لحقوا لقيت بغرفه الشغاله حجرين 2

السلام عليكم ورحمه الله وبركاته
اخباركم ان شاءالله طيبين
انا لي مشاكل مع شغالتي ماصار لها شهر عندي وانا بقولكم عنها بس صبركم علي عشان تفهمون الوضع اللي انا عايشته وسبب السحر
هي لما تشوفني ادخل غرفتي باخذ قيلوله وارتااح
تبدا تناديني باعلي بصووت عااالي
تحس ان في حريقه ولا شي خطير لا سمح الله
او انها تستشيرني باشياااء تاافهه من طقة انها ما تفهم
او تبدي تهز ولدي حتى يبكي وما انام
انا لا حظت هالشي هذا واخر مره كان امس قلت شوفي بيبي انا بنام
ولا الطفل يبكي باعلى صوته وانا متعوده بس هالمره الباب كان مفتوح وهي واقفه باخر الممر وكان فيه مرايا يعني تعكسها وهي واقفه بس الظاهر انها ما انتبهت
انا قعدت اناظر الموقف ابي افهم شنو يصير
لقيتها تهز البيبي وتصرخ باذنه تقول ماما
وبعدين لما شافتني ما قمت هدته وجاني يركض
انا ما قمت له ظليت بالسرير خليت نفسي نايمه
اشوفها يا بنات واقفه من بعيد تناظر الباب تشوفني قمت ولا لسى؟؟
ولدي شاف اني ما اناديه خاف وبدا يبكي انا ولدي اسم الله عليه عمره سنه ونص
بديت انادي عليها وانادي باعلى صوتي
وهي واااقفه مثل الصنم تبيني انا اقوم
وانادي مو راضيه ترد
ولا بعد واقفه تشوف قمت ولا لأ؟؟
شوفتوها
المهم
انا عصبت لما كشفتها وطردتها بغرفتها واتصلت ع زوجي وقلت له
وفهمته انا تعبااانه
وصاير معي هبوط وفقر دم وضعف نظر من الارهاق والتعب
وهالخدامه مو قادره تمسك البيبي ساعه بس اريح فيها
ولا اللي زاد الطين بله انها ماتبيني ارتاااح
المهم
تهاوشت هوووشه كبيرررره
وخليته تلم اغراضها وتروح المكتب
المكتب ردها علي وتعهد انها راح تشتغل
لما جاتني ولا هي مثل حالتها القديمه واسوا
ولما قلت بريح العصر وولدي يلعب عندي كنت حاطه له العاب
دخلت واخذته تبي تروح توديه غرفتها
انا مسكتها وطردتها وقلت لا تجين بيبي خليه
راحت الحقيره بعد نص سااعه تفتش تحت الكنبه اللي انا نايمه عليها //شوفو وقاحتها كل هذا عشان ما ارتااح
تقول ادور الرضاعه مالت البيبي
وتحوس وتحوس
وتطقطق بالعصايا تمثل قدامي انها لقت شي
انا حسيت انها تستهبل
وطردتها
راحت خذت البيبي لغرفتها
تبيني اقعد من النووم
ولما دخلت عليها هاوشتها وطلعت الرضاعه داستها داخل عندها
المهم خليتها تقعد بغرفتها وقفلت عليها عشان ما تطلع تزعجني
<<<<والله اخر زمن
المهم
لما جا الليل راحت تنام والبيبي نام
وانا تفرغت لنفسي
رحت اسوي لي كم شغله ماجلتها طووول اليوم
وتذكرت لي كتاب مخليته بغرفه الخدامه من شهر 8
وكنت محتاجته مررررررره
قلت ادخل بهدوووء وادور
وخلوني اقولكم اني كنت زعلانه ع وضعي نوم مقلوب وحالتي حاله وعندي خدامه ولا تسنع وضعي
الا مت حره وقهر
وقلت دعاء:حسبي الله ونعم الوكيل على اللي كان السبب سواء عرفته ولا ما عرفته
قلته وبعدها قمت ادور الكتاب
ودخلت غرفه الخدامه ورحت للمكان اللي اذكره كان موجود فيه
وتخيلو شنو لقيت
بمكان مكشوف بس مو حيل
لقيت حجر من اسمنت للبناء
مبين انها سواه يد
والحجر كبر كره البيسبول عرفتوها
ولقيت حجرين
سواه يد من اسمنت
يعني معجون على هالشكل
دريت انه بلا
الله يكفينا شره
والله اخذتهم وخبيتهم عندي والحين انا اكتب لكم وريحه الاسمنت حارقه خشمي

احس ان شي يحرق خشمي معناة انو معجون ماي وصار جامد مو بودره
يا بنات اللي عندها خبره تدخل وادري طولت عليكم بس ساعدوني الله يفرج عنكم همكم