$$$لتسهيل وتسريع الولادة ( من تجاارب ومن مجهودي وليس نقل ) $$$

بسم الله الرحمن الرحيم

ااول شيء يابنات طلبتكم تدعولي ربي يسهلي ولادتي ويقومني انا وبنتي بالسلامة مرره قلقانه عليها ماتتحرك :( انا بتاني اسبوع من الشهر التاسع

تاني شي موضوع من تجاااااااااااارب البنات بالتجمعات وليس نقل او انو سمعت فيها لا وربي اخدتها من بنات مجربينها بنفسهم

والحلو بموضوعي ( ان مافادتك الحاجات مااضرتك ) ..

حريصة عليكم زي مو حريصة على نفسي .. ولاتنسو تدعولي لانو من جد محتاجة دعاائكم غير قلقلي بسبب عدم الحركة.


والله يسهلكم ويكتبلكم ااسهل ولادة يارب وتشوفو اطفالكم بين احضانكم سليمين معافين يارب العالمين ويرزق جميع المحرومين يارب العالمين ..

__________________________________

نبدء بسم الله ..


1- دلكي حلمة صدرك بزيت زيتون لمدة 2-3 ساعات دلكة الحلمى اليمنى وبعد ربع ساعة انتقلي لليسرى وارجعي لليمنى وهكزا .. :)

الفائدة .. (( ينفتح الرحم الصدر يرسل شيء للرحم يفتحو << انا بالشرح مو شيء هههههههههه )) وطبعا وحدة جربتها بتجمعنا وقالتلنا عليها الله يجزاها الف خير ..

2- وقت مايفتح الرحم 3 سم شمي حلتيته واشربي خروع بالفواكه تللاقي بالصيدلية بس الخروع لاتاخدوه الا بعد ماايفتح الرحم عشان مايسببلك طلق عالفاضي والرحم مقفل وكدا حتضري جنينك..
والحلتيته يابنات مرره تفتح الرحم شوفت تجارب كتيره ونصحت وحدة فيها بتجمعنا وشمتها وولدت وبرضو ان ماافادت ماضرت .. بس برضو بعد مايفتح رحمك 3 سم .. لانو لو الرحم مقفل ماحتفيد ابد ..

3- بعد ماتروحي المستشفى وتوصلي ورحمك فاتح 3 او 4 حاولي بأي طريقة تستفرغي .. بس لاتعملوها بالبيت عشان ماينزل عليكم النونو بالبيت وتتورطو ..
هدي الطريقة قالت عليها وحدة برضو بالتجمع وتقول قالتلها هيا داية وحملت 3 مرراات وكل ماينفتح الرحم عندها 3 او 4 تستفرغ يسير 8 بسرعه (( ماشاءءالله )) ..
وانا شوفت تجربة لماما بااختي اكلت واستفرغت بالبيت وخرج راس اختي عليها بالبيت بس ماكونت افكر من الاستفراغ طلع السر الاستفراغ ..

4- من بداية الشهر التاسع جماع وخلي زوجك ينزل جوا ولاتغسلي عشان يبقا السائل جوتك لانو في مادة بالسائل تفتح الرحم نفس المادة اللي بتحاميل فتح الرحم .. انا للان موقفه جماع من الالم بس من بكرا ببدء واتحمل باذن الله ..

5- رطب - موية زمزم مقري فيها ورد الولادة مرررره مهم ورد الولادة وسهل لكتيرررررر اعرفهم اشربي وامسحي بطنك .. + عسل طبيعي .. ( من بداية الشهر التاسع الين تحسي بالطلق يعني جهزيهم بشنطة المستشفى ) .. والدعاء والاستغفار والصلاة عالنبي والصدقه ..

6- تمارين جلسة القرفصاء عشان ينزل راس النونو بالحوض ..

حبيت افيدكم بللي جمعتو خلال جلستي عالنت 24 ساعه واستفيد من البنات الله يجزاهم الف خير ..