لحقوو علي يابنات وشوفو شنو صار في اباطي من الدوكين ورتن

مايصلح رتن ايه اختي صدقيني انا عدم لي المنطقة الحساسة وهي تراها اهون من الابطين

وربي صار لونها قرمزي الحين فالافضل لك تتركينه فترة وبعدين بدين تستخدمين كريم مبيض آخر..حتى الدوكوين وربي مقرف وعدم لي المنطقة كذلك

انا الحين استحدم مبيض من دي دي اف وسعره غالي مرة وبعده احط كريم سيبا ميد حق التسلخات حق الاطفال وكني بديت اشوف نتايج حليوة من اسبوع وشوي....موب مرة يعني بس كني احس بان المنطقة خفت...

وييي وانا ناويه اشتري لي الدوكين والريتين A يعني اهون ؟؟؟

الله يعينك :(

اريتن a والدوكين 4% مايصلحن للمناطق الحساسه والابط لأن المناطق هذي خلللقه رقيق جلدها واي شي يأثر فها وشلون تقشرونها بهالكريمات ؟؟؟؟


ممكن تستعملون الخلطه على اليدين او الرجول اذا كانت سودا او الركب والاكواع مو المناطق الحساسه !!!!

روحي طبيبه جلديه احسن واظمن

السلام عليكم

بخبرج شو سوابي الرتن أي بروحه ...سمعت بالمنتدى وايد يمدحونه..ويقولون حلو يقشر البشره..رحت وخذيته من الصيدليه ولا ادري انه حااااار ويخلي الويه احمر..حطيت ولا اسبوع ويهي صار احمرررررررر..ولا اقدر اصكه ولا اقدر اغسله بالماي..يعورني من كثر ما تقشر..واعتقد هذا سبب الحكه والاحمرار ..لان بروحه الرتن أي كارثه..والحين انا استخدمه حق ويهي بس بوصفه من الدكتور ويخلطه مع كريم للحساسيه والحمد لله ماشي بحاله ممتازه

الدوكين صعب بعد تستخدمينه منيه والطريج بدون وصفة دكتور..لان اذا حطيتي وطلعتي برا تحسين بحراره وممكن يسودج..

أحسن شي روحي الصيدليه وخذيلج شي مضمون ..او روحي عند دكتور وهيه بتعالجج..والنصيحه بجمل

تحياتي :D