لحقوا اول مرة ريلي يغييييييييييييييير من قلب

قوة بنات والله هالسالفه خلتني اموت من الضحك..

امس كنت طالعه مع ريلي رايحيين ندور على اثاث لاني ابي اغير غرفة نومي ومريت على محل حسيته كشخة قلت له خلنا ننزل هالمحل اول ماوقفنا عند باب المحل كان في ريال كشخة واقف عند الباب يدخن..قالي ريلي جنهم مسكرين قلت له اسال الريال قال لابس مابي انزل قلت له ليش قال بس جنهم سكرو المهم حنيت عليه لين نزل وسال الريال قال لا انه بس طالع ادخن..بعدها نزلت ورحت افتريت في المحل بس ماحصلت غرف نوم ..قلت حق ريلي اسال الريال مافي غرف نوم لانه الفرع الثاني فيه غرف نوم ..قال مو لازم قلت له اذا ماسالته انه بساله ،ووقفت وسالته وقال مافي الا غرفتين بالمحل الثاني وماكو غيرهم بس وطلعنا..اول ماركبت السيارة قالي ريلي انه اعرف هذا الريال اهو مو بحريني ويتصنع بالحجي ونافخ روحة كان يشتغل قبل بالكراجات وكان وايد حالته حاله وفقير ووووووو.المهم انه تعجبت لانه مايبين عليه كل هذا ويتحجى بحريني عدل..بس حسيت انه ريلي تغير شوي يعني اتكلم معاه احسه مايضحك ويسولف مثل ماكان قبل لايدش المحل لما سالته واصريت قال غرت واااااااايد
:(
سالته من شنو غرت شفته خزني او شفتني اطالعه قال لا بس غرت حرام اغير :06:
انه تفاجات لانه ريلي عمره مابين غيرته اهو يغير بس مايبينها لي:32:
وقالت له يعني انه تعرفه ؟
قال ولا عمري شفته بس من القهر والغيره طلعت عليه حجي..
خلانييييييييييييييي اموت من الضحك ومن اتذكر اضحك وقالي اسف اني جذبت عليج. بس والله انه فرحت حيييييييييييييل لانه بين غيرته لما سالته اول مرة احس بالغيرة مالته قالي انه كنت لما اغير اكبتها وبعدها صرت من كثر مااكبتها ماغير بس هالمرة ماقدرت ونفجرت ..

جني طولت عليكم مادري انتوا ازواجكم يبيينون غيرتهم لكم ولا لا وشنوا مواقفكم مع غيرتهم خلونا نضحك شوي:11: