من كثر ماسمعت وقريت وشفت بهالمنتدى قررت اني لازم اكتب همسه لكل بنت او امراه..جدا احترم كل امراه معتزه بنفسها واحترم كل ام وزوجه وربه منزل وطالبه ولكن تبدا حكاية اي انثى من منزلها وطفولتها..وللاسف تنصدم بواقع مرير تتحداه صعوبات شتى واحداث قد تكون ساره وقد تخلف الاما يصعب عليها نسيانها لتضع جل همها ان تتحرر بالزواج او بالعمل لتكتشف عالما متلبدا بالمشاكل والامور الغير متوقعه ..
ابدأ من كل أم تمر من هنا....
بناتكم امانه باعناقكم واولادكم ايضا التربيه مهمه جدا والحفاظ على عفاف بناتكم يقع على الام بشكل كبير ..كم من البنات ضاع مستقبلها بسبب فقد حنان او ابتعاد الام لعمل لجمعه صديقات او اعراس
عزيزتي الام تابطي ذراع ابنتك من هيه طفله وكوني صديقه لاعدوه كوني ام رحوم لا محاسبه ماكل كلمة قلتيها للبنت لما تتزوجي سوي الي تبينه التشجيع والنجاح اساسه البيت فشلك مع زوجك عزيزتي الام لاتردينه عابناءك .. علاقتك واحترامك لزوجك شي واحترامك لابناءك وعقلياتهم شي اخر .
يجب ان تكوني على وعي ودرايه بما لك وماعليك من حقوق وواجبات ..
واهم واجباتك دعم ابناءك وتشجيعهم والاطمئنان عليهم ومراقبتهم وليس التجسس عليهم ..عليك تطوير نفسك والبحث دايما عن ماهو يهم اطفالك ومشاركتهم فيه..
بنتك معها انستغرام عادي ماهو عيب ولا حرام طالما تستعمله بحدود المعقول معها فيس بوك معها تويتر عادي بس انتي وين !!
ياما بنات ضاعو بسبب الحرمان وان كل شي عيب معهم ودخلو الشات وغيره بالخش والدس وياما بنات جاهرو بامورهم عالنت والموبايل وضاعت سمعتهم وعشان كذا ياام فهمي ان الوقت تغير والوقت ذا ياانك تكوني مواكبه تطور عيالك ومعهم خطوه بخطوه يا قولي عليهم السلام وراح يسبقونك باشواط وتوصل بهم يطالعونك انك وحده ماتفهمي وبعيده كل البعد عن عالمهم ومنطقهم.
الحل بيدك طوري بنفسك وجاري بنتك ووقفيها عند حدها لو غلطت وفهميها ان عليها رقيب هو الله سبحانه قبلك انتي بس انتي من حبك لها وخوفك عليها مايمنع تخبريها قصص عشان العظه وماينمع تشاركينها بهمسه حلوه او منشن حلو باسمها تفرح فيها وكلام شوق لها وغزل فيها تسمعها منك ولا تنتظرها من ذيب ماتعرفي نيته تجاه بنتك
واذا كنتي ام لولد تعالي اقولك
ياام انتي مسوؤله امام الله عن تربيه ولدك صح ولكن لاتربيه يكون ولد ولاتضيعي له حياته المستقبليه لاتزرعي براسه انه ريال ومفتول العضلات وانه مايبكي وانه وانه وانه
فهميه انه انسان وبشر ممكن يغلط وممكن يصح وممكن يبكي وممكن ينهار وممكن يفرح
فهمي ولدك ان المراه كاااااااااااااااااااااااااااااااااااااااااااااااااااااااااااااااااااائن يحترم صح خلقت من ضلع اعوج بس لها كيانها ولها احترامها وعوديه من البدايه عاحترامك كام واحترام اخته وتقديرها وشراء هديه لهاتقبيلها على الراس والعكس صحيح..لاتعلمينه ان الرجال مالهم مشاعر بهدلت هالتربيه الغير متحضره بنات الناس وبناتج يا ام اول المتضررين
كم وحده هنا تتالم وتبكي من جفاء زوجها العاطفي وانه مايحس ومتبلد المشاعر انا اقول بكل بساطه عمر فاقد الشيء لايعطيه كيف اطلب من مشلول يمشي !
ياام علمي ولدك يكون زوج ويكون مسؤول ويقدم للمراه ماياخذ منه يكبر بعينها وتخليه فوق راسها ..
كم مشكله مرت هنا لبنات تزوجو من رجال يطالبونهم بنص معاشاتهم ان ماكان كلها ..ببساطه هذا لو متربي ان الزوج عليه واجب الصرف وللمراه الحق انها تشتغل وتساعد زوجها لو تحب لكانت الزوجه بدون مايطلب مدت له يدها وساعدتهم بدون ماتجرح كرامته ولا ينزل من عينها انه فرض عليها شي هو واجب عليه ماعليها
ايضا ياام اذا عودتي بنتك من هيه معك عالمسوؤليه وضروره الحكمه بالصرف والاخذ مالعطا مابتطلع الزوجات انانيات مفلسات ازواجهن كل شيء بيد غيرها تبغيه سواء اكان مع الزوج او مامعه ..
لو طلعت هالبنت من بيتك شبعانه عينها من حب واهتمام وتوفير حياه كريمه لها مابتشوفينها تعامل الزوج كخروف العيد..
يا أم..
لو ركزتي بتربية عيالك من بنات وابناء لما كان هناك مشاكل مع الزواج وياام طلعي بنتك من بيتك متعلمه واثقه من نفسها تعمل واشرطي على من بياخذها ان بنتي لها شخصيتها المستقله شخصيتها الحساسه فهمي بنتك اول وعرفيها عدل ولا جا الي يخطبها جبري ابوها واخوانها يسالون الف بدل المره عن الرجل وخليهم يجلسون معه ويكلمونه ويسمعون منطقه
ماكلام حريم ونظره وملكه وزواج وتنصدم البنت برجل متخلف ومختلف عنها بكل شيء وتجبرينها لخوف من الطلاق او عشان الابناء او عشان كلام الناس
خلي او الاعتبار بنتك ثم بنتك ثم بنتك مصلحتها وين وهيه شو تريد وبعدها فكري بالاحتمالات الثانيه
همسات بقلبي لكل زوجه فارجوكم استحملوني
يازوجه اياني واياكي تطلعي من بيت ابوكي جاهله
ومامعك الا ثياب وعبايات وقمصان نوم هذي كلها ماراح تفيدك بشي ..
اليوم الي تطلعي من بيت ابوك طلعي وشهادتك بيد وعملك بيد
طلعي وقولي لاهلك انا اليوم طالعه وزوجتوني انتو لمن رضيتم خلقه ودينه ولكن لو ماكان لي كفؤ فانا ساعود
قولي وخلي معك قناعه لاهلك انتو زوجتوني اياه بس ماسجنوتي معه
والله شرع الزواج ليعاملني واعامله بالمعروف لو بند من بنود حسن العشره راح تحملوني لان راجعه لكم
يازوجه كوني انتي وشخصيتك وفكرك حاضره لاتقولي زوجي وطاعته الطاعه شي والشخصيه والفكر شي
اطيع زوجي اني مااطلع الا باذنه ولا ادخل بيته بغيابه حد واكرمه ما اخدمه
ولكن تجي شي من الزوجات تقول زوجي مايحبني اكل ايس كريم ! وانا مااكله له
ولا الي تقول زوجي مايحبني اقرا كتاب ويعصب وانا كنت قبل اقرا واحب القرايه
ولا الي تقولي كنت قبل الزواج شي وبعد الزواج صرت شي مافيه احساس
وانا اقول ال مخلي عمره سبوس كلته الدجاج!!
اختي
الزوج شي وانتي شي تلتقون باشياء مشتركة بالحياه بس صعب انكم تكونون واحد
دايما نخلي بينا فاصل عشان الهواء يمر فيه ونقدر نتنفس ونعيش
زوجك ماكل حياتك ولا انتي حاضره وماضيه ومستقبله
قبلك له تجارب ولاتزعلي منه
ومعك معرض لجميع انواع الاغراءات
وطبع الرجل يغلب ع تطبعه
فلاتلومينه لو خانك
ولاتلومي نفسك
ابداي بحل المشكله وكسر الحواجز الي ادت لهاي المشكله ولكن في فرق بس الزله ومابين المجاهر بالمعصيه
الرجل ممكن يخطيء بس الخطا يفرق عن الاخر
لو خانك اغفريله زلته ولاتذكرينه وتشككين فيه
مو له لنفسك لازم تعيشي بهدوء نفسي ويكون منبعه الي يغلط بحقك له رب بيمهله بس ماراح يهمله ويكفي انك تنامي ع وسادتك مرتاحه وهو قلبه يرجف من الخوف عن ينكشف
هذا احساس فضيع عدم الشعور بالامان
مايعرف قيمته الا الي مر فيه وتاكدي الرجل الخاين
يخاف وخوفه يجعل قلبه يدق مثل ركض الحصان يكفي تتشمتين بهالنقطه لانها بصدق تخلي الواحد يستفكر بالنعم الي معنا ونحن مانعرفها
المهم يازوجه انا مااقولج صبري عالغلط بس حاولي تصلحي الخطأ
بس لو كان زناي وشراب خمر وكان سيء الطبع ومايصرف عالبيت هذا الشخص عند اقرب زباله فريه فيها
ولو كان مدمن وكم وحده قريت عنها مبتلية بزوج مدمن اختي ارمي هالزوج مش بالزباله عزك الله لا باقرب مكب نفايات
يازوجه تربي عيالك مع مدمن اكبر خطأ
اول شي انتبهي عالامراض الي ممكن تنتقل لك لو مايدز اعوذ بالله الاتهاب الكبد نسبته مع المدمنين فضيعه
المدمن شخص مابعقله ممكن يقتل ممكن يغتصب مممكن يسرق ممكن يبيع بنته وولده عشان المخدر
اذا هو مابوعيه انتي كوني بوعيك وودريه لو مامعك معيل الدوله تصرف شؤون للحالات الي كذي
والشرع يحلل لك طلاق الضرر فليش ساكته وعايشه معه ولا بالنهايه تقول عشان العيال !!
عزيزتي الزوجه
انا من برع السعوديه بس مااعرف احكام القانون معكم
بس ببلدي انا باحثه ممتازه بحقي الشرعي والقانوني من اليوم الي طلعت فيه من بيت اهلي
ليقيني ان الزواج عباره عن بطيخه
ماتعرفينها حمرا ولا بيضا الا لما تاكلينها
والزواج كذي
ممكن تعيشي مع شخص يحترمك ويقدرك بس مايحبك ولاتحبينه
ولكن صعب تعيشي مع شخص يحبك ولكن لايحترمك ولايقدر
اذا اساس الزواج الاحترام والثقه
وليس الحب
ومن هنا اقولك لاتستجدي الحب من رجل
اذا حبك من نفسه حبك واذا ماحبك لاتجبرينه فالرجل يكره الاجبار في الحب
ومثل ماتقول نوال..
لاترجا الحب من مفلس وداد !!
عزيزتي الزوجه
الرجل ايام زمان مايشوف الازوجته ومحارمه بس تو الاغراءات امامه والحريم معه بالدوام وحوله وبالتلفزيون ويسمع ويشوف ويركز
فهل تعتقدين للحين ان اقرب طريق للرجل معدته؟
وان الفراش هو اسهل طريقه للوصول له !
وان طاعتك له العمياء تخليه يحبك اكثر!
فكري بالاسئله وجاوبي بكل صدق مع نفسك ..
اذا جاوبتي ايوا اسمحيلي اقولك انتي غلط
ولو طلع زوجك وشاف غيرك مااستغرب
لان ببساطه شرحت لك ان الوقت تغير
ولازم نعايش الوقت بمايناسبه
ولكل عصر دولة ورجال !
افهمك
عودي لكلامي بالبدايه لما اقول
لاتطلعي من بيت ابوك الا وانتي بيدك شهادتك
العلم
يوسع مداركنا وافكار ويجعلنا نطلع من عالمنا الضيق لعالم اوسع
واذا انتي متعلمه زوجك بيحترم غصبا عنه علمك وبيفهم هالانسانه واعيه ولها ذاتها واحترامها
ومابيقدر يحرمك او يهددك ان بتطلعي من دراستك عند اول خلاف
وانك تعملي من البدايه هذا شيء يفرض عليه لان كان يعرف انك متعلمه وتشتغلي ومحد ضربه عيده وقاله يتزوجك
اذن خروجك من بيت ابوك محمله بالعلم حمايه لك من تسلط الرجل وحمايه لمستقبلك معه ايضا فلاتستعجلين بالزواج
الثقافه
ادراكك لما يدور حولك مهم جدا ليحترم الرجل عقليتك مااقولك تفلسفي عليه بس لاتجعلي نفسك مغيبه عن الوااقع معه
مثلا
رحتي تشتري ذهب
هل جالك فكرتي ليش سعر الذهب متغير وليس ثابت ؟
الذهب انتي تشترينه مش الرجل
بس معظم النساء ماتفهم شي بالذهب
لو فهمتي الشي الي تلبسينه وتشترينه ومتى تاخذينه لقدر فيكي الرجل حنكتك وذكاءك
واحترم رغبتك لشراء الشي ومابيقولك لا
شفتي الثقافه وين ممكن توصلك مع الرجل !
الاهتمام بالنفس
الحرمه الي دوم مهتمه بنفسها لنفسها اشهى من تلك ال مهتمه لنفسها لاجله هو
هو مايريد دميه له
هو يريد انسانه تحب نفسها وتهتم بنفسها اكثر منه علشان يظل لاهف وراها يدور عن جديدها
وهيه ماتبين ابدا له انها تهتم له
وهنا يبدأ الرجل حقا بالرغبه بالمراه المثيره الي ماكل ماصد لقاها بوجهه فهيه مشغوله عنه بعالمها هي
مهتمه بنفسها
وفكرها
وثقافتها
واناقتها
ماف يرجل مايحب هذه الانثى
اما الي جاي هو برع وكل يوم يلقاها بقميص نوم احمر يمل بسرعه منها يحس معها انه مكينه مش رجل
الاستقلال المالي
يكره الرجال المراه المبذره ويحبون العاقله بالصرف بس نصييييييييييييييييييييحه لوجه الله
مهرك خذيلك به ذهب لان الشي الوحيد الي بيبقى ماقمصان النوم والثياب
لاتكوني غبيه
وتصرفي الالاف لشي لن يبقى لك
ذهبك لك حرام تبيعينه لو لزوجك
اغبى الحريم الي تضحي بملكها لرجل
ضلي دائما متمسكه به
وحافظتنه لك هذا الزواج الشي الوحيد الي بقى من ماله هو الذهب
ولو راح مابيبقالك شي
وطالما ان معك قرش زوجك بيظله محترم انك تملكي الي يغنيكي عنه لو قصر بحقك
دايما من مصروفك او من معاشك ادخري مبلغ للزمن وتصدقي منه دفع للبلاء وسند وذخر بالحياه لو 50 ريال
ولاتقولي لهذا المبلغ لمخلوق
ولو كنتي موظفه اشتري عقار وخليه
ماتدري زوجك اليوم معك باكر انفصلتو مات تزوج غيرك ماتعرفي شو مخبلك الزوم
العقار سند واذا ماكان يزيد قيمته فانه ماينقصها ابدا
تعبت يدي من الكتابه لي عوده
بارك الله فيك وجزاكي خير الجزاء