لحقونى ترا ميته من القهر شغالتي
يابنات السالفه وما فيها انه كان عندى شغاله فلبينيه لمدة 6 سنوات بس فى اخر سنتين بدت تطول لسانها على وعلى عيالى وانا كنت محتاجتها وايد لان ولدى صغير توه مولود وعندى غيره ثلاثه وبيتى كبير حوش وحديقه غير ايام الدراسه ادرس اليهال يعنى تعرفون شغل البيت ما يخلص :22: ومابى اطول عليكم السالفه اللى صار انه من شهرين تقريبا قامت كل ماشافتنى تقولى انا تعبت من الشغل جيبو وحده ثانيه تساعدنى البيت كبير واذا ما جبتو واحده انا بمشى وجايتنى يوم الامتحانات وتقولى هل الكلام طبعا انا وايد معتازتها قلت لها بروح واشوف وحده فى اى مكتب واجيبه ودرت على المكاتب انا وزوجى ليما لقينا عندهم واحده صغيره 19 سنه فلبينيه قمنا وجبناها معانا البيت وقامت ترطن اهى معاها طول اليوم واهم يشتغلون ماشيين ورا بعض وفى عندنا مقابل البيت خياط باكستانى قبل اسبوعين انادى على الخدامات بكل مكان بالبيت مافى احد نزلت بالحوش ولا الخادمه الجديده واقفه عند الباب واسألها عن الثانيه وتقولى عند الخياط سكت ورحت فوق وبعد شوى جايه الهانم فوق وجايبه الغسيل معاها اول ما شفتها قلت لها وينج انتى صارلى ساعه انادى عليكم تخيلوا اش ردت على ((( ساعه انا صار لى ربع ساعه بس ليش الكذب ))) اهى قالت جذى وانا ما عرفت ارد من هول المفاجاءه وسكت واهى معصبه وتقط الملابس بصوب وتبطل الكبتات بعصبيه وماده بوزها شبرين قلت يله ما يخالف ما نبى نسوى مشاكل وانا العاده العصر اروح اوصل ولدى يروح لنادى يلعب كره واخلى باقى الجهال بالبيت واهى متعوده تجى ابروحها الساعه 4 فوق وما جت خذيت معاى ولدى الصغير ابو 3 سنوات وخليت البنيه 9 سنوات وقلت لها ناديها واهى تجيك نادتها ولا الاخت معصبه على البنت وقايله لها (( اش تبين انت بعد )) ومخليتها بروحها بالبيت اشكبره والبنيه جيت من بره لقيتها خايفه المهم هاوشتها وطلع خياسها كله عصبت على وكلام عجيب وغريب لا وتقولى (( تعرفينى انا راسى يابس)) تتكلم عربى احسن منى المهم الثانيه جه دورها قلنالها خلاص بنسفرها وانت بتبقين ولا الدموع اربع اربع على الخدين وتقولنا (( هى سيم سيم اختى )) عصبنا عليها واسكتت والثانيه لها اسبوع من سافرت والامن مستتب واليوممممممممممممم حصلت المفاجأه طرشت بنتى لغرفتها تناديها ولا الهانم منسدحه على فراشها وبأيدها موبايل جت بنتى وقالتلتى السؤال الحين اللى يطرح نفسه حق خواتى بالمنتدى ايش اسوى مع الجديده عطونى اقتراحاتكم قبل لا يجى ابو الشباب ويسمعنا كلمتين حلويين عن السنع والنظام ارججججججججججوكم ساعدونى :(
30
8K
يلزم عليك تسجيل الدخول أولًا لكتابة تعليق.
مشكوره حبيبه وعلى نياتى والله ادرى انها غلطى من الاول 000 بس الحين ويش اسوى اخذ الموبايل اخاف تقلب على 000 ولا اخليه واراقبها مثل ما قلتى
ما سألتي نفسك ليش الموبايل ومن أ تكلم .. لازم تواجهينها واتقولين لها ان انتي اتعرفين ان عندها تليفون وقولي لها ان انتي مامنعتيها من تليفون البيت ومن عطاها الموبايل ؟
وانا صارلي نفس سالفتج اني صد عند خدامتي موبايل اتكلم واحد ويوم عرفت سفرتها على طول بس لازم اتكون شخصيتج قويه ولازم اتكونين يوم بتكلمينها اعصابج ثلج لا اتبينين انج امعصبة من الموضوع خليج جاده يوم أتكلمينها..ولا تبينين انج مجتاجتها او ميته عليها قولي لها يا بنت الناس انا مايعجبني هالشكل بغيتي تشتغلين اهلا وسهلا مابغيتي براحتج؟؟..وقولي لها لو صارت مشكله او شي وشرطه وفيزا وسوالف انج انتي بتكونين المسؤوله لانج انتي كفيلتها((عشان تفهمينها ليش انتي ماتبين يكون عندها موبايل..تجنبا" للمشاكل))...ويمكن تقرر تسافر فانتي اطلبي خدامه ثانيه تجي في الطريق عشان اذا قررت اتسافر ماتتوهقين..الله يسهلج في امرج ان شاءالله
وانا صارلي نفس سالفتج اني صد عند خدامتي موبايل اتكلم واحد ويوم عرفت سفرتها على طول بس لازم اتكون شخصيتج قويه ولازم اتكونين يوم بتكلمينها اعصابج ثلج لا اتبينين انج امعصبة من الموضوع خليج جاده يوم أتكلمينها..ولا تبينين انج مجتاجتها او ميته عليها قولي لها يا بنت الناس انا مايعجبني هالشكل بغيتي تشتغلين اهلا وسهلا مابغيتي براحتج؟؟..وقولي لها لو صارت مشكله او شي وشرطه وفيزا وسوالف انج انتي بتكونين المسؤوله لانج انتي كفيلتها((عشان تفهمينها ليش انتي ماتبين يكون عندها موبايل..تجنبا" للمشاكل))...ويمكن تقرر تسافر فانتي اطلبي خدامه ثانيه تجي في الطريق عشان اذا قررت اتسافر ماتتوهقين..الله يسهلج في امرج ان شاءالله
سفريها وجيبي وحده غيرها
وأنتبهي لاتقولي لها شي وتحمليها لحد ماتسافر لان الفلبينيه على طول تنتقم
وأنتبهي لاتقولي لها شي وتحمليها لحد ماتسافر لان الفلبينيه على طول تنتقم
الصفحة الأخيرة
لانهم راح يدارون بعضهم وكل وحدة تغطي على الثانية ويفهموون بعض ........ تبين نصيحتي
ياانك تروحي لخدامتك وتقولين لهة انتي ل لشغل وبس لا موبيل ولاطلعات ولادلع
وراقبيها دايم وقولي لها ان شفتك طالعة برا البيت او تسوين غلط مراح اسفرك
لالالالا راح اوديك للبوليس وقولي لها اهم شي اولادي لو يصير فيهم شي ( لان الفلبينيات
يحبون الانتقام ) مراح اسفرك وخلاص مو انا الي راح ااذيك الشرطة مراح يسكتون
فهمية وهوبية دايــــم
الشي الثاني انك تسفريها وتجيبي خادمة ثانية وتكوني شارطة على المكتب انها تكون
يديدة يعني ما اشتغلت عند احد قبل حتى تظن ان الشغل كذا وحتى ماتقول انا يا مدام اول
سوي شغل سوي انتي مدام شغل كتير وتشكلينها على الي انتي تبغين فهميها انة الخادمة
ماتطلع وما تدلع تشتغل وبس وما تتدخل بشي ما يخصة