انا صراحة ما اقول الا الله يعينك والله يفرج من كربتك ومن ضيقك
ولاحول ولاقوة الا بالله

ماراح ازيد عن الي قالوة البنات شي بس في حالة انك سامحتية اتركي العمل وتفرغي لزوجك اطلعي وياة اجلسي معاة ومع ابنائك يعني لاتتركية لوحدة عبي علية حياتة بدل مايعبي الكمبيوتر حياتة والله يصلح مابينكم ان شاء الله

أول شي نقول الله يهديه, ثاني شي اختي لا تتعبين نفسج ولا اعصابج
مافي شي يستاهل، وماودي أكرر كلام البنات كفو ووفوا,,

لكن زوجج لازم ينتبه لنقطه.. انه هو مب عزوبي، إنسان متزوج
وأبو عيال، فإذا هو ما تعامل على هالأساس.. لا يطالبج تكونين
زوجة، اسأليه هل تحب ادش البيت واسفهك لا اهتم لا بأكلك
ولا لبسك ولا فراشك؟!! هل تحب اني اتعامل معاك كأني مب متزوجه؟؟؟؟؟؟

لأنه هو يتصرف ويتعامل في حياته اليوميه ما كأن له زوجه المفروض يراعي
مشاعرها.. يعني وااااااايد مهمه الروم والإشراف يا شين اللي يطيح
في هالسوالف على كبر!!! هالسوالف حق عيال 16 .. الفاضيين اللي يدورون
هوية لأنفسهم !!!

وإذا قلبها انتي تكبرين المواضيع ومزح وما مزح "هذا منطق الجبناء"
لأنه مب قادر يواجه الحقيقة، أساساً محد فينا يقدر يحكم على زوجج سوا
علاقات فعليه لحد الآن أو لا!! (مع انه مواضيع المسجات واضحه)
لكن خلينا نتكلم على أساس كلامه وأعذاره.. طيب إذا انت ما عندك علاقات
شفيك متشفح على سوالف البنات والمغازل؟؟؟؟؟؟ ما كنك رجل شكبرك
وابو عيال؟ انته بكره اساساً كيف ممكن تكون مثل لعيالك؟؟؟؟؟ يعني بالعربي
متى بتعقل؟؟؟؟؟؟؟؟

أنتي وايد عطيتيه ويه بصراحه.. بسج طيبه، تراه قاعد يقص عليج وبالمفتشي
وانتي للحين تتسائلين من فينا غلطان؟؟ شتنتظرين تشوفينه بعينج مع وحده
عشان تقتنعين؟؟؟؟؟؟؟؟ اسمحيلي إذا زوجج ما لغى النت لمدة شهر على الأقل
وفي هالشهر قعد في البيت ما يروح كوفيات!!!!!!! لا تعطينه فرص أكثر
إذا هو شاريج "حتى لو ماخنج" على قولته من حقج تطالبينه يحسسج
بالأمان ويزيل الشك.. لا تتهاونين وتحطين له اعذار او تتقبلين منه أي اعذار
بخصوص الأنترنت .. لازم تختبرين غلاج عنده إذا فعلاً ماعنده شي في النت
لازم ينقطع,, لازم يثبت لج..

ولما يرجع النت باسووووووورداته تكون عندج .. تدشين إيميله بشكل
دوري.. حبيبتي هذا بيتج وهذي مملكتج من حقج تحافظين عليها ..

وإذا تنازلتي وتراخيتي وقلتي لا ما تستاهل السالفه هذا كله.. اسمحيلي
لاتندبين حظج بعدين وتقولين ليش سوا فيني جذيه..

أنا زوجي مايدش إلا مسنجر ومع العلم انه مسنجره مافيه غير اسمين من
شباب عنده بالعمل.. وماحطه إلا عشان إرسال ملفات!!!!!!!!!
وحاطه عيني عليه .. وفي مره لقيت وحده من الشغل ضايفته بالمسنجر!!!!
سويتها له مناحه!! مع العلم انه إيميله هذا للعمل والأخت اللي ضافته
انلغت بدقيقتها...... "قال يمكن تبغي ترسل لي شي"؟؟؟؟؟؟؟؟؟؟

قلتله اسمحلي تبغي ترسل لك!! في اختراع اسمه فاكس .. أو تبعث الأوراق
وقت الدوام على مكتبك.. في اختراع اسمه إيميل!!!! لكن تضيفك على مسنجر
لااااا؟؟؟؟؟؟؟

هل كنت انا قاسيه ولا وقحه أني اتدخل في شغله؟؟؟؟؟؟ لا عزيزتي هذا زوجي
إذا خليته يسوي اللي يبغيه!! بعدين ما اقدر ألومه ولا ألوم البنات اللي لاقينه
فاضي لهم........ الوم نفسي اللي تراخيت وخليت الحبل على الغارب..

هذا مستهتر ومستهين فيكي شو شايفك الأخ مش عارفة راسك من رجليكي ؟؟؟
يختي بيني له انك اقوى من هيك.
كل شوي يقول لك مزحة ؟؟
اي مزحة هذي ؟؟؟


ما لك الا تجيبي له مخدر من الطواريء وتخدريه كل يوم وبعد أسبوع قولي له سحرنك اللي بتكلمهم سحر وراح تصير مشلول ومن هالسوالف .

ياحبيتي....فعلا انك ساذجه..أسمح لي على الكلمه ..لاني اعتبرك مثل اختي ...

تصرفاتك وتسامحك الزايد عن اللزوم وطيبتك الي تعتبر في هاليومين عباره عن سذاجه ...

خلت زوجك يتمرد زياده وزياده

اختي زوجك ما ينعطى وجه بالمره....يعني شكله مررررره مستهين فيك...والصراحه ما الومه لو استخف بك لانك شكلك ممشيتها له

حبيبتي رجال هاليومين ما تنفع معاهم الطيبه ...ولازم يوقف عند حده

واتوقع ان سبب هالمشاكل كلها غيابك عن البت هالفترت الطويله بالشغل

اختي لا عادها الله من وظيفه الي بتخرب زوجي وتشب المشاكل والفساد بعائلتنا

اول شي تسوينه ...ازعلي ...وخلي يعرف ان لك كيان ... وعلى الاقل خوذي اجازه علشان تتفرغين لحركاته

ولازم تبدين معاه من نقطه الصفر

وامهليه مده معينه يعني مثلا سنه ...وقولي هذي سنه اختبار ...ولو شفت اي شي ترا معناته الفراااااااااااااااق بيننا

واكيد راح يخاف او على الاقل يصحى شوي على نفسه واتوقع سنه كامله كفيله له انه ينسى الخراب

واشرطي عليه شروط اخرى التشات يا عمري للمراهقين وحثاله الناس...وهو رب اجيال عيب عليه هالكلام..ما فيه تشات ولا ما يحزنون علشان ما يجيب الحجج الواهيه الي مثل وجهه

ولازم بواظب على صلاة الجماعه وخصوصا صلاة الفجر لانها كفيله بالاصلاح

خلي لكم برنامج اصلاحي يعني بعد ما تاخذين اجازه ...استمعو لمحضرات سوا

عندك بحر الحب اسمعوها حلوه لمثل هالحاله وغيرها كثير

تكفين افضي له واتركي الوظيفه والا ترا بتندمين ندامه ما بعدها ندامه

وانت ابخص بنفسك

الله يعين وطمنينا..دعوات لي بالذريه الصالحه المعافاه