حبيبتي بنتك طبيعية جدا تمر بمرحلة ماقبل البلوغ... اول ما تبدى الدورة تيجيها صدرها راح يبطىء نموها... المهم الآن كيف انتي تزيدين من ثقتها حاولي تدورين لها على سنتيانة بحيث انها تلم الصدر و تبينه اضغر , و ماتكون مبطنة ... عززي ثقتها بنفسها بانك تنقين لها ملابس تبعد الأنظار عن صدرها مثلا الألون تكون غامقة مو فاتحة والبلايز تكون فتحتها على شكل سبعة.... ما تكون الملابس ماسكة على الصدر...
هذي مرحلة و راح تعدي إن شاء الله...

يااختي انتبهي لاتعقدي البنت وتتكلمي قدامها إن وضع صدرها غير طبيعي أو كبير شوي حلي مشكلتها بعيد عنها حرام لاتتعقد بنتي بعمرها وبدأ بروز الصدر عندها لأنه أول مايبدأ ينموا يالمها شوي لكني وضحت لها أنـ???ـا كنت زي كذا وكل البنات اللي بعمرها يصير لهم كذا. وبالعكس. قلت لها أنتي لو ما بدأ يبرز صدرك راح تصيري زي الولد هذا شيء يعطي البنت جمال لها. انتبهي لاتقوس ظهرها وتفقد الثقة بنفسها العمر هذا حساس مرة.

شوفي يااختي قبل لاتودينها استشيري طبيب بدون ماتدري لانها اذا شافتك تسالين وتستفسرين راح يرسخ في بالها انها فعلا في مشكلة واذا قال الطبيب لازم اشوفها ذيك الساعة وديها اما اذا قال طبيعي فتكونين ماحسستيها بالمشكلة وحاولي تعززين ثقتها بنفسها لان الثقة دايم نابعة من الام
والله يخليها لك وينبتها نبات حسن وتشوفينها احسن الحريم وبناتنا وبنات المسلمين ياحي ياقيوم

ياقلبي عليها اشتري لها سنتيانات ولاتخلينها تنام على بطنها امي دايم تخاصم خواتي لاينامون على بطونهم
الله يحفظها يارب

والله عادي فهميها انها ماشاءالله في مرحلة بلوغ وانه شئ حلو لا تعيشيها في وهم انه راح يزول
خليها تعيش طفولتها و لبسيها سنتيانات خاصه بالبنات الصغار
وانا استغرب من الناس الملاقيف الا يسألو عن كل شئ حتى لو كان خاص و ما يراعو خجل الطفله اذا بداء اى شخص يستفسر و يتلقف حاولي تسكتيهم بحركه او اشاره او غمزه او ...او...عشان يكتمو فمهم و ما يحرجو البنت