لحقوني يابحرينيات

السلام عليكم اختي الشامخة

هلا وغلا بأهل الديــــــرة الغالية
سمعيني حبيبة قلبي اذا كانت الوالدة ماتروح عرس في فنادق عشان فيهم خمر وخرابيط
الله يسلمج في صالة في فندق روعة بس مافي خمر وهالخرابيط وناس وايد قاعدين يسوون فية لانة مثل ماقتلج واهو فندق (أليت) الي بجانب مجمع الدانة وجيان بس اذا كانو ناس وايد بيون فسألي الصالة هذي كم تشيل؟؟ والحلو فيها ان فيها باب خاص يعني ماتدخلين الفندق حتي الاسنسير فية بس رقم1 و10 الي اهو طابق الصالة.. واما عن الكوشات فأفخم محل للكوشات هو (كندل) بس غالي جدا وعندج محل (الطاووس) واما عن تجهيز الطاولات فعندج محلات البحرين مليانة (ريفيرا) (نوال) وعندها بعد مسارح وشوكولاتا والتوزيعات..
واتمنى اكون فاديتج

واي سؤال لا تستحين

خوخـــــــــــــــة البحريــــــــــــن

فديت روحج ياخوخة
والله ريحتيني وانا راح اسال عن القاعة
والسعر مو مهم حبيبة لبي اهم شيء شغله مضبوط
ريحتيني الله يريح قلبج
مشكووووووووووووووووووووووووووووورة

الشامخة الخالدي
الف مبروك يابنت ديرتي الغاليه والفال لي انشاءلله :)..ياشين اللقافه
حبيبتي اذا الوالده ماتحب الفنادق والاغاني تره في صالة الأفراح في مدينة عيسى يمدحونهااا وايد بس يشرطون عليج انه لازم دي جي اسلامي او اغاني عاديه بس بالدفوف يعني من غير موسيقى اذا كنتي تبين جذيه فلاتفوتينها لانها وايد راقيه بس اذا تبين اغاني فشوفي صالة مرمريز او الجميرا
وفندق اليت سمعت انه حلو بس صغير وايد ايشيل تقريبا 100 او اكثر بشوي يعني يصلح حق استقبال احس .