لجأت لربي بمصيبتي ثم الجأ لكم أخواتي ساعدوني حياتي كلها بين ايديكم

السلام عليكم ورحمه الله
مدري من وين اابدأ لكن *****لله تفهموني وتنصحوني كاخت لكم.....
تزوجت من ثلاث سنين بابن عمتي وكان يرغبني كثيير من طفولتنا لم يكمل دراسته الجامعيه بسبب انه يبغى الوظيفه للنتزوج تقدم وعمره 25
وانا اصغر بسنتين بدات اول ايامي معه انه كان بيسافر شهر العسل وانه كنسله بسبب الناس عرفو مني قبل الزواج سمعتني عمتي وانا اقول لاختي دقت ع امه تحارشها سكت ومشيت عادي..
ثاني نقطه لم يمر ع زواجي خمس ايام يقول لي كلام حريم انهم يتكلمون فيني وينصحونه ماياخذني لان تربيتنا دلع وشخصيتي قويه واني بمشيه ع كيفه
طلبت منه طلب واحد وقتها انه مايصير يسمع اي كلمه وينقلها عندي وانه يرفع نفسه من كلام الحريم وسالته وقتها ؟؟ندمان انك اخذتني قال لا و*****لله ماندم
مشت الايام شهرين وجاء اول موقف زواج صديقتي كان ثالث يوم بعيد الفطر وحضرت زواجي واهدت لي هديه كبيره طلبته احضره وكان بعدها باسبوع الزواج قال خير نزلنا لديره اهلي واهله حنا ساكنين بمنطقه ثانيه
جلست عند اهلي 3 ايام وجات ليله العيد اول عيد بينا تركني عند اهلي جاء يوم العيد الكل مستغرب ليشش مارحت وانا اكنت اعرف السبب مر 3 ايام العيد وجاء يقول لاهلي كانت تبغى تحضر زواج صديقتها
وانا رافض وكان انه يخليني قدام اهلي والناس والعيد اول عيد يمر عشان هالسبب رفضت ارجع له وطلبوني اهلي ارجع وماسويها قصه قدام العالم وامشي حياتي
....
مشت شهرين وانا كانتت الشقه مونظيفه من ناحيه (الصراصير) الله يعزكم طلبته انه ننقل منها وافق وقال لمي عفشك وننزل الديره ع العيد الاضحى وبالفعل نزلنا وعيدنا واسبوع هو راح وانا جلست ع اساس يغير الشقه يرسل لي بعدها
3 ايام يسب يقول تتمدحين عند الناس انك مشيتيني عشان اغير الشقه انا عصبت ومارديت شي ولجأت لوالد وقتها
قال لي لاتردين عليه كلامي معه وجلست اسبوع يتصل من كل جوال عشان ارد بالاخير اخوي رد ع اساس رقم طلع هو واعطاني اياه كلمته ع اساس ان مابيني وبينه كلام طلبني اتفاهم معه مارفضت قال انه عارف انه غلطان واني اسامحه والعذال كثير
وانه بيحجز وارجع له قلت والشقه ؟؟؟؟ اقنعني ماعنده فلوس بس تخلص سنه نغيرها مالي الا اني ارضى وارجع وكنت حامل بس شهر وسقطت
طلبني ذهبي يسدد ديونه هذا مامر 6 شهور ع زواجنا والدين كان عشان الزواج ارجع انا اعطيه الذهب اعطيته وقتها طقم 8 الاف يسدد الشقه ع اسياس متى ماتعدلت ظروفه يعوضني .... كنت رافضه الفكلره مره مره بس اعطيته هذا عشان الشرطه كانت بتطلعنا من الشقه

الين هناء تعليقاتكم بعدها ارد؟؟؟
هل يستاهل اكمل معه حياتي؟؟؟
هل ينضمن؟؟ هل تصرفاته صحيحه بحل المشاكل؟؟:(بعدها صار يدور الزله حتى يحط بخاطره ومايقول لي المهم اتبع طريقه شهر عنده شهرين عند اهلي يحط بباله كذا تاديب تخيلو يجي للوالد يقول خلها عندك ماتلبس عبايه راس
انا حامل راسي يوجعني ع طول تعبانه منه عبايه الراس تزيده ...غبايه الطلعه وسيعه تقولون خيمه يجي لاهلي عشان يقول كذا المهم مر شهرين ورجعت ع اساس انه بس كان عذر وكان كارهني يوم حطني عند اهلي ....
حملت يوم كنت بشهرين حطني عندهم انه خايف علي وانا عرفت سببه صار يقطني تعود المهم بالشهر الخامس جاء يرجعني شهر رجعنا لبيتنا وبعدها جاء العيد الفطر نرلنا العيد تركني عند اهلي خمسه شهور للولاده اهلي اهتمو بمستشفياتي وباغراض البيبي
وبكل شي ينزل يومين كل اسبوعين بس يشلني من الساعه 10 الليل للفندق ويرجعني من بكره الظهر اليوم الثاني يقضيه مع اهله طلبته وقتها السوق المستشفى يققول مامعي الا يوم الاتاح فيه ارجع اسكت ...
بعد ولادتي خلصت الاربعين جاء ووداني فندق من بكره يقول اجلسي عند اهلك وانا عندهم 5 شهور ..عرفت ان السالفه فيها ان ساعه بالضبط غير رأيه وقال جهزي اغراضك وانا سكت اشوف الين توصل ؟؟ ورحت معه ودخلنا بيتنا نمنا طول الليل من بكره دوامه
راح داومه و انا نظفت البيت لحالي وووتكسر ظهري غبااااار و من الساعه 9 الصباح الين 3 العصر انظف خلصت وتروشت جلست ع الكمبيوتر لقيت سجل محادثاتي فتحتها كانت الطامه لقيت ثنتين يسولف معهم وحده من بعيد نعرفها والثانيه متعرف عليها من منتدى فاتحه له
وتعرف عليها قاعد يشكي مني وان الناس حذروه مني وكاتب اسمي وبقول ادعي اللي ببالي يصير وماودي عاد ارجعها معي هناء كانت صدمه ارتجف واصيح ابكي ماتوقعت انالا اتغاضى وارجغ اصبر بالاخير هذا جزاتي
جاء وانا ماتكلمت ولاكلمه وحده بس كان انه مستحيل الرجع اجلس معهخ طلبني طول اليوم ويعتذر ويدعي ع نفسه سكت ومشيت الامور بس اسبوع يقول جهزي اغراضك تنزلين الديره يمكن جاني نقل الديره انا نزلت وارسل لي رساله ماعاد ابغاك
بطلقك قريب سكت وماتكلمت بعد شهرين نزل الديره وجاء يترجاني ارجع انا رفضت خلاااااااااااااااااااااص صبري نفذ
سالوني اهلي وقلت لهم كل شي شفته مع لك قالو الصبر ارجعي دامه جاء ندمان بعدها رجعت شهرين بالضبط سافر يومين وقتها مات جده ابو ابوه نزل وشال اهله وراحو العزاء
طول الثلاث ايام ماكلمني ولاسأل عن ولده بعد العزاء بيومين يدق علي يقول بجيك انا رفضت قلت ماعندك فيني كم يوم بعدها تجي قفل وخلاها شهرين ورجع وجاب اعذار وااااهيه طلبتني امي عشان ولدي اصبر لرجعت لقيت خيانات ويكلم اللي اكتشفته مغها انا ماسويت شي بس عطيته خبر يغير من اللي هو فيه
ولايطلقني وينهي عذابي اسبوع بعدها قال ماعاد اتحملك عشاني زعلانه وساكته وماودي بالشوشره جاء وهو الغلطان وسوى كذا
والحين خلاص تعبت دخلنا السنه الرابعه الناس خلوني مضحكه ...اهلي يعايروني بكلامه عندهم وانه انسان فاشل ...
هل الطلاق حل؟؟؟؟؟؟

إذا مو حل قولولي تصرف هل اجلس سنه ببيت اهلي يتأدب؟؟؟

انا مشكلتي مو بالمشاكل كل بيت مايخلو من المشاكل لا مشاكلي بالاستقرار انا ماعشت معه كزوجه ع طووووول ببيت اهلي
اي شي تافه بينا العالم يعرفونه يشكي مني للحريم وللصغار والشيبان ويمكن حتى لهندي البقاله


من ناحيه اذا بينا حسد او عين او سحر انا شاكه كثير لأن بدايه الزواج كااااااااااااااان طيب وكنت احس بالسعاده والناس يشوفوني حتى لمى اجلس معهم ع طووول يكلمني ويرسل بس 6 شهور تغير كل شي لدرجه لمى يسمع صوتي يبغى يطرش