لحظة ضعف !!!!!!

أنا صار لي فترة سبعة شهور من تزوجت وعايشة مع زوجي والحمدلله عيشة جميلة ، لكن مرت فترات كنت أحس إن زوجي ما يحبني دايما يطلع من البيت ويصرف الفلوس وما كان يعطيني أي شي ، حتى إني كنت أضطر إني أبيع أي شي من ذهبي او عقود الألماس علشان أحصل فلوس وكان زوجي دايما يقول لي روحي بيعي أي شي علشان إتجيبين فلوس مع إنه عاطل عن العمل وانا اصرف عليه ، كان يشتغل مع أبوه وبعدين خسر كل شي والحين هو يدور على شغل بس معاشي كله هو يصرفه وأنا والله ما أحصل إلا مبلغ بسيط ما يكفيني ، ومع كل هذا صابرة وما قلت شي .
بس المصيبة الكبيرة إنه في واحد أنا كنت أعرفه قبل الزواج وكان ناوي يتزوجني بس ما حصل نصيب وأنا في لحظات ضعف كثيرة كنت أبعث له مسجات حب وإيميلات كلها لهفة وشوق لأنه كان يدرس خارج البلاد ، ولما حضر كنت محتاجة فلوس فطلبت منه مبلغ على أساس إني برده له ، وأختي عرفت بهالشي واتوقعوا شو سوت ؟ قالت له كل شي عن حياتي الزوجية وعن مشاكلي أنا وزوجي والحين أنا ندمانة على كل إللي سويته ، بس خايفة إنه يتصل في زوجي ويخبره عن الإيميلات والمسجات ، والله العظيم مب عارفة كيف أتصرف وأنا والله يشهد عليه إني أحب زوجي بس ما أدري كيف سويت هالشي ؟ وأنا دايما أستغفر ربي وأدعي إنه يغفر لي وما ينفضح أمري .
دلوني شو اسوي لأني حاسة إن مصيري بيد هذا الشخص إللي بيخرب عليه حياتي .
أنا أدري كلكم بتلوموني وبتعتبروني خاينة بس أنا والله العظيم ندمانة وتبت إلى ربي والله يشهد على كلامي .

ودمتم سالمين