بنااااااااااات صار لي موقف مخيف من جد رعب سبحان الله في نفس اللحظة اللي انا اقرى فيها موضوع اسمه
رعب...رعب...رعب...مواقف مرعبه...وانا اتابع الصفحات الاخيرة الا يحصلي ذا الموقف
انا في جناح فندقي مسافرة في جده رايحه مع زوجي عنده شغل يطلع المغرب او العصر مايجي الا اخر الليل 1 او 2 بحكم شغله
المهم وانا معي بنتين الكبيرة3 سنوات والصغيرة1ونص الله يحفظهم وحده نايمه والكبيرة مولعه لها التلفزيون في غرفة النوم الرئيسيه ومقصره عليه ومقدمه عليها الباب ابي هدوووووء
وقاعده ع اللابتوب ابي اتابعه بهدوء بهدووووووء تااااااام متحمسه مع موضوع الرعب وموضوع مواقفنا مع ابهاتنا
فجأة ألا باب الجناح قدامي احد يفتح قفله بالمفتاح واحمد ربي واشكره ان الباب زالجته بالمزلاج والا كان صرت فص ملح وذاب
واجي اطل مع العين السحريه الا 2 شباب يحاولون يفتحون علي الباب بس ما قدرو وقمت قفلت الباب من جديد ولما سمعو القفل قفلته قعدو يصرفون ويضحكون يقولون يوه في احد!!وبسرعه راحوا وهم مسرعين في مشيهم مثل اللي ينحاشون و راحو وكانوا يدقدقون بجوالتهم واشكالهم ابدا مو اشكال ناس جايه من سفر ابدا اشكالهم كشخه وشكلهم دشير حتى العامل ماجاء معاهم يجيب اغراضهم وشناطهم بالعربيه لو كانوا فعلا جايين يسكنون
ولا معهم اي غرض والله ارتعت واتصلت على زوجي وقلت له واتصل عليهم وتطاق معاهم وانكروا قالوا له ان المفتاح مع العمال وبس مو مع اي احد ثاني
والله سعوديين وشباب الله ياخذهم وينتقم منهم
والله ما ادري وش اللي خلاني ازلج الباب سبحان الله دايم ما اهتم فيه يا سبحان الله
والله سجدت لله شكر انه حفظني
ياربي شكلهم عصابه او شي ما ادري وش سالفتهم يمكن مراقبين زوجي انه عنده شغل وطل وماجاء لحد الان قالوا ذا مطول؟؟!!!!قالوا خل ندخل عليها
مع اننا تونا ساكنين فيها العصر كنا في شقة امس وماعجبتنا وطلعنا منها وجينا اليوم سكنا هذي
الله يآخذ عمرهم الحمد لله ربي حفظني منهم
والله ماني مرتاحه شكلي بطلع منها اول مايجي زوجي
تتوقعون هذولا وشو ووش يبون؟؟!!!
ياربي سترك
ما ادري ليش قعدت اتخيل نفسي مازلجت الباب ودخلو علي
عاااااد انا ياااااسلااااااام منبطحه على بطني ورافعه رجولي ولابسه بنطلون استرتش عليه نقشة جنز وبلوزة تركواز هههههه
كان من جد رحت فيها<<<اعوذبالله بسم الله علي الله يحرسني
ن ب ض ة قلب @n_b_d_klb
محررة
يلزم عليك تسجيل الدخول أولًا لكتابة تعليق.
black lily
•
الحمدلله على سلامتك بس لاتنسين الأذكاردايماالله يحفظك من كل شرويهدي شباب المسلمين
سلاااااااااامتك من كل شر
وأنصحك أنك تقفلييين الباب
والله يحفظك أنتي وبناتك
ولا تنسيين الأذكاااااار
وأنصحك أنك تقفلييين الباب
والله يحفظك أنتي وبناتك
ولا تنسيين الأذكاااااار
bnt m7md
•
يمكن غلطانين ماأتوقع يبون شي لو يبون شي بيلقونه بكل مكان يعني ماجت عليك ولا على غيرك
والحمدلله انك صاكته ماتسوى روعتك لامنهم دخلوا
والحمدلله انك صاكته ماتسوى روعتك لامنهم دخلوا
وعد**
•
الحمد لله على سلامتس يالغلاااااااا
ودايم حطي المفتاااااح داخل القفل حق المفتاح بتسذا مايقدرون يفتحونه لان من جوى فيه مفتااح بابا الشقه
والله حافظك ياااااعمررري وانتبهي على نفستس
ودايم حطي المفتاااااح داخل القفل حق المفتاح بتسذا مايقدرون يفتحونه لان من جوى فيه مفتااح بابا الشقه
والله حافظك ياااااعمررري وانتبهي على نفستس
الله يجزاكم خير انا اقرى كل يوم الاذكار ولله الحمد واقرأ سورة البقرة
وحاولت اقول لنفسي غلطانين بس ماتخش المخ
لأنهم معهم سبير مفتاح الجناح اللي انا فيه وفتحو القفل والرسيبشن سعوديين شباب
قالوا لزوجي مانعطي المفتاح الا للعمال فقط والعمال كلهم هنود
وحاولت اقول لنفسي غلطانين بس ماتخش المخ
لأنهم معهم سبير مفتاح الجناح اللي انا فيه وفتحو القفل والرسيبشن سعوديين شباب
قالوا لزوجي مانعطي المفتاح الا للعمال فقط والعمال كلهم هنود
الصفحة الأخيرة