miss bee @miss_bee_1

عضوة

لحقوني قبل ما أهدم حياتي وأطلق

هلا بنات بصراحة راح أبدى بمشكلتي مباشرة لاني حاسه نفسي بنفجر :09: السالفه أني متزوجه صارلي أربع سنين من شخص كنت أتمنى أتزوجه وما صدقة نفسي لما خبروني أهلي أنه متقدملي المهم مثل كل عروس كنت وااايد فرحانه فيه وأمانه ما فيه شي ينعاب وظيفة مرموقة وسامه ودين بس بعد فتره اكتشفت انه ما يجيب عيال وفرصتنا نادره المشكلة اني مريت بفتره كنت كثير أعصب فيها من أقل شي ودايما أبكي أزعل وهو ولا على باله لا يراضيني ولا يهتم ومع مرور الوقت صار جدا جاف لا كلمه حلوه ولا يقدر أي شي أسويه لها ويعتبره واجب علي لاني زوجته المهم صرت الحين ما أقدر أتكلم وياه اللي ويقولي ليش معصبه والله أكوني عاديه لدرجة صرت أشك بنفسي كل ما أقابل وحده من زميلاتي أرجع اتصل فيها وأسألها اذا زعلتها والسبب هو أخذ عني فكره مستحيل تتغير من الظروف اللي مريت فيها ودايما يشوف مواضيعي تافها ويعاملني بسلبيه يعني لا يعصب ما يتكلم ما يراضيني حتى ما يخبرني بقراراته والحين طالعلي برحلاته للبر صدقوني ما أعرف أنه رايح إلا من زوجات أصحابه والله دايما أتفشل غير أني ما أقدر أسأله وين بتروح إلا وصرخ فيني لازم أخذ الاذن منج مع أني ما أقصد أي شي بسؤالي والمشكله الكل معاه لانه مثل ما قلتلكم ساكت ويعتبر أني نكديه ودايما معصبه واني مريضه نفسيا وانه كل شي أسويه غلط وهو الصح مع أني شايلته من الارض شيل والكل يحسده علي بس هو ما مقدر بصراحه تعبت من سلبيته وبروده وكم مره احرق اعصابي وهو ولا هامه شي آخرتها برضى بروحي..... فكرت أطلق منه بس القهر ما لاقيه عليه سبب يقنع أهلي والناس نصحوني شسوي ؟؟؟؟؟

يلزم عليك تسجيل الدخول أولًا لكتابة تعليق.

تسجيل دخول

الاميره***ســــــــــاره • 17 سنة

الله يفرج همك يا اختى

كوب حليب • 17 سنة

لا يا حبيبتي لا تطلبين الطلاق انتبهي
والعيال هذه رزق بيد الكريم وماتدرين الصالح وين فيه ؟ولعلها تكون لكم خيره
وحاولي انت تغيرين من طباعك شوي حسب ما فهمت من المكتوب انج مريتي بفتره عصيبه جدا وتعبت فيها اعصابك وزوجك اخذ هذه الفكره عنك واقتنع فيها
والمفروض منك الان انك تثبتين لزوجك العكس ..
المنتدى مليان بحركات حلوه ومفرفشه علشان الزوج ونصايح ومواضيع تفيدك انت بالخصوص ..وعندك موضوع مكتوب بهذه القسم بأسم (ام رغده) عن حكايه ام بسمه مع الدكتوره باسمه الموضوع فعلا رهيب وراح تتعلمين منه الاشياء الكثيره بأذن الله
حاولي تجددين من نفسك ومن بيتك ...وان شاء الله البنات بيفيدونك أكثر مني
والله يصلح ما بينكم ويخليكم لبعض ويرزقكم الذريه الصالحه

miss bee • 17 سنة

namire_ra :

لا يمكنك مشاهدة هذا التعليق لانتهاكه شروط الاستخدام.

ياحبيبتي فالبدايه مشكوره على ردج والمشكله عمري ما أعتبرتها فالعيال لاني مؤمنه بربي وهذا الشي لا هو ولا انا لنا يد فيه غير الواحد الاحد بس مشكلتي اني أستاهل أحسن مليون مره من الطريقه اللي يتجاهلني فيها كاني شخص موجود لخدمته وبس ما المفروض اتعب ولا امرض ولا أشتكي لاني بنظره نكديه وكل اللي أسويه عياره عشان ابدى بمشكله جديده

miss bee • 17 سنة

كوب حليب :

لا يا حبيبتي لا تطلبين الطلاق انتبهي والعيال هذه رزق بيد الكريم وماتدرين الصالح وين فيه ؟ولعلها تكون لكم خيره وحاولي انت تغيرين من طباعك شوي حسب ما فهمت من المكتوب انج مريتي بفتره عصيبه جدا وتعبت فيها اعصابك وزوجك اخذ هذه الفكره عنك واقتنع فيها والمفروض منك الان انك تثبتين لزوجك العكس .. المنتدى مليان بحركات حلوه ومفرفشه علشان الزوج ونصايح ومواضيع تفيدك انت بالخصوص ..وعندك موضوع مكتوب بهذه القسم بأسم (ام رغده) عن حكايه ام بسمه مع الدكتوره باسمه الموضوع فعلا رهيب وراح تتعلمين منه الاشياء الكثيره بأذن الله حاولي تجددين من نفسك ومن بيتك ...وان شاء الله البنات بيفيدونك أكثر مني والله يصلح ما بينكم ويخليكم لبعض ويرزقكم الذريه الصالحه

لا يا حبيبتي لا تطلبين الطلاق انتبهي والعيال هذه رزق بيد الكريم وماتدرين الصالح وين فيه ؟ولعلها...

تسلمي يا حبيبتي عالنصيحه بس ما أمدح نفسي الكل يمدح بيتي وانه دايما أغير وبالنسبه للحركات أنسي إذا تبين لبكره ما أخلص بالعكس اليوم اللي أسوي فيه هالحركات هو أكثر يوم اتضايق فيه لان ردت فعله بمنهى البرود هذا اذا رد طبعا وبالنسبه لشكلي الحمد لله ما أقولك فاتنه بس الكل يشهد بجمالي وبعدين شعري راح فيها من القص والصبغ غير الحركات اللي استحي اتكلم فيها وفالمقابل ما ألقى منه الا اني المفروض اسوي هالشي فنظرة

coco2 • 17 سنة

اختي حاولي تجلسين معه جلسه مصارحه
ويعرض كل الواحد منكم مشكلته والاسباب
وان شاء الله تحصلون العلاج
والله يسخره لك ان شاء الله
والله التفاهم مهم بالحياه الزوجيه