هلا وغلا حبيباتي واخواتي في الله
طبعا انا لي فتره وانا اتصفح هذه القسم واعجنبي كثيرا وصار عندي احساس بنشاط وحيويه مجرد اقرأ مواضيعكم
الله يعطيكم العافيه ويخلينا لبعض ويديم المعروف بيننا ان شاء الله
قلت عاد استحي على دمك واكتبي موضوع مثل هالحريم وخليك سنعه
والحكايه بإختصار صار لي فتره افر في محلات الخياطه ابحث عن المطاط الي
نلاقيه في بعض الملابس الجاهزه الي يكون مثبت في الخلف من البنطلونات
اكيد عرفتوه وكانوا يقولون لي مافي منه لانه يجي مع الملابس الجاهزه فقط
فشريت المطاط العادي العريض شوي مثل هذا خليت الابيض للملابس الفاتحه والاسود
للملابس الغامقه وبالموس او المشرط في منتصف المطاط وعلى مسافات تقريبا كل انش
افتح مسافة نص سم و هكذا على طول شريط المطاط ,
وكذا يصير شكل الفتحات في المطاط
وبعدين اثبت على جانبي البنطلون من الخلف ازرار على كل جهه ثم افتح بالمشرط على جانبي
البنطلون مسافه واحد سم وادخل المطاط واثبته
وبهذه الطريقه يكون ادخال المطاط سهل وسريع
في الازرار على الجانبين وبكذا صرت اقدر اتحكم في تضويق البنطلون حسب الحاجه
وفي نهايات المطاط حتى ما ينسل الخيط وينفرط احرقه بكبريت بشكل خفيف جدا حتى يثبت
اتمنى تكون الطريقه والصور واضحه وسهله واي استفسار انا حاضره
وكل الي اتمناه منكم دعوه بحسن الختام
بالتوفيق