يابنات ...زي ماقلتوا فيه معلمات مايبغون يفلتون الوظيفه .....

لكن فيه معلمات يبغون التقاعد المبكروالمبكر جدا ... بعضهم قالت أبغى أرتاح وأهتم لعيالي ..لكن كيف أخلي وظيفتي اللي تعبت فيها..أبغى راتبي وأبغى بيتي
فياليت كان فيه تقاعد مبكر أبكر من اللي حاطينه ...وماهو شرط اجباري

انتو عارفين متى بدأت أول دفعه تتقاعد من المعلمات ...السنه اللي فاتت ...
أعرف واحده عجوز تطلب من الاداره يقاعدونها أبكر بسنوات قليله ...رفضوا الين تنتهي المده ..شبعت من الفلوس ومن العمل ..لو تعرفون أدائها ...متململه من العمل ..خلاص زهقت ...بس الوزاره أصلا حاطه نظام للتقاعد كثير جدا ...قولوا يقللونه ...ماهو اجباري

..... بالله متى هم حاطين التقاعد ...سنييين طويله الين تتقاعد ...اذا كبروا عيالها وكبر سنها واحتاجت تكون فرد بناء ...فكيف بالله تبغونهم يتخلون عن وظايفهم ...يوم تعودت عليها واحتاجتها لدعم نفسيتها وكبر سنها
أنا من رأيي أن يبكر التقاعد أكثر من كذا ,,وماهو شرط اجباري ...وهذا هو الحل الأمثل

(ليش جافاك النوم علشان رزقهم ماشي
يااختي الحال من بعضه خريجه بدون عمل
لكن مؤمنه بقول الله (ومامن دابه في الارض الا على الله رزقها ) )
أختي الكريمه cbc111
إذا كان قصدك إني أحسدهم معاذ الله أن أكون كذلك لكن أود التنبيه على نقطه وهي إن رزقهم راح يستمر حتى إذا تقاعدت ماراح ينقطع..
وكلنا مؤمنين بأن الله هوالرازق فهو الذي كتب لك انسان عمره واجله ورزقه وشقي هو أم سعيد لكن " اسعى ياعبدي وانا اسعى معاك" وانا لما ناديت بالتقاعد الاجباري اتباعا لقول الرسولصلى الله عليه وسلم "لايؤمن أحدكم حتى يحب لأخيه مايحب لنفسه" وانا اعرف نماذج لمعلمات مر عليهم بالتدريس أكثر من 50 سنه وحل عليهم التقاعد بس كل سنه يجددون مع انه المفروض خلاص تعطي الفرصه لغيرها من بنات هالجيل .

أخت جنوبيه أنتي أثرتي عدة نقاط:
1-ذكرتي بأن هناك معلمات متشبثات بوظائفهم وهذا موجديد
2-ذكرتي بأن هناك معلمات يبون يتقاعدون بس مو هاين عليهم الراتب لاحظوا الراتب وليس الطالبات
3-ذكرتي خبر جديد ان اول دفعه بدأت تتقاعد العام ياترى هالدفعه كم لهم في سلم التعليم من
سنوات
4-ذكرتي أيضا قصة المعلمه العجوز اللي تمللت من تعليم البنات بعد ماشبعت فلوس علىقولتك
5-اقترحتي تقليل سنوات الخدمه
6-تراجعتي وقلتي انها لما تكبر تكون بحاجه للوظيفه أكبر كدعم نفسي ومن هنا ناقضتي نفسك
مع ان عندك نموذج قصة المعلمه المتملله من التعليم وهنا تقولي دعم نفسي
ياأختي الكريمه ليه مافكرتي في هالخريجات هم يحتاجو للدعم النفسي اكثر دام ان هناك من مل من التعليم فالخريجات وهم في بداية التخرج يكونو متحمسين اكثر للعطاء
وصدقيني لو ماكان التقاعد اجباري ماراح اي معلمه تطلب التقاعد...
لذا من هنا أنادي بالتقاعد الاجباري وسيصل صوتي بإذن الله للمسؤلين قريبا بعد تفاعلكم معاي.

خلي التقاعد يصير مبكر 15 سنه نص الراتب ووصلي كلامي للمسؤلين

لانه بعد كذا تكون الوحدة كبرت وكبروا اولادها وما عد تبي تجلس لحالها بالفراغ ... اما في بدايه تكوين اسرتها تجلس وبكل حماس
<<<< وحده تنتظر 15سنه تقاعد مبكر علشان تتقاعد :D لانه العشرين بعيييييييده الله يعطينا طوله العمر

وانا اضم صوتي لصوتكم
نعم للتقاعد الاجباري
والله اللي درسونا معاهم سنه سادس ووالله المعلمه اللي كانت تدرسنا مادة القران كانت تغلط في الايات القرانيه وكنت انا سنه ثانيه ابتدائي اقولها يابله اختي حفظتني الايات موكذا وقارا عليها الايات الصحيحه وتقول (صح) صفقولها وتقوللي كل يوم حضري الدرس لاني كنت اشطر واحده في الفصل وتكتب الايات على السبوره وتعطيني مسطره طوييييييييييله واقرا الايات بتاصوت العالي والبنات يقراون وراي (هذا حالي سنه كامله )وهي جالسه وحاطه رجل على رجل
وبعده بكم سنه صارت مديره والى يومك هذا وهي جالسه على كرسي الاداره وكل مامر المدرسه اتذكر هذيك المواقف الخجله لمعلمة اجيال وطبعا هي ماهي فاكرتني
وغيرها وغيرها من المعلمات المعمرات اللي اساسا علمونا اشياء غلططططططط وماكانت في قلوبهم رحمه
ماقول غير حسبي الله ونعم الوكيييييييييييييييييييل