.
.
السلام عليكم ورحمة الله وبركاته
اسعد الله صباحكم ومسائكم ياحوائيات ان شالله تكونون بألف خييير وصحه وسلام
هالموضوع لاني احبكم وابيلكم الخير
انا راح اتكلم عن اشياء كثيييييره ندمت عليها وتعتبر خراب للبشره تدرون
الشي لازاد عن حده قلب ضده :rolleyes:
وهالشي اكتشفته بعد فوات الاوان وحياتكم وهالموضوع عشان ماتغلطون غلطتي ابيلكم الخير والله
واتمنى تقرونه كله للفايده مو اكثر
اول شي بحكي لكم عن بشرتي
انا ولله الحمد كانت بشرتي مررره حلوه جسم ووجه من ناحية بياض صفاوه نضاره يعني خلقه بشرتي ماتحتاج
ووالله يابنات من زود ماهي تجنن انضربت عيون كثير بسببها والحمدالله كنت امكن نفسي بالزيوت المقري عليها
واطيب انا شكلي عادي بس تدرون البشره تخليك حلوه غصب وكان هالشي الي يخلي الناس تنهبل علي
بس كان فيني عيب العب واجد ماهجد وكانت امي تعصب لاني ماحتاج اهتم ببشرتي لهدرجه
بس الحمدالله ماكنت اقرب الكيماويات وكريمات مجهوله وهالخرابيط
كنت عالطبيعي ليمون نشا ماسكات زي كذااا راح افصلكم بالضبط شويات المهم مابقيت شي ينشف ماحطيته خبله:dry:
وانتم تدرون اي شي ينشف بدون ترطيب وكثرته تخرب والجفاف العدو الاول للبشره
يعني البقع والتشققات وكل ابو شي شين راح يشرف
والادهى من ذا كله اني كنت بفترة مراهقه وقت ماتكون البشره محتاجه تتنفس واهم شي بهالمرحله الترطيب
المكثف عشااان تبقى البشررره مرطبه ومحافظه على نضارتها ولازم العنايه فيها بعقل وبدون زحمه
شي واحد خلصتي منه ابدي بشي ثاني لاتعملين خرابيط بوقت واحد ومرتين بالاسبوع كافي ورطبي لاتنسين
هالمرحله من بداية البلوغ لحد ماتوصل العشرين مثل ماقلت انتبهوا لاتغلطول غلطتي
طبعا الاشياء الي كنت استخدمها وضرتني :icon33:
الليمون وبكثره صحيح انه روعه للبشره ب ماننسى انه ماده حارقه بالبدايه تعطيك الي تتمنينه وبعدها
تحرق بشرتك حرق وكلف وبقع الليمون مالها حل هذا غير الجفاف والحساسيه الي ماتخلص
طبعا بعدين بعدين مو الحين النتايج عشان ماتقولون لي غريبه ماسوالنا شي ومن هالكلام
ترى انا بعد ماسوالي شي 5 سنين طيب
طبعا الليمون عطاني لمعه مره حلوه ببشرتي
استخداماتي له كثيره وادري كثرته غلط بس عندكم امي تستخدمه بالشهر مره وبرضوا عطاها
نتايج حلوه مره زادها بياض وهي بيضه خلقه تخيلوا صارت لمبه ماشالله :S_45:
وندمت انها حطت شي اسمه ليمون لانه جابلها مشاكل بعد 14 سنه مانفع معه لاكريمات ولا شي
وخرب بياض امي الالهي يعني الزفت حتى لونها الطبيعي لعب فيه :crap:
والسنفرات بجميع انواعها تعطي لمعه واستخدامها اكثر من مره بالاسبوع غلط غلط غلط
والبشره الجافه والحساسه تبعد عنها نهائيا لاتقولي في شي اسمه سنفره للبشره الحساسه
صدقيني فيه ولا مافي ابعدي عنها كلها نصيحه خلك رقيقه مع بشرتك ارق شي :frown:
عندكم الليفه المغربيه والصابون المغربي والبخار بكبره
ياعالم انا استغرب البنات الي اسبوعيا يسوونه هذي غلطه من غلطاتي بعد
لهدرجه ماعندنا عقول نفكررر
لوم نقارن نفسنا بالمغربيات والسوريات واي احد صاحين ؟؟؟
لاجد المقصد الجووو جونا زفت غير جوهم جونا لو طلعتي ورجعتي لبيتك ماتحتاجين بخار
لانه حار وجاف خلقه اروح ازيد الطين بله غلط يابنات
هذول جوهم معتدل ولو سوو كل اسبوع مايضرهم عكس جونااا
والصابون المغربي قوي مره عالبشره مره بالشهر كااااااااااااافي مايحتاج
والليفه كثرتها تسود عن تجربه اتكلم ولاتقولون ماعرف للحمام انا مره شاطره فيه وتفريكي
ابد مو قوي والصابون مايطول حتى علي لاتنسون ان اي شي يحك يسود والليفه خشنه وتحك حك
والبخار كثرته تفقدك السوائل
يابنات مره بالشهر خير وبركه نتايج حلوه بدون ضرر
والمويا الحااااااااااااااااره تفقد البشره نضارتها وتجففها كثيييير
والاقنعه حنا بالعاده نمسك الاقنعه ونستخدمها بكثره ناسبت ولا ماناسبت
يعني تجيك الوحده مدرعمه تشوف القناع وعلطول تطبقه عليها غلط
لازم تنتبهين للمكونات تناسب ماتناسب اي شي زي الليمون الخل فكس ومادري ايش
مادري كيف تحطونها وتنسون نتايجها بعد مده ايش ممكن تسوي لك
والكريمات انتبهوا منها
الزئبق والكرتزونات مالها علاج انسي لو بشرتك خربت
والامراض الله يكفينا شرهاااا
والصوابين للوجه والجسم بعض الي بالصيدليات
وكل الي بالعطارات آه يالقهررر قسم بالله ندمت ندم مو طبيعي بعد ماعرفت انها دماااااااااااااااااار
اي شي ينشف دمار دمار البابايا وغيره من الصوابين مثل ماقلتلكم مو الحين النتايج
حتى لو رطبتي من اليوم لين بكرا الزيوت الطبيعه الي بجسمك ووجهك لو راحت خلاص ماعاد في شي ينفع
استبدلوها بصابون طبي خالي من مادة الصابون او غسولات طبيه بعيد عن الماركات
اولاي وطقته التجاريه الي ماتدرين وش ممكن يعملك بعدين
واللوشنات المعطررره لاتجون بعدن وشفيني سمرت وووو
طول مانتي لوشناتك تعتمد على العطور انسي انك مراح تسمرين يوم من الايام
ماقولكم لاتحطون مره بس بعقل وقت الحاجه الواحد بعد مايبي بشرته تبهت وتسمررر وكل جهه لون
والزيوت كثرتها تسد المسام
نصيييحه راح تنفعك وتبقي بشرتك حلووه علطووول بدون مشاااكل
للجسم
اولها الترطيب ثم الترطيب لوشنات طبيه
عندكم لوشنات ممتازه
نيفيا بزيت اللوز
ايفين ماركه طبيعه فيها عطر بسيط لجميع انواع البشره حتى الحساسه نعومه وريحه واو
او اي مرطب نسبة العطر فيه قليله وماتحسس بشرتك اهم شي ابعدو عن شي يهيج البشره
عشان ماتخسرين سماكة بشرتك وتصير حساسه زياده عن اللزوم وساعتها حليها عاد
مره او مرتين بالاسبوع
ماسك وياريت بدون خربطه واشياء معقوله
ولاتنسون لاليمون ولا خل ولا شي حاررر بشكل عام
والفرك بشويش مو بدفاشه
للوجه
نفس الشي للماسكات
المرطبات عندكم مجموعة اورانج دايلي
كلين اند كلير
منتجات طبيه كثيييره وروعه لجميع انواع البشره
افضل من اي صابون او كريم مادري وش نهايته
حنا نبي نعدل ولا نبي نخرب
والاهم لازم كل وحده تعرف نوعية بشرتها بالضبط عشان تعرف كيف تتعامل معها
وتوازي ماترهقها وتكفون بعقل
ومن ناحية البيض الي جاهم تصبغات ويبون يزيلونها علطوووول بوجهك لطبيب مختص
يكتبلك ويواصل معك طول العلاج
من غير ضرر وزياده لمشكلتك
مو تروحين تاخذين لك اي شي من راسك ويالله ياليل ماطولك خلصتي من المشكله دخلتي بمشكله ثااانيه
يتبع
نانا الرياض @nana_alryad
عضوة نشيطة
يلزم عليك تسجيل الدخول أولًا لكتابة تعليق.
الله يسعدك ويوفقك ياقلبي قريت شوي وباين عليكي وحدة فاهمه لي عودة امخمخ على موضوعك واذا عندي سؤال بسألك
الصفحة الأخيرة
لو احنا نوازي الامور ونهتم بعقل صدقوني بنستفيد كثييير
بس التسرع وكثرة الخرابيط وننسى مكوناتها راح تخرب وماراح نلقى نتيجه طول عمرنا
حتى لو فرحنا سنين بجينا يوم ونندم اذا مالقينا له علاج :44:
عشان كذاا اغلب البنات مايلاقون نتايج
الصبررر يابنات ولا شي يأذينا تكفون :26:
انا راح اقولكم اشياء نفعتني حاليا للي تبي تستفيد
طبعا بشرتي حاليا بعد مارهقتها اصبحت مختلطه مايله للجفاف وحساسه
طبعا اهتمامي معتمد والاول هو الترطيييييييييييييييييييييييييييييييييييييييييييييييييييييييييييييب اكثر شي
لوجهي % ماسك الزبادي والنشا مره بالاسبوع او مرتين على حسب المزاج
وموية الخيار لعيوني مرتين بالاسبوع بعد
وبرضوا ماسك الافوكادوا مع النشا او الزبادي لايفوتكم يابنات اصحاب البشره الجافه والحساسه
غسولي من ماركة ايفين طبيه للبشره الحساسه
وغسول كلين اند كلير الازرق للبشره المختلطه او الجافه
كلهم حلوين بس حاليا ايفين اكثر :smheart:
وعندي مرطبين للوجه واحد من ايفين والثاني من اورانج دايلي مرره الحمدالله ارتحت عليهم
بس ايفين لرقبتي لانه دسم عالبشره بس واو يالنعومه حتى يدي احطلها منه
ومن ناحية اهتمامي الاسبوعي ذكرته وهو سنفرة القهوه وجهي وجسمي حلوه واهم شي تنعم
لوحدها طبعا مع شوية مويا
لجسمي % البخار مره بالشهر مع سنفرة القهوه وبعدها ماسك البطاطس وقشور
الموز وضفت عليه افوكادوا عشان ماينشف وحطيتها بالثلاجه برضوا هالماسك احط
منه مره بالاسبوع لجسمي بدون بخار طبعا
ولوشناتي للترطيب واجد وكلها طبيه ارتحت من التهيج والجفاف شوي
اسماء اللوشنات
qv
سيتافيل
ايفين
وغسول لجسمي من سيباميد قطعت الصوابين مره الحمدالله والمويا الحارره
طبعا المويا وعصاير الخضار والشمندر بكثررره ويوميا اعوض الي خسرته آخخخ بس :icon33:
ولشعري % جرجير مع زيت فاتيكا اخلطهم واحطهم مرتين بالاسبوع ويوم الجمعه خلطه
مكونه من زيوت الخروع والجرجير وزيت الخس وزيت السمسم وحطيت عليها فناجنين حلبه يمنيه مطحونه
وفنجان حبة البركه
ونقعتها اسبوع وكل جمعه احطها
وموية المحلب بعدها علطول وامشط شعري واحويه
بنات ترى لازم تسلكون الشعر عشان يتنفس ويطول ويزين والقص مهم كل راس دوره شي بسيط مو مره
واذا في تقصف قصيه وارتاحي عشان مايرقى لباقي شعرك ويعدمه لك ولا عاد يطول ويزين مهما سويتي
وتعلمي كل بعد صبغه تقصين الاطراف مهم مهم مهم عشان مايتقصف
طبعا شعري ذا حكايه لعبت فيه بالصبغات وكان كثيف ماشالله وطويل وخربته نفس بشرتي
خلوها على الله بس
والحين باديه اوازي الامور وانتبه والحمدالله احس ان اموري بدت تتعدل شوي
واتمنى انكم نفس الشي تنتبهون عشان تستفيدون
والي حابه تستفسر بأي شي انا حاضررره
وصدقوني تجاربي وقرايتي خلتني افهم بأمور كثييييره
لاني احب دايم اقرااا عن اي شي يخص الجمال وطبعا
هوايه فيني واعشقها ويوم عن يوم افهمها اكثررر واكثررر
اختكم نانا :26: