ستندرز محل اغلب منتجاتو طبيعية مكانو فى الردسي مول الدور التاني مقابل الدرج المتحرك
وفيه فرع فى العرب مول الدور التاني عند كوستا كوفي مكتوب كده على الكيس حقهم
بس انا روحت حق الردسي مول
عندهم زبدة الشيا الخام نص كيلو 250 ريال وكيلو 400 ريال
وزبدة الكاكاو الخام 400 ريال
وعندهم زبدات مخلطة فيها الزيوت الاساسية ريحتها حلوة بس ماعرف اسعارها
الزيوت الاساسية اللى اتكلمت احلام عنهم متوفرة اغلب الانواع وتقريبا سعر الوحدة 89 ريال
مقشرات الجسم بنكهات مختلفة سعرها 180 ريال
وزيوت خام مكونة من اللوز الحلو والجوجوبا والمشمش سعرها تقريبا 100 ريال
وزيت يحتوي على اغلب الزيوت الاساسية مع زيت بذرة العنب سعره 200 ريال
وعندهم ليف للجسم طبيعية نوع من شعر الخيل ونوع من الكتان ونوع من القنفذ وشي بحري اسعارها فوق ال 50 تقريبا
عندهم مناشف للجسم والشعر عضوية
وكريمات للوجه لاغلب انواع البشرات يقول عضوية سعر الواحد 300 ريال
وكريم للهالات برضو 300 ريال عضوي كمان
وتونك للوجه لاغلب انواع البشرات تقريبا 70 ريال
ومقشروماسك للوجه من العسل 180 ريال بنكهات مختلفة
وعندهم زيت للسيولايت وزيوت مساج معطرة
وشموع وفواحات
وشامبو وبلسم سعر الواحد 110 تقريبا مكتوب عليه خالى من السولفات والباربين والسيلكون
هادا اغلب اللى فى المحل فى اشياء تانية بس مامداني اخد فكرة عنها
انا جربت زبدة الشيا من عندهم حلوة وتجى سايحة شوية
واخدت مقشر للجسم عندهم نوعين سكر وملح انا اخدت سكر بالشوكلاته
واخدت زيوت وليفة الكتان بس مو حلوة ماتطلع رغوة او انا ماعرف استخدمها صح
واخدت عينة من كريم العيون حلو وبارد على العين
ستندرز محل اغلب منتجاتو طبيعية مكانو فى الردسي مول الدور التاني مقابل الدرج المتحرك
وفيه فرع فى...
لا اعرف شيء عن زيت الخردل في الحقيقة غير متوفر عندنا و لم اصادف عنه اي معلومة
بالنسبة للدعك لا باس ان تدعكي برفق قليلا حتى يختلط الشامبو جيدا بالشعر و بعده مشطي برفق ابتداء من الفروة مشطيها لوحدها من دقيقتين لثلاثة و بعد دالك مرري المشط على الخصلات حتى تتنظف جيدا و تزول اثار الدهون و الغبار
تقشير الفروة مهم و المشط مع الشامبو يحققان ذالك رغم ان غالبية الخبراء يحذرون من التمشيط لكن لا بد من تنظيف الفروة استعملي مشط رقيق للفروة و عريض نسبيا للشعر