كيفكم يا احلى حوائيات
اكيد اغلبكم يهمكم حفظ الورقيات لاطول مده ممكنه وهو طازج، بلصدفه لقيت بموقع امازون يبيعون اشكال وانواع عباره عن زي العلبه طويله ينحط بقاعها ماء وبعدين تحطين جواتها الورقيات مثل البقدونس مثلا بحيث ان سيقان البقدونس تكون غاطه بالماء، وبحسب كلامهم ان هالعلب تحفظ الورقيات لمدة تصل لثلاث اسابيع، زي هالاشكال
عجبووووني مرررره وعجبتني الفكره، وطبعا ما ادري هل ممكن القاها عندنا او لا لكني ماقدرت اصبر قلت الفكره بحد ذاتها بسيطه خل ادور يمكن في طريقة حلوه ممكن اسويها بنفسي، وفعلا لقيت موضوع بالانجليزي لوحده سوتها وزبطت معاها وهذي الصور توضح
طبعا الفكره جيبي علبتين ممكن يتطبقون على بعض، امسكي وحده منهم وقصي فيها فتحه من تحت بحيث ان سيقان البقدونس او النعناع او اي كان نوع الورقيات اللي عندك تطلع مع هذي الفتحه، حطي بالعلبه الثانيه شوي ماء بحيث انك اذا حطيتي العلبه الاولى اللي فيها فتحه وجواتها الورقيات جوا الثانيه يستمر الماء بالعلبه الثانيه بدون مايدخل على العلبه الاولى، وتأكدي ان كل سيقان البقدونس طالعه من الفتحه ومغطوطه بالماء، وطبعا سكري غطاء العلبه واحفظيها بالثلاجه بالباب وغيري الماء كل يومين ثلاثه او اذا شفتي انه يحتاج تغيير، وبسسسس كذا تعيش معاك الورقيات لفتره اطووووول من المعتاد
للأمانه لسا ماجربت الطريقة لان ماعندي علب كويسه وناوية بروح محل مواعين بشوف اذا لقيت هالعلب والا اشتريت اي علبه تكون نفس الطريقه وتحفظ الورقيات
وعلى فكره نفس فكرة حفظ الورقيات بماء ذكرتها منال العالم، شوفوها بنفسكم
اتمنى تستفيدون حبوبات
دعواتكم
:26: