الله يعينك اذا حامل .. ياختي لاتتوهقين مثلي بالمانع الطبيعي شوفي انا حملت بعد نفاسي مباشره .وبعدها بثلاث سنين جبت لثالث وقلت كفايه . و صرت اكل الحبوب سنه ونص تركتها شهر واحد بس اريح ولا عطتني مناعه وحملت ماشاء الله بالرابع ومن كبر حظي راحت شغالتي .. وبتلشت ماغير كرف وشغل .. تعبت نفسيتي واهملت زوجي ونحبست في بيتي
نصيحه اذاا حللتي ومافيه حمل استخدمي الحبوب افضل لك

مشكورين يابنات ماقصرتو ماتدرون شكثر ريحتوني بكلامكم خففتو علي شوي

الحمدلله رب العالمين ......
زوجي عادي عنده يقول احسن نجيب ورى بعض هذا هو التعب سواء اثنين او ثلاثة
ويقول بعدين بيوقف مايبي عيال عشان يبي يربيهم وهو بقوته هذا كلامه
ويقول مايهمني كلام الناس هذلين اولادي بالحلال وهذا اللي الله كاتبنه لنا
المشكلة فيني انا متضايقة وخايفة لاني شبه متاكده اعرف ان الحركة مثل حركة البيبي بالضبط
ولا طول اليوم يتحرك يعني كبير وكل ماتحرك ضاق صدري واحس روحي اكرهه
وللحين اشكك في روحي واليوم ان شاء الله بسوي تحليل منزلي وان شاء الله خير
يارب تقويني وتساعدني الحمدلله ياربي احنا مقتدرين ماديا وقادرين على تربيتهم
بس لاني عصبيه شوي وبسرعه اعصب عشان جذي اخاف اقصر في حقهم

ومشكورين مرة ثانية خففتو علي همي :(

طمنينا عنك أختي وأن شاء الله تتيسر لك
والله ما فيه أحد مرتاح في هذه الدنيا ان حمل فالحمد لله وأن ما حمل يزعل
لكن انتي الحمد الله وترى ما فيه احلى من تربيتهم وراء بعض فيفهمون بعض ويكونوا عزوه لبعضهم لما يكبروا
أدعلي ان الله يسهل علي ويتمم علي بالولد الصالح
تحياتي

الله يعيــنك يارب
:
:

انا عندي ثلاثه على بعضهم وبستخدم مانع حبوب وافكر بالولب..
بس بصراحة هم متعبين بس اذا لعبوا مع بعض يجننون الله يخليهم
انتي الله يعينك واستقدمي شغاله