مهاجرة مصرية @mhagr_msry
محررة
لتطويل الرموش وظهور رموش جديدة
اولا وللة الحمد استفدت من منتدانا والمنتديات الاخرى وما زلت استفيد وباشكر كل واحدة بتتكلم وبتقول تجربتها مع المواد الطبيعية بالذات التى انعم بيها علينا ربنا وانا قريت عن نوى البلح عند تحميصة وطحنة وخلطة بزيت الخروع ينبت الرموش ويكثفها وواحدة اتكلمت وقالت انها استخدمت النوى مع ماء الورد وجابت نتيجة معاها وكانت بتستخدم فرشاة المسكرة فى دهن رموشها وكانت بتدخل ماء الوردفى عينيها ويحرقها مع انة انبت رموشها وطولها انا باعتقد انة احسن وسيلة لدهن الرموش اطراف اصابعك تضمنى انها نظيفة ومش حتلوث عنيكى وحتقدرى تتحكمى فيها اكتر وبالنسبة لى فهمت من كل تجاربكم ان السبب فى تطويل الرموش وانباتها نوى البلح الكل استخدمة كاساس فعملت اية جبت شوية نوى كانوا حوالى 13 واحدة وكنت مشغلة الفرن على صينية يعنى متشغليش الفرن مخصوص اما تكونى حاطة حاجة فى الفرن حطى شوية النوى اللى عندك وسيبهم يتحمصوا مع التقليب زى ما قالت صاحبة الفكرة الاساسية لنوى البلح **** يكرمها ولما برد اخدتة طحنتة واضفت لية قد ربع كوب شاى زيت زيتون وقلبتة وابتديت استخدمة بعد صلاة الصبح وممكن فى اى وقت تانى يعنى احط كام مرة فى اليوم واحيانا اكسل ومحطش خالص وبعد فترة صغيرة ابتديت الاحظ انة فى رموش ابتدت تطلع وانهاردة فى رمش بعيد لفوق عن مستوى الرموش التانية ظهر يعنى مع الاستعمال المتكرر حتظهر رموش كتير جديدة وكثيفة والمكون الاساسى نوى البلح واستخدمى معاة الى متوفر قدامك زيت الخروع او زيت الزيتون وانا مكنتش بصدق فى الحاجات دى انها تجيب نتيجةلكن فعلا بجد حتجربوا وتشوفوا لكن استمروا وما تكسلوش
12
2K
يلزم عليك تسجيل الدخول أولًا لكتابة تعليق.
الصفحة الأخيرة
بجربه أن شاء الله ...