اخواتي حبيت اني افيدكم من خلا تجربتي مع اطفالي لاني حسيت اني لازم انقلكم تجربتي مع عيالي عشان تستفيد
لو انكم اطلعتو علي ملفات بدايه السنه الدراسيه للتمهيدي او الابتدائي راح تلاقو ان اكثر الامهات بعانو من اطفالهم ما يعرفو يمسكو القلم او انهم يعانو من صعوبة حفظ القران
اولا عشان تعودي طفلك ان يمسك القلم من هوا عمره سنتين جيبيله كراسه والوان وخليه يشخبط علي الكراسه طبعا تحت اشرافك
منعا لاي اصابه راح تلاقي انه مبسوط لانه شايف الوان وغير كدا يطلع الي في نفسه و ساعه في اليوم تكفي ومع الايام راح يتعود يمسك الالوان حتي راح تلاقي خطوطه واضحه يعني ماهي عشوائيه زي الاول وكل ما يكبر جيبيله اشياء غير يعني مثلا كراريس الجاهزه المرسومه وهوا يلونها كذا ماراح تتعبي في التمهيدي انه يتعلم مسك القلم او كتابة الخطوط عشان الحروف لانه راح يكون عنده خبرهو علي فكره كل ما يمسك لون سميله الون كذا مره عشان يعرف اسماء الالوان
الحمدالله بنتي اول البتدائي ماشاء الله مريحتني وهيا من التمهيدي سواء في الكتابه و القران و ولدي 5 سنين ماشاء الله مع اخته حفظ القران والحروف
ثانيا عشان تعوديه علي حفظ القران من عمر 4 سنين لو لقيتي دار تحفيظ للقران قريب وفي المسا ودي طفلك فيه والله ماراح تخسري ولا تقولي صغير بالعكس في دا السن راح تشوفي كيف سرعة حفظهم ودا من تجربتي بنتي دخلتها دار حفظ للقران وهيا 4 سنين
ماشاء الله حفظت في الترم الواحد نصف جزء عمه وكان مسائي من 4 الي 6 واهم شي تشجيع الام والاب الطفل علي الحفظ بس لا تغصبيه
وغير كدا حاوريه لاتكلميه علي انه طفل كل ما سال عن شي جاوبيه صح يعني لاتقولي ماراح يفهم فهميه بطريقه مبسطه
وهيئي الطفل علي المدرسه عشان لا يتعبك مثل ما الامهات الحين يشتكو تعبانين كل وحده تشكي ان ولدها او بنتها ماهي راضيه تروح للمدرسه او الروضه او انهم يسولهم حركات مثل بطني تعورني
ولا تعبانه مابغا اروح من قبل قوليله عن المدرسه و شجعيهم عليه 
وان شاءالله اكون افدتك من تجربتي مع عيالي واتمني ان تحاولو تطبقو شي منه جربو والله ماراح تخسرو 
فعلا الاطفال فى سن سنتين عندهم هوايه مسك القلم والشخبطه وكذلك تحفيظ القران فى الصغريثبت
التعليم فى الصغر كالنقش على الحجر