الله يعينك وعليك بالدعاء

هذي مو بس مشكلتك

مشكله اغلب البنات اللي يتزوجون وهم ما عندهم خلفيه عن الزواج

يحسبون الزواج روحات وجيات واحبك وتحبني

حطي في بالك نقطه

الرجال عندنا وما ادري انتي زوجك من وين

ما يحبون يصارحون بمشاعرهم

واذا حا بيصارحك على ايش

وانتي ضاربه بوز ومكشره

وطالبه الطلاق

واي حب مصلحه اللي هو ماخذك علشانه

اذا يبيك هذا حقه الشرعي

واحمدي ربك في ناس يجلسون بالاشهر ما يجون حريمهم

واذا الوحده بتفكر ان الرجال تزوجها علشان كذا

اجل ماحد بيعرس

وهذا شي طبيعي في غريزه الانساان

الرجال له كرامه

وصدقيني لو يبي طلقك طلقك لانه مو خسران شي

في الاول والاخير انـــــتـــــــــــي الخسرانه الوحيده

يا عزيزتي

اول سنه زواج لاوم تصير فيها نوع من الاختلاف بين الطرفين

اختلاف طبايع اختلاف اسلوب اختلاف حتى بطريقه الحكي

لازم كلا الطرفين يتوددللثاني ويفهم اسلوبه

واي مرض اللي انت يتتكلمين عنه

اذا انتي مريضه نفسيا

صارحيييييييييييييييييييييه يمكن هو اللي يطلب منك الطلاق

وحطي هالشي في بالك

الحب ما يجي في يوم وليله

حتى الكره

بس ما ادري ايش دوافعك لكرهه وليش كرهتيه؟؟؟؟؟

اصبري على زوجك انا ما اشوف فيه عيب يستاهل انكم تفكرون بالطلاق

الحمد لله اخلاقه زينه بشهاده اهلك ولو فيه عيب كان ظهر ايام الملكه

عليك بالدعااااء ان الله يصلح مابينكم ويسخر لك زوجك ويسخرك له

واحتمال تكون نفس اقراي سوره البقره هي العلاج باذن الله للمشاكل

وصدقيني نصيحه لك من اخت

لا تتصورين ان الطلاق هو الحل

بالعكس يمكن تفتحين على نفس باب من المشاكل والهموم

وعنك الف طريقه وطريقه الا الطلاق

اذا حسيت بعدم الراحه اطلعي عند اهلك وراجعي نفسك

وانتبهي من الحمل خلا هالفتره

لان وضعك متأرجح

الله يكتب لك اللي فيه الخير وطمنينا

صراحه سويت 2004 ماقصرت بردها الله يعطيها العافيه ...

=-=-=-=-=-=-=-=-=-=-

اختي اسمحيلي ع الكلام اللي بقوله..

بس صراحه لازم تحددين موقفج معاه...الريال ماتزوج عشان يشوف شكلج وانتي راقده ولا يشوفج وانتي تمشين...متزوج لهدف......

فحددي موقفج...ياتعيشين معاه وتعطييييييينه حطه الشرعي..(حقه من الله وحقه في الدين)

يا تردينله كل فلس اندفع فيج وتخلينه يشوف حياته مع غيرج...

ماصرف فلوسه من مهر الى عرس الى غيره عشان آخر شي انتي تمشينه على ماتبين وعلى ماتهوين وتحرمينه ابسط حقوقه..

وتقولين اهلج كلموه لايقرببج....{===شو هالحكم والله....هلج مدلعيييينج...واسمحيلي ع هالكلمه...

صراحه الظلم منج انتي والتقصير فيج انتي...توكم ببدايه حياتكم...

حاولي تغيرينه لو هو بارد حركييه..هاي شغلتج...

نادر ما حرمته زوجها طلع مثل ماتبي وع هواها..كل وحده تتزوج زوجها مايعجبها مايخليه يقرب منها وتطلب الطلاق..

بس هم كيفووو عمرهم ع طبع ازواجهم وغيروا اللي يقدرون يغيرونه من اطباااع....

استهدي بالله واستعينني به والله يفرج همج ...

وانج تعرفين انج مقصره وغلطااانه هاي بدايه الدرب...صلحي غلطج وعوضي عن تقصيرج والله يسهل امورج اختي ويهديج للي فيه الخير...يارب العالمين....

....=_=....

هذي غلطة اهلك يزوجكي وانت ماتعرفي شيء عن الزوااج بس خلاص سبق السيف العزل
اللحين ما ينفع الكلام هذا اختي انا شايفة انو لو زوجك متزوجك مصلحة كان مداه الحين طلقك وشاف وحدة يقضي معه مصلحته اللي تقصدينها ما كان صبر عليك شهرين اكيد يحبك
وتقولين انك تفتحي عينك في بعض الأحيان تلاقيه شوي بياكلك
ياشيخة اتقي الله وحرام عليك اللي تسويه في الرجال اتزوجك بالحلال استعيذي بالله من الشيطان واعطيه حقه
ترى بعدكم سنه بتقعدي تضحك على نفسك وتقولي والله اني كنت هبلة وبريئة
تحسبي لو طلقك بترتاحي بالعكس حبيبتي جزاه الله خير اللي متمسك فيك خايف عليك من كلام الناس
الحكاية يبغالها شوية شجاعة :35: واي مساعدة ترى أنا حاضرة
الله يوفقك لاتخلي الشيطان يضحك عليك الله يهديك بس
استنى ايش راح تسوي وتطمنينا عليك :32:
الرسول صلى الله عليه وسلم اتزوج عائشة وعمرها 9 وبنى بها يعني دخل بها وعمرها 10 ما أعتقد انك أصغر من السيدة عائشة رضي الله عنها

مرحبا اختي
موضوعج صراحة شدني انا صار لي فترة اقرى المواضيع ولا أرد عليهم
بس انتي موضعج شدني واااااااااااااايد
اختي العزيزة ما اشوف اي مشكلة المشكلة الوحيدة هي انتي
انتي ما حاولتي تحبينه من الاساس،، كنتي تعتقدين انه الزواج كشته وطالعات،، بس الزواج مسؤولية، وما فيه شي اسمه مصلحة في الزواج وخصوصا اذا كان الزوج في الاخلاق زوجج اللي تكلمتي عنها ،، وبعدين ما فيه زوج اذا ما يحب زوجته يصبر على زوجته كل هذه المده لو هو ما يحبج كان تخلى عنج بس لانه هو انسان عاقل وما يبي يخرب بيته وبيتج،،فلا تحكمين عليه انه هو ما يحبج او انه هو يقول انه يحبج بس لمجرد المصلحة.
اختي العزيزة اسمحيلي اقول لج انتي الحين صاحبة المصلحة لانج ما شفتي عيوبه مع انه ما فيه عيوب غير بعد الزواج لانج كنتي تبين تطلعين وتتكشتين وتكونين صاحبة الموقف ،، اسمحيلي يا أختي على صراحتي،،
اتمنى انج تحاولين وتحاولين بس لا تخربين بيتج ،، وصدقيني كثير من الأزواج تمر عليهم أوقات ما يطيقون الجلسة مع بعض ويتمنون انهم ما عرفوا بعض بس يوم يقعدون مع نفسهم ويقيسون حياتهم بدون شريك حياتهم راح يلاحظون انهم ما يقدرون يعيشون بدونهم،،
اختي انتي قلتي لنا ما ننصحج انج تحاولين تعيشين معاه،، انتي بهذي الطريقة حددتي لنا او تبينا نشجعج على خراب بيتج وصدقيني ما اعتقد احد من الاخوات راح يساعدج على هذا الشي واتمنى من كل قلبي تفكرين بكلامي وكلام الاخوات اللي قبلي ،، اتمنى انج تحبينه بصدق،، وتشوفين الاشياء الحلوه فيه وراح ترتاحين
ويمكن شعوره البارد اللي تتكلمين عنه كان سببه صدج له باستمرار ،، بس حاولي انج ما تصدينه وشوفي النتيجة يمكن تقدرين تشوفين الجهة الثانية من اخلاقه وطيبته اللي ما قدرتي تشوفينها

وبالتوفيق