا الفجر فخليها لين ما يكبرون شوي..
اولا لانه خطر عليهم بالليل يمشون بالشارع-بسم الله عليهم-
وثانيا لانه يمكن فيه تعب او مشقه في انك تصحينهم الفجر لانهم لسا صغار توهم .....
وعوديهم على الاحترام عموما-احترامك انتي وابوكم خصوصا-لان هذا راح ينعكس عليك لما يكبرون...راح ترتاحين وتحمدين ربك لانك ربيتيهم على هالتربيه......
وخليهم دااايما يخالطون الناس مو تحبسينهم بالبيت بحجة انك خايفه عليهم من الصحبه السيئه او كذا لالالا انتبهي...خليهم يحتكون بالناس...-->وهذي نصيييحه من مجربــه...
واذا تبين ماتتعبين معاهم...علميهم الصح والخطأ...والاضرار المترتبه على الخطأ.. والايجابيات الي بتجي من السلوك الصح....ولو حصل واختاروا السلوك الخطأ لا تبينين لهم انك تضايقتي...لا...خليك عااااادي وكانه مافرقت معاك...خليهم هم الي يكتشفون الصح والخطأ علشان ما يعيدونه....
ولا تتدخلين بخصوصياتهم...بس راقبيهم من بعيد لبعيـد بحيث انهم ما يحسوون..(من باب الاطمئنان اختي مو اكثر)..
وعوديهم على فعل اعمال الخير وكوني انتي وابوهم القدوه الحسنه لهم(لما تشوفون مسكين بالطريق ولا باي مكان عطوه صدقه لو بقليل من فلوسكم وخلي هالشي يكون قدامهم علشان يسوون زي ماسويتو وبينو لهم ثمرات الصدقه.....
ودااايما ذكريهم بالجنـه ...والنعيم الي بيحصل ان شاء الله تعالى فيها للمؤمنين...

بعدين ايااااااك تعودينهم انتي او زوجك الكريم انهم يسمعون كلامكم دااايم-طاااعه عميـاء- بالعكـس خليهم ما يسوون شي الا وهم مقتنعين فيه ...
ودايما خلي فيه يوم محدد تقرون فيه القران انتي وعيالك مثلا لما يطلع ابوكم:)او بعد المغرب كل جمعه......
وشي ثاني دااائما خليك قريبه منهم ورفهي عنهم بانك مثلا تطلعينهم كل اسبوعين للملاهي وخليهم يطلعون كل الي بنفسهم ولا ترفضين لهم اي شي يبونه كمكافأه لهم لما يحفظون لو كم سوره:)
واذا وعدتي واحد فيهم بشيء حاااااولي قد ماتقدرين انك تسوين هالشيء الي انتي وعدتيه فيه حتى لو كان شي تافه....
مثلا....لما تسوي كذا حبيبي راح اشتريلك كذا او اوديك لكذا....علشان يصدقك باي شي تقولينه ويكون واثق انه بيصير الي يبيه بالوقت الي انتي حددتيه بحيث انه ما يزعجك على الشي الي يبيه كل وقت لانه تعود منك انك تلبين له طلباته دااايما..بس.. بالوقت الي يناسبك...
هذي بعض النصايح الي حبيت اقدمها لك من اخت محبه:)
بس ياعمري لو حطيتي الموضوع بمنتدى الأسرة والطفل كان افضل و راح تلاقين تفاااعل كبير وردود اكبر ...جربي وحطيه وبشرينـا..والله يصلح عيالك وعيال المسلمين يارب ويهديهم ويوفقهم لما يحب ويرضاه ياربي......اميـن
وعلى العموم حيــاك ياقمـر:)
تحياتي،،،
اختك:نور الرياض

اختي نور الرياض الله يجزاك الجنه ويوفقك ويحقق لك مناك
مشكوره اختي على سرعة الرد وإن شاء الله اسوي ياللي قلتي عليه
والله يقدرنا على تربية ابنائنا التربيه الاسلاميه السليمه وان نجعل منهم رجال يفتخر بهم وينشد بهم الظهر


واتمنى من اخواتي المشرفات نقل الموضوع الى قسم الاسره والطفل
راجيه ان استزيد مما لدى اخواتي العضوات من فائده والله يوفق الجميع لما يحبه ويرضاه

ممكن تشترين الكتب في المكتبة وتستفيدين منها وبالنسبة للتربية موضحة سبحان الله بالسنة والكتاب من الاداب الي حث عليها الرسول صلى الله علية وسلم ممكن بعد تذكريلهم قصص عن فضل حب الاخرين واحترامهم وقصص عن العقوبات للعقوق الوالدين لانا لها وقع على النفس اكثر