ازيكم يا بنات عالم حواء
وحشتوني جدا بقالي فترة مادخلتش هنا
انا النهاردة جاية أتلكم معاكم عن حاجة مهمة جدا لأي واحدة فين عايزة تعمل ريجيم
اول حاجة هي
لحظة اتخاذ القرار
يعني ايه؟
تعالي بقي هاتي كوباية شاي اخضر كده و تعالي نرغي شوية من القلب
كل واحدة فينا وزنها زايد شوية (شوية كتير يعني )
تقول لنفسها ايه
وزني زاد بس حاجة بسيطة و أقدر أنزلها بسرعة و تنام علي كده لغاية ما يبقي كتيرررررررررررررر او لغاية ما تحصل لها صدمة (زي اللي حصلت ليا كده)
:مثلا تيجي تلبس الجاكيتات الشتوي بتاعتها تلاقيها ما بتدخلش
ليه؟
الدراعات بعافية شوية فيهم انتفاخ هههههههههههههههههههههههههههه
و الجاكيت اتضيق و صغر (هو اللي اضيق لكن انا فلة)
او تيجي تلبس بنطلون من زمان ما لبستوش
تبص تلاقي البنطلون مش راضي يعد منطقة الأفخاذ ليه؟
هيسيبوا الدراعات لوحدهم؟ مايصحش
و البنطلون الوحش اخص عليه هو كمان صغر
و ماله اشتري هدوم جديدة
المهم انها ممكن ما تاخدش بالها انها زادت او تقول اصلنا في الشتا لما ييجي الصيف
او العكس
او مثلا هأبدأ من يوم السبت (وطبعا عمر يوم السبت ده ما بييجي)
لكن بتيجي لحظة بقي برغم كل ده بتلاقيكي زي اللي حد كب علي دماغك جردل(سطل) مية ساقعة (أحلي حاجة الرقة في التعبير و التشبيه) هههههههههههههههه
او اداكي بالألم علي عينك( ايه الشاعرية دي ههههههههههههههههه)
احنا بقي عايزين كل حلوة فيكم قررت انها تعمل ريجيم
بس ايه قررت بجد
مش صحت من النوم لقت نفسها زهقانة تقول اعمل ايه النهاردة؟
ياللا اعمل ريجيم
وبعد الضهر تزهق تروح تاكل
لا
اللي اخدت دوش مية بجد
تيجي تحكي لنا ايه اللي خلاها تاخد القرار
مش ماما قالت لي انتي زدتي قلت اعمل ريجيم
ولا اي سبب من الأسباب الغير داخلية
لأن مهما كانت الأسباب الخارجية عمرك ما هتاخدي القرار بجد غير من جواكي انتي
لما تتهزي انتي من جواكي
و بتكون دي هي ال turning point او نقطة التحول في حياتك (حلو الانجليزي ده بعد جردل المية هههههههههههههههههههههههه)
يعني لو قريتم معايا اي قصة لحد فقد وزنه هتلاقوا في الحكاية وقفة او حاجة جامدة هزت الشخص ده و اتخذ القرار فيها
انا عايزة كل حلوة فيكم تدخل تحكي لنا لحظتها
امتي و ليه أخدتي قرار انك تعملي ريجيم؟
انا بقي يا بنات اللحظة بتاعتي كانت من حوالي أسبوعين و اللي متابعني هيلاقيني ابتديت التزم بجد اوي من اسبوعين لأن زي ماقلت اللي حصل هزني من جوايا
ايه بقي؟
كنت مع زوجي و مجموعة من الأهل و الأصحاب في مدينة الملاهي
في العادي انا اللي بأصور بالكاميرا بتاعتي و بالتالي نادرا ما اتصور
المرة دي بقي قلت اتصور مع جوزي لأ،ها اول مرة نروح بعد ما اتجوزنا
و اتصورت كمان مع زوجات الأهل و الأصحاب
و انا من جوايا شايفة نفسي زايدة شوية صغيرين بس عشان طويلة و كده هأبان أتخن منهم شوية
بس لما شفت الصور بقي
عينكم ما تشوف الا النور
اولا:
جنب جوزي مش عارفة ان كنت مامته و الا خالته؟
المهم مش مراته مع اني أصغر منه ب 5 سنين و كمان هو طويل يعني مش الطول
لا ده انا طلعت ثلاثية الأبعاد الدراع ايه و العرض ايه
لقيت الراجل واقف و في دراعه ضلفة باب
اش بقي صوري مع باقي البنات
فيل و 4 قطط ههههههههههههههههههههه بجد دراعي يعمل منهم اتنين
وقفت مع نفسي و قلت يا خبر اسود
لاااااااااااااااااازم وقفة مع نفسي لازم ارجع زي ما كنت مش معقول كده
و
فعلا من يومها ملتزمة و الحمد لله و كل ما ألاقي نفسي هأضعف افتح الصور علي الكمبيوتر لدرجة اني حطيتها خلفية عشان ما أنساش
ها امتي لحظتك انتي؟