اعوذ بالله من قسوة القلب

معقوله هذا مسلم ويصلي ؟

اللي يصلي ويسجد لله ما يكون ظالم ما يكون قاسي القلب والعياذ بالله

ما يخاف يجيه الموت وهو ظالم وياكل مال حرام بلا حق ويظلم زوجته الضعيفه واهلها المساكين

اعوذ بالله من غضبه وسخطه

والله ان لم يتب عن ظلمه وقسوته واكله للحرام اخشى ان يسلط الله عليه البلاء

الله اقوى وهو المتجبر الله وحده بيده ملكوت كل شئ وخزائن السموات والارض

اسأل الله أن ييسر امرها ويهدي زوجها

أختي العزيزه
يجب على صديقتك ان تكون امامه قويه ولاتخاف من تهديداته ربما ماجعله يتمادى احساسه بأنها ضعيفه وجبانه لكن عندما تريه الوجه ألأخر أتوقع في البديه سوف يزبد ويرعد ويهدد ولكن مجرد كلام لأنه بحاجه لها من اين سوف يصرف على نفسه وأولاده لوطلقها لابد ان تكون قويه وتقف في وجهه وتتحمل النتائج مهما كانت لأنها على حق ولاتتخاذل الى متى هذا الضعف وهو يهين فيها وكل يوم يدوس على كرامتها فرجل لايحفظ حق الله في زوجته لاحاجة لها به
يجب ان لاتظهر بمظهر المسكينه الضعيفه لانه سوف يتمادي بل تقول اذا كنت نمر انا اسد
وتلجأ لله بالدعاء في اصلاح شأنها وقبل كل شي ألأستخاره
وكان الله في عونها

الله يسعدها ويرفع عنها مابلاها فيه

الف شكر لكم على الرد الله ينولكم اللي في بالكم ويوفقكم ويجعل مشاركتكم الوجدانيه

لاخت من اخواتكم في الله الله يجعلهافي موازين حسناتكم الله يرزقكم الفردوس الاعلى من الجنه



احبتي في الله


صديقتي في كرب عظيم وهي مثل اخت واعز من الاخت

ليس لها بعد الله الا انتم ساعدوها باالدعاء لها وكتابة ادعيه

لمواجهة ظلم وجبروت الزوج


باالامس كنت عندها بكت من كل قلبها وهي ترى نفسها كسيره ضعيفه

لايجبرها الا من خلقها

عندها بنات في سن 12 و9 سنوات

وطبعا الحضانه في هذا السن من حق الاب وهي خائفه على بناتها

وتقول انها حائره

زوجها يهددها بانه راح يسافر فيهم وتحلم تعرف ديارهم وين

او ممكن يسوي فيهم اي شي علشان يحرق قلبها مهو بعيد عليه

يسوي اي شي هو ظالم متغطرس جبار

وهي صابره هي ام ومن حقها تخاف على عيالها من هذا الظالم اللي عيالها

يرتعبون يوم يناديهم او يعاقبهم


امس حزنت عليها وهي تقول ان امها تقول لها اصبري يابنيتي


يمكن لو نموت انا وابوك يرجع ينعدل معك لانه هو يكره اهلها موووت

وبلا سبب غيره وحسد واعوذ بالله من ذلك

هي تبكي وتقول لي وش ابي بالسعاده اللي ماتجي الا بموت امي وابوي


حتى الروحه عند اهلها مانعها منها ويوم راحت عند اهلها تطمن على ابوها

اللي طريح الفراش اثر جلطه دماغيه من سنتين تقريبا

ويوم طلعت عند اهلها ومايفرق بين شقتها وشقة اهلها الا الدرج

رحت عندهم وكان هو خارج البيت وهي جلست عند اهلها

عشر دقايق بس

ويو رجعت البيت ولا هو راجع البيت ومقفل الباب دقت الجرس

ولا هو يرد عليها من وراء الباب ارجعي بيت اهلك ولاترجعين مره ثانيه

تقول عيالي يصيحون وراء الباب نبي ماما

وبعد ساعه رجعت دقت الباب مره ثانيه وكان نايم فتحوا لها عيالها

ولقتهم يبكون وهو نايم مايدري عنهم

تقول والله اللي مصبرني هاالمساكين اللي بيخليهم كبش الفداء لانانيته وجبراوته


وطبعا امس رفض رفضا باتا انه يصرفلها فلوس وهي الحين ماتملك ريال واحد

رغم رصيدها ماشاء الله نازل فيه راتبها من عشرين يوم

بس هو حاجز بطاقة الصراف ومايبي يصرفلها او يخليها تصرف
وهي محتاجه الفلوس
علشان علاج اهلها وعلاج تشتري لها بعض الاغراض المهمه

طبعا هو مايصرف عليها ابدا هي تدفع الايجار علشان يرضى يخليها في البيت

اللي تحت شقة اهلها

هي تدفع فاتورة التلفون وجميع متطلباتها ومتطلبات عيالها عليها

واللي اصعب من كذا انه مسوي عليها رقابه ومايصرفلها فلوس

من راتبها الا بطلعة الروح ويسوي تحقيق وين وديتي هذا وهذا

والحين طالع بشي جديده حتى ملابسها يبي يدخل فيها

ولا يخليها تروح اي زواج ولا تروح لاااحد

يعني يبي يستعبدها ومضيق عليها الخناق ومكرهها في حياتها

والله قلبي يتقطع عليها هي طيبه مره وحنونه وعمرها ماظايقت زوجها بشي باالعكس هاديه لكن هو جبار ومايخاف الله

الله يخليكم ادعو لها واكتبوا ادعيه علشان تقولها بصلاتها الله يحفظكم

ساعدوها والف شكر للجميع


يااخواتي هي تبغى الطلاق بس خايفه على بناتها في سن 9 و12

الشرع في هذه الحاله يحكم لمين مهو يحكم بحضانة الاب والا انا غلطانه

ام هوازن صديقتي والله قرفانه منه وماتبيه بس خايفه من جبروته وطغيانه

وهي متوقعه الطلاق متوقعه يتزوج عليها متوقعه كل شي حتى متوقعه يضربها

لين تموت متوقعه كل شي

بس هي الحين في حيره الصغار وش مصيرهم هم مساكين مالهم احد في هذه الدنيا


وهو معقدهم ومكرههم في حياتهم بناتها مكسورات خجولات مدمرات نفسيا

بس هي خايفه عليهم منه

والله هي من الصنف من الحريم اللي محترم كثير وهاديه وحبوبه

وخلوقه وبنت حلال وبا العكس هي عارفته زين وكارهته وماتمدحه ابدا

ولا تعتبر نصيحتها تحريض على زوجها باالعكس تبي الفكه منه هي تبغى كيف النجاه منه

بس ماتبي الضحيه عيالها

الف شكر للجميع

لاحول ولا قوة الا بالله كل قوي الله اقوى منه

يا اخت ماريا صديقتك مالها الا الدعاء ثم الدعاء

زوجها ظالم وربك سبحانه يقول (( وعزتي وجلالي لانصرنك ولو بعد حين))

والله اني وقعت في ظلم شديد لا يحتمله بشر وكنت ادعي ربي وكنت اعتقد كلمة ((بعد حين ))

يعني مدة من الزمن لكن رحمة ربي اختصرت هذه المدة الى 24 ساعة فقط ورفع الظلم عني