يابنت الحلال وش مصبرك على هالآدمي وبنتك اللي سمعته أنه الأب بتمنع عنه الحضانة بعد ازدياد ظاهرة العنف من الآباء وحتى لو اخذها هي ماشاء الله كبيرة وفاهمه وبعد كم سنة تتزوج وتشوفينها متى مابغيتي وبعدين هو عارف نقطة ضعفك بيني له أنه مو هامك وبنتي بتاخذينها بالقانون ماكثر الله من المحامين ..
لكن نصيحة لاتضعفين له لو معاملته كويسة قلنا ماعليه تحملي لكن شين وقوي عين ..

روحي عند اهلك او دخلي احد من اهلك ولاتعطينه وجة لاتعطينه وجة
لانك لو بتعطينه وجة بتجلسين طول عمرك في هذا الحال وأردى
نصيحة مني تصرفي وحكمي عقلك وخلي العاطفة على جنب
وربي يعينك

الله يعينك .. قطعتي قلبي والله قصتك جداً مؤثره
لكن عندي سؤال واحد .. وش اللي مصبرك عليه للحين ؟؟
لاتقولين أحبه .. وش تحبين فيه ؟؟!!
لا كرم ولاحسن عشرة ولاأخلاق طيبه وعنده ضعف وموراضي يتعالج .. ولاشي مع الأسف !!
شوفي ياقلبي .. إذا مستعده تقضين باقي عمرك بهالنكد والجحيم ويمكن بدون أطفال ..
استمري مع هالزوج ..
إذا لأ ..
ابدي فكري جدياً واتخذي قرار حاسم ..
انتي أدرى بظروفك وظروف أهلك ..
فكري زين يحياتك وشبابك ونفسيتك ..
فكري بالمستقبل .. لاتفكرين باليوم وبس .
هو مع احترامي لك واطي عليك ولاهو حاسب لك حساب بالمرّه ..
وانتي تموتين فيه وتحبينه وتصرفين عليه !!
الحلّ عندك مو عندنا ..
لأنك أدرى وحده بمصلحتك ..
ومثل مايقولون .. ماحكّ جلدك مثل ظفرك .. فتولّ أنت جميع أمرك

وأسأل الله العظيم رب العرش العظيم أن يفرج همك ويبشرك بمايسرك وأن يختار لك الخيره الطيبه

وسيلة ضغط يبيك تستسلمين وترجعين البطاقه له
اذا انتي حاسه انك على حق لاتستسلمين ولاتعطينه بطاقتك هذا حلالك وانتي اولى تديرينه
وغلطك من اول انك سلمتيه بطاقتك
اللحين انتي تحاولين تستردين حقك ولازم تتحملين نتيجة غلطك
اذا صار بينكم نقاش قولي حرام تاخذ تعبي انا ادري انك مانتب حرامي بس انا احب فلوسي معي

:44: