والله أتمنى يحددوا ويضعوا قرار سنوات الخدمه للتقاعد من 20 إلى 25 سنه من العطاء ونعطي فرصه للشابات والدماء الجديده والمتجدده
لان المرأه ليست مثل الرجل فالرجل يكون بصحته وعطائه حتى لو بلغ سن الستين لكن المرأه لما تتعرض في فترة حياتها من ولادة وغيرها تجعلها اقل قوه من عند سن 45 أل فوق تبدا في الضعف نفسيا وعقلانيا وجسمانيا
اتمنى والله لو يعيد النظر في الموظفه ومدة سنوات عمرها
فمن ترغب وتجد نفسها قادره على العطاء لا تزيد عن 25 سنه
فهمتوووني حبااااابي
والله يكون في عون الجميع

السلام عليكم جميعا...
موضع حلو...
أنا معلمة لغة انجليزية ... رسمية ولله الحمد..لكن مغتربة والحمدلله على كل حال..
أحب أقول لكم تجربتي من وجهة نظر أخرى..
من فترة سمعت عن دورة تجويد وقرآن كريم...وحبيت ألتحق فيها لأني ما أحس إني أجوّد في تلاوتي بشكل سليم..المهم...رحت وكنت الوحيدة اللي تخصصها مو تربية إسلامية...وكان معي تقريبا 35 معلمة كلهم تربية إسلامية...ثلاث منهم واضح إنهم كــبيرات في السن...يعني آثار الكبر واضحة عليهم...
واللي تعطينا الدروس بنت في عمرنا...يعني تقريبا بالعشرينات...وماشاء الله فهم وعلم وصوت وتلاوة...والله ماشاءالله عليها...المصيبة إن اللي ملتحقات في هالدورة من الكبيرات يغلطون بأبسط أساسيات القراءة...بالكسرة والفتحة والضمة..وأحيانا بالكلمة كاملة..وإذا صححت لها الأستاذة تقول -بكل بساطة- حنا تعلمناها كذا!!! يالله...طيب والبنات اللي أمانة عند يا معلمة القرآن...تعلمينهم خطأ؟؟؟بس لأنك ماتعلمتي صح؟ولاعندك استعداد تتعلمين صح؟
أنا أشوف إن التقاعد لازم يحدد له فترة زمنية منها إختياري ومنها إجباري...والله أعرف لكم وحدة متخرجة من جامعة الإمام..وبنت في مقتبل العمر..وفي اجتماعاتنا بالعيد أو الاستراحة إذا قرأت قرآن تذرف عيوننا من تلاوتها وتمكنها من التلاوة...وما لقت لها وظيفة لأن خريجات الدورات والثانوية ما زالن متمسكات بمقاعدهن وأغلبهن ما يستحقنها...وغيرهم أفضب بمليون مرة ما أعطين فرصة يعلمون بناتنا صح مثل ما تعلمن صح...
وبقول لكم موقف بسيييييييييييييط....
عمتي معلمه من 29 سنة...يوم تخرجت بنتها من الجامعة ومالقت لها شغل ولا وظيفة...وش سوت عمتي؟؟؟ تقاعدت!!! مو علشان بنتها...لا...لأن تخصص بنتها عربي وهي رياضيات...بس تقاعدت لأنها شافت الحسرة بعين بنتها وهي ما لقت لها وظيفة..قالت أتقاعد عشان جيل بنتي ما ينقهر قهرها...وأحتسب أجري عند ربي...
ياليت كل المدرسات "عمتي" :)أعتذرعن الإطالة

لقد لمست يا اخت " الدلع كله " مكان الجرح , فما ذنب الاف الخريجات اللاتي امضين16 سنة في الدراسة والتحصيل والمثابرة , ولا يجدن من يستفيد من علمهن , حتى ان كثيرا من قريباتي اكتفين بالثانوية لما راينه من انه لن يجدن من يستفيد من علمهن , فما ذنب الدولة تنفق , والنتيجة ان تنسى الطالبة ما تعلمته ولم يستفد منه احد , فانا لولا ما اقود به من تدريس لاخواتي لنسيت ما تعلمته , فكيف حال الاخريات , ولكن المشتكى الى الله عز وجل , وهذه القضية " التقاعد الجباري " لم تلقى من الطرح الجاد لها فلماذا لاتعرض في برنامج مستشارك , ولماذا لا يعمل لها تحقيق في صفحات الجرائد , فوالله لو تركت الجرائد للخريجات بث شكواهن لامتلات الجرائد من اولها الى اخرها , ولكن كلنا ام في الله ان يفرج الهم

أحب أشكر للجميع مرورهم وتفاعلهم مع الموضوع.
بالنسبه للأخت الكريمه "جنوبيه"أشكر لك اهتمامك بالموضوع وتوضيح وجهة نظرك بشكل أكثر وأعتذر لك إن كنت فهمتها بشكل اخر"الاعتراف بالحق فضيله"..

اضم صوتي لصوتك . . نعم للتقـــــــــــــــــــــــــاعد الاجبــــــــــــــــاري .. واتاحة الفرصه للخريجات .. الصراحه زودوها.. كل المعلمات الي درسوني الا الان وهم على راس العمل عندهم ادمان تدريس ما يقدرون يستغنون عن نصف الراتب . ماتشوفينهم زعلانين على اجازة الامومه انها اربعين يوم .. وان ثلاث ارباع الراتب حيروح عليهم اذا مددت الاجازه . الوحده تبغى كل سنه تحمل وتولد... وتزوج عيالها بعد ...