لتكثيف الشعر الامامي ........

في وايد زيوت وأمبولات تكثف الشعر البنات تكلموا عنها سوي سيرش وبتحصلين:)

انا وحده منهم وياريت اللي بيفيدج إتفيديني فيه عقب ............
واشكرج من الحين.............

انا كنت نفس المشكله والله بسيطه بس زيت خروع يوميا حطي على فروة الغره واليوم الثاني غسلي المكان وبالليل عيديها واستمري شهر ولا شفتى الشعر الجديد نابت وغزير امانه ادعيلي الله ينولنى اللي فبالي و يعافيني :D

السلام عليكم ورحمة الله وبركاته...

اختي الغاليه.. انا عندي نفس مشكلتك :( وتوني باديه بخلطه شفتها بموضوع الأخت (جمانة الروح) الله يجزاها ألف خير وهي الخلطه أساساً للأخت البتول الطاهره الله يجزاها خير بعد

وهذي الطريقه نصاً من موضوعها..
************************
وصفة تنبت الشعر بعد اسبوع :وصفة البتول الطاهرة :

رجل كان يعاني من الصلع منذ صغره جرب هذه الوصفة وبعد ثلاثة ايام رأي في رأسه شعر مثل الوبر ::
قليل من المحلب ( فنجان قهوة )
زيت خروع ـ علي حسب ما يلزم الشعر
يسخن الزيت ثم نضع عليه المحلب وبعدما يبرد نضعه علي الشعر مع التدليك لمدة عشرين دقيقة
مهمة مدة التدليك يومياً والتدليك يكون ( بضمير وذمة)
والمحلب يكون مطحون والوصفة تستعمل يوم ويوم 00 واليوم الذي لا نضع فيه الزيت ندلك فروة الأس أيضاً لمدة 20دقيقة / عندما نضع الزيت وبعد التدليك ( 0000) نغطي الشعر ويترك عليه من المساء إلي الفجر أو الصباح ويغسل
**********************************
بالنسبه لي استخدمة ملعقه كبيره بس من المحلب لان شعري قصير ..
من جد هالخلطه تجنن تنبت الشعر وتنعمه جربيها وإذا اعجبتك أدعيلي وادعي للأخت جمانه الروح وللأخت البتول الطاهره

بس نصيحه جربيها والله ماراح تشوفين إلا اللي يرضيك..

دعواتي لك..

منوته معقوله !!!!
والله صارلي زماااااااااان وانا ادور شي لبوعمر
مسكين متعقد من صلعته.

ممكن يالغاليه اذا ما عليك كلافه تعطيني رابط الاخت البتول الطاهر عشان استفيد اكثر
بلييييييييييييييز لا تتأخرى علي.


وجُزيتي خيرا وعقب الخير جنات النعيم إن شاء رب العالمين.