من فتره استخدمت علاج من امريكا لتطويل الرموش و كان سعره غالي الا حد ما, و انا اقرا موضوع في الانترنت كان في خبر عن دواء للماي الازرق اللي يضرب االعين
بالصدفه اكتشفوا ان الدوا يحفز نمو الرموش بطريقه عجيبه, فالشركه سوت حركه, نزلت الدوا بأسم ثاني و سعره اغلى وما ينباع للعامه بدون وصفة طبيب , الاسم الجديد للدوا هو Latisse
اما الدوا الأصلي اللي تركيبته نفس كل العلاجات اللي تأدي نفس الغرض هو Lumigan
طلعت شركات جديده منافسه لهم نفس التركيبه بالضبط اللهم الفرق في التغليف و السعر
للأمانه انا استخدمت نوع غير اللي ذكرتهم بس بالضبط بالضبط نفس التركيبه و كان سعره غالي وايد
..
لطريقة الاستخدام الصحيحه:
بفرشاه نظيفه اللي تخطين فيها االكحل ترسمين بالضبط فوق رموش العين خط رفيع , مره وحده في اليوم
واحسن وقت بعد ما تمسحين الكحل تحطينه و لا تنامين على طول الا بعد ما ينشف عشان ما ينزل في عينج و تصير حمرا,
اول فتره استخدمت العلاج عيني احمرت شوي لاني كنت احطه و انام دايركت بس صرت احطه و اخذ وقت بعدين انام.
وعلى فكره في عيب واحد للعلاج يغمق شوي الجلد فأنتبهوا وين تحطونه , للجفن العلوي بس و كميه بسيطه جداً وخط رفيع * اللهم بلغت اللهم فأشهد * لا حد يدعي عليه
وهذي بعض الصور من مواقع اجنبيه في الانترنت عن فاعلية الدوا للرموش و لو رحتي يوتيوب فيه كذا فيديو يتكلم عن الموضوع حتى المواقع الاخباريه متكلمين عنه.
اتمنى الجميع يستفيد من الموضوع وتراه مجهود شخصي غير منقول من احد :)