السلام عليكم ورحمه الله وبركاته ..
حبيباتي الحوائيات دخيلكم شوروا عليه .. انا حاومل بالشهر التاسع بالاسبوع ال 37 وقريبا بدش ال38 ان شاء الله
من كم يوم صار عندي مثل الطلق يروح ويرجع المهم زاد عليه البارحه بالليل ورحت المستشفى وحطوني ع الجهاز والدكتوره قالت نبض الجنين وايد عالي يوصل لل 185 نبضه ( بسم الله عليه ) والمفروض الطبيعي بين 140 و160 من كلامها ..هذا غير انه عندي يبين ع الجهاز طلقات قويه بس غير منتظمه ..
المهم قالت عندج حمى ولازم ترقيييييد عشان نسوي لج محلول ونعطيج دوا يخفف الحمى ويقلل الجهد ع الجنين .. المهم رقدت لليوم الثاني والحمد لله ع الفجر رد النبض طبيعي بحدود 155 نبضه يعني انتظم والطلق راح .. فظهرتني ع اساس اني ارجع في حاله ردت الحمى لانه قالت ساعتها لازم طلق صناعي وتوليد ع طول لانه خطر ع الجنين يتم يتعرض لها الجهد وانا حمى وبنهايه الشهر .. انا تميت زايغه وخايفه ومب عارفه شو اسوي .. رحت البيت واول ما وصلت وعقبها بساعتين ردت لي الحمى وجسمي كان ينتفض ولساني ثقيل واحس انه ركبي وفخوذي ما يشلوني من الالم .. وصلت حرارتي ع الترمومتر 37 و4 يعني شي بسيط بس الالم صعب وانا اصلا حرارتي العاديه 36 ونص يعني فيه ارتفاع ملحوظ عن الطبيعي .. المهم خفت اروح المستشفى وخذت ادول 500 والحمد لله كلها ساعه وراحت الحمى .. الحين بغيت شوركم هل اذا رجعت الحمى اسوي بكلام الدكتوره واروح عشان يولدوني بطلق وانا الرحمم عندي اصلا مسكر ولا نص سم فاتح .. ؟؟ والا استمر ع الادول واتوكل ع الله وانتظر ولاده ربي الطبيعيه ؟؟ حد صار له مثلي ؟؟ ارجووووكم ساعدوني انا خايفه ع الجنين زود ما خايفه ع عمري وانا مجربه الطلق الصناعي وعارفه انه مووووت بس بعد ما متشجعه .. وخاصه انه الحمى عندي شكلها تيي وتروح يعني انا فعلا تعبانه منها .. هذا غير انه عندي سكر الحمل عالي لا وفقر دم بعد .. :(
ادري عورت راسكم بس منو لي انتو خواتي وعسى ربي لا يظركم ويراويكم اللي اشوفه .. انتظر الرد ع جمر لانه خلاص ماباقي شي لازم اقرر ..
والسموحه ع الاطاله
ماروكووو @marokooo
محررة فضية
يلزم عليك تسجيل الدخول أولًا لكتابة تعليق.
O.o°¨ المسك ¨°o.O
•
up
ماروكووو
•
الله يسامحكم انزين دعوه ع الاقل ..المسلم اخو المسلم وانا نشدتكم وانتو طاااف ؟؟ الله لا يبلي عبد مسلم
لا ياقلبي اذا الدكتورة تقول لك لازم يعني اكيد الشئ هذا ضروري
الله يسهل عليك يارب ويهون عليك
الله يسهل عليك يارب ويهون عليك
شهدالشوق
•
الله يكتب لك الخيرة اختي
بس استخيري أفضل وانا اشوف طالما ان وضعك كدا ابدا ماعليك صحة جنينك والله معك
بس استخيري أفضل وانا اشوف طالما ان وضعك كدا ابدا ماعليك صحة جنينك والله معك
إسمعي كلام دكتورتك لأنها ادرا بمصلحتك وبعدين ليش خايفه من الطلق الصناعي انا كل ولاداتي طلق صناعي التساهيل من رب العالمين الله يقومك بالسلامه يا عمري
الصفحة الأخيرة