أسال الله أن يفرج كربتك وكربتنا ولا يرد لك طلبا

استغفري ربك اختي (احلى دلوعه)

انا كانت عندي البويضات صغيره بسبب التكيس ومع الابر تكبر وتوصل للحجم الطبيعي بس الله مايكتب

حتى تلقيح صناعي سويت وهم ارد واقول الله ماكتب لي اني احمل

والحمدالله بعد 5سنوات حملت وبدون علاج

الله ماينسى احد عليك بالصبر

اختي لا تياسي من رحمة الله
واستغفري ربك كثيرا واكثري من الدعاء
وصدقيني انا حاسه فيك لاني صارلي 4 سنوات ونصف متزوجه
ولم ارزق بطفل حتى الان وعلاجك سهل باذن الله
لماذا لاتذهبين الى مستشفى توام قسم الخصوبه
بصراحه الدكاتره اللي في وايد شاطرين وانا الحين اتعالج
معاهم وان شاء الله بيرزقنا جميعا

بنت الكويت انت قلتي انه عندك تكيس وحملتي صح
كيف وشو سويتي ياريت تخبرينا لاني اعاني من التكيس

وتسلمون

هلا دموع
======


انا كنت اعاني من التكيس بس كان من النوع الخفيف مو السميك

المهم عالجت فتره ومن العلاج طلع لي كيس دهن على المبايض حجمه 5سم قالتلي الكتوره لازم عمليه منها نشيل الكيس ونكوي التكيس

سويت العمليه وهم ماكو فايده ماحملت:29:

قالت لي الكتوره انتي وزنج وايد(يعني متينه) :)

لازم تنزلين من وزنج علشان تحملين لان التكيس مايبيله وزن زائد

المهم سويت عملية تحزيم ونزلت 30 كيلو ورحت للدكتوره

قالتلي نزلي بعد 15 كيلو وتعالي سبحان الله بنفس الشهر حملت والحمدالله الحمدالله بدون علاج

عقب ماولدت هم نزلت 15 كيلو قلت اروح اراجع اشوف التكيس شخباره قالتلي الدكتوره خلاص مافيج تكيس والمبايض تمام

مشكورين بس بليييييييييز خبروني شو اسوي والله صدق تعبانه والله انا اسير عياده خاصه يقولولي البويضه خلاص وصلت للحجم الطبيعي بس ما يصير حمل والله تعبانه حتى والله منكده حياة زوجي يعني كله يشوفني اصيح حتى يشوفني بمنظر اتقولون من خمسين سنه متزوجه ولا عطر ولا شي و لا كشخه و لا اهتم في شي بس ابي احمل والله الحين اكتب ويالسه اصيح والله