لجيتي تطلعين مع زوجك واطفالك وين تروحون ...نبغى افكااار حلوه ومبتكره للنزهاات

انا نفس الشي بس الفرق اني لسه ماجبت عيال ماندور الا بانصاف الليالي

موضوعك حلو

بس يعتمد من منطقه لمنطقه وطبيعتها والاماكن اللي فيها

انا ماعندي الا بنت عمرها سنه فالسا مانطلعها

واذا طلعناها تطلع عينا لانها تحبي بس

انا نحنا فنطلع عادة بعد جمعة ليلة الخميس بيت اهله حوا الساعه 12 او ا وناخذ غالبا كبتشينو او حاجة ساخنه مدري ليه كذا تعودنا حتى ايام الصيف وندور بالسياره

او ننزل في احد هالحدايق اذا كان الجو يساعد

وبس

:)


http://fa2m99.jeeran.com/فاصل-احمر.gif

اقول لك على شي:
انا العيال طفشوني...صغار واولاد...(ياسلام)كل واحد يقول الزود عندي من الشطانه
كل ما طلعناهم نتمشى سولنا فضايح مع الناس
ماما ابقى ماي
ماما ابقى الحمام(دورة المياه)
ماما وماما..(ازعاج)
فصرت ما اطلعهم مع بعض الا...ملاهي......بر....منتزه...بحر...بركة...وبس
آخر مرة من الزهق..سويت رحلة متكاملة للسطح
فرش وجمر وشوي وشاي على الفحم..والعيال بالسياكل ياحافظ اذوا الجيران
اذا بقيت ارتاح اطلع واحد بس اللي يفهم فيهم وبس
يمكن ما اكون افدتك لاكن ما حبيت اطلع وانا ماكتبت لك شي
اختك:مشاعل

ست النساء:

حبيبتي هذا عشان بعدك عروسه ومابعد يجونك عيال ..
لكن اذا جبتي عيال بيسوون لك فوضى بنص الليل او بينامون عليكي ..
على العموم مشكوره على المشاركه

خوية ريم :

عادي مو شرط نكون بنفس المنطقه .. الساالفه بس تبادل افكار عشان نستفيد منها :) وتسلمين

مشاعل :

حلوه فكرة الغدا والشوي فوق السطح ..

لكن خساره السطح مو ملكنا لحالنا ..ولاكنا بنطيييح فيه
تسلمين على الإفاده :)

طيب خذي هاالفكره بس لاااازم يكون يوم ممطر هههههه ..

في يوم كان عندنا مطره قويه في الرياض صلينا الفجر وطيران على السطوح انا وياه وقعدنا على جنب نطالع المطر كان يوم جمعه ويوم نزلنا قلتله وش رايك نطلع بالسياره ما شبعنا من المطر ادري فيه ينجن على الامطار قال فيني نوم قلت ندور شوي ونشتري فطووووور وقعدت اتنطط قدامه لين رضي وطلعنا كان الجو روووووعة ..... ايام المطر تصلح للتغييير حتى لو دوران بالشارع .... جربوها