الان وبوجود تقنيه الاجهزه الذكيه الايفون والايباد والايبود والجالكسي واجهزه نوكيا بانواعها وغيرها من الاجهزه التي تدعم خاااصية الاتصاال بشبكات الوايرليس وتعتمد برامجها على الاتصاال بالانترنت
معظم الشروحات الي متواجده بالمنتديات هي شروحات كيفية تقوية اسقبال اشارة الوايرليس
يعني بأختصار .. الألفا Alfa USB أو G-SKY أو ما شابهها هذي ليست أجهزة لتقويه الوايرلس ( مع أن هناك طرق لتمكين المشاركه عن طريقها لكن ما أشوفها فعاله ) .. مجرد محول عادي للوايرلس زيه زي الموجود باللابتوب لكن غالبا يكون أقوى بالألتقاط بسبب نوع الشريحه(التشيب) المستخدمه والأنتينا المرفق معها .
بالاضافة الى اننا لانستطيع تثبيتها بالهواتف الذكيه
فحبيت اننا انسوي تغيير بسيط ونقووم بشرح كيفية تقويةارسال اشارة الوايرليس لكي نتمكن من استقباله بدون ضعف بالشبكه او تقطيع بالاتصال
تعددت الطرق والحلول لتقويه بث الوايرلس فبعضهم يحط له قصدير على الأنتل حق المودم والبعض يغير الأنتل كامل بواحد أقوى وفيه ناس تستخدم حلول أحترافيه وأكثر تكلفه وهي أستخدام أكسس بوينت لربط وتقويه الأرسال من المودم الرئيسي .
طبعا الأكسس بوينت Access Point يعتبر بشكل عام واجهه توزع الأشاره ( سلك + وايرلس حسب دعم الجهاز ) لباقي الأجهزة وغالبا يكون متصل بالمودم الرئيسي عن طريق سلك شبكة .. يعني مثلا عندك مودم قديم ما فيه وايرلس توصله بالأكسس بوينت وتخليها توزع الوايرلس .
الوظيفه الثانية او الـ Mode الثاني اللي يهمنا واللي تشتغل فيه أغلب أجهزة الأكسس بوينت اللي هو Repeater ريبيتر
طبعا ابي اشرح لكم هنا معنى كلمة Repeater
Repeater بعالم الاتصالات اللاسلكيه هي نقطه اعادة اتصال اي تقوم هذه النقطه باستقبال الاشارة واعادة ارساله بدون تدخل بالاشارة او نوعها وهذا معنى ربيتر طبعا بدون اية اسلاك بينه وبين مرسل الاشارة مجرد توصيله بالكهرباء فقط اي يستقبل الاشارة لاسلكي ويعيد بثها لاسلكي فقط
وهذي صورة ممكن توضح فكره الأكسس بوينت والريبيتر
فيه كذا جهاز وكذا شركة تطرح هذه الاجهزه
لكن الشركة الي اثبتت جدارتها وقوة اجهزتها هي الشركة المنتجه لجهاز
Buffalo WHR-HP-G54
هذا موقع الشركة التابع لها الجهاز
يمنع وضع روابط لمواقع اخرى / الاشراف
وهذي صفحه وجدتها باحد المواقع تبين مواصفاات واعدادات الجهااااااااز ( طبعا اعتمدت هذه الطريقة في بيت الوالد طول الله عمره وعافاه لنا )
يمنع وضع روابط لمواقع اخرى ارجو نسخ الاعدادت ثم لصقها في الموضوع بدون روابط الموقع / الاشراف
والشئ المهم اللي يفضل انك تسوينه ( او تخلي راعي المحل يسويه لو يعرف ) هو رفع فريم وير dd-wrt للجهاز عشان تستفيدين منه بالشكل الأمثل
وايضا للي حابة انها اطبق الاعدادات تم اضافة شرح للاعدادات
يمنع وضع روابط لمواقع اخرى ارجو نسخ الاعدادت ثم لصقها في الموضوع بدون روابط الموقع / الاشراف
سعره مناسب : تقريبا 260 ريال
خيارات عديده
الجهاز يشتغل كرواتر وأكسس بوينت وريبيتر وسويتش .. وبلوحه التحكم عندك الخيار أنك تعدل على أشياء كثيره منها قوة الأشارة , التشفير ( يدعم أغلب أنواع التشفير الموجوده وبأمكانك تفصل تشفيره عن المودم الرئيسي يعني لكل واحد منهم كلمه سر ) وحظر المواقع والتحكم وغيرها وأغلبها مشروحه بالرابط اللي فوق .
وايضا نستطيع استخدام اكثر من جهاز اذا كانت المسافه بعيده ايضا يعني يعني كل جهاز ياخذ اشارة من الجهاز الي قبل ويرجع ببثها بس نادر مايتم استخدام هالطريقه لانه يقوم بالتغطيه الكاافيه
يعني اذا المودم بالدور الارضي نضع الجهاز باخر نقطة يستطيع الوايرليس الوصول اليها فيقوم الجهاز باعادة بثها لنا
طبعا تعتبر اشارة انتشار الوايرليس قويه حيث انها تغطي البيت كامل مع الجيران يعني لاتخاافون من ضعفها حتى بوجودالعوازل بالمنازل
بالتوفيق للجميع