بسم الله الرحمن الرحيم
و الصلاة و السلام على خير الانبياء و المرسلين
بنات كيفكم تذكرون امس سالتكم عن الماركات المتوسطة السعر وش رايكم فيها من ناحية الاساس
ولا البودره للبشره الدهنية خصوصا
عاد كنت اكثر استغفار الحمد لله و نصيحه اذا تبون تشترون اي شي و تبون تطيحون بالزين كثرو استغفار
عاد ما استخرت كانت كذا ماركة ببالي ميبيلين نيفيا بورجوا ريميل فلورلا و غيرهم
المهم احصلت لي اخيرا طلعة ما بغو يطلعوني خخخ
فرحت لهابر بنده الي جنب خريص بلازا
المهم رحت لمحل سمائل للمكياج الي يمين هايبر بنده على طول
المهم معروف المحل للماركات المتوسطة السعر
رحت لكاراجا و الله يا بنات شي مو طبيعي عاد مدري من قبل هالماركة عندهم ولا لا
و الله كأن الله ممشي رجولي لها كنها هدية من الله تعالى
المهم وش اشوف روجات بالوان طبيعية و متوسطة و غامقه تهبل
و الحلو فيها فيها لمعة مثل الترتر مو مثل الغلوس لا مثل الترتر بالضبط
عاد شريت روج وردي رقمه 02s
كذا رقمه ادري غريب
بس مسوين تخفيض شريته ب30
و الاساسات ثقيلة تغطيتها تنفع للعروس ولا الي ببشرتها مشاكل
و شريت بودره مضغوطه بيج متوسط رقمها 3
درجاتهم تبدا من الغامق و تنزل للفاتح
لا و الماركة ايطالية و كشخه و الله يعني ترز
البودره اكثر بالوزن من بودره جيفينشي الي متعوده اشتريها
انا مدري عن تغطيتيها بس شكلها روعه انا البودره ما تفرق معاي كثر الاساس
لان بشرتي دهنية على مختلطه فما ينفع معا ي اي اساس
بس شريت ايضا منهم كحل كاراجا ب 20
ترا فيه انواع كلهم كاراجا انا شريت الفضي قالي هذا اذا تبرا ما يتكسر
و فيه كحل شمعي بسرعه يمشي على العين هذا للي يحبون الرسمات و الحركات
بس و الله كثر ما امدح بالماركة ما اوفيها حقها فخامة و شياكه و سعر معقول
قلت بقلبي مو ماركات الخمس نجوم يقصون علينا و السعر دبلات
ثم رحت لمكياجي بخريص بلازا بس تعبرين الممر من هايبر بنده و تلقين روحك بمكياجي
و الله انهبلت على بودراتهم فيها لزوجه بس مو كثير
يعني اذا ما تبين اساس و تغطية حلوة انصحك فيهم
دورت لاختي اساس هي بشرتها جافه على عادية لقيت اساساتهم روعه
بس شوي غالية بس ارخص من ديور و جيفنيشي
ب85 ريال و اكثر من حجم اساس جيفينشي الي متعوده عليه
عاد قالي لكل انواع البشره عاد الله يستر لا يتشقق على وجهي
ادري بيناسب اختي ان شاء الله بس انا الله اعلم
بس اساساتهم فخمه و متعوب عليها و لهم 10 درجات
انا شريت رقم 5 بيج متوسط ما احب اللون الابيض الي يطلع الواحده كنها مهرجه
عاد قلت ابشركم الي تدور عن اساس ولا بودره ولا اساس تروح لهم
تصدقون من محل سمائل شريت بودره و روج و كحل ب 100 بس
و اساس من مكياجي ب 85 يعني المجموع 185 اساس و بودره و روج و كحل و كلهم ماركات
لوني شاريه من ديور بس اساس و بودره لا يقل عن 300 بالله عليكم مو فرق؟؟؟؟
هذا غير الروج الواحد منهم لا يقل عن 100 ريال بالله مو نصب عيني عينك؟؟؟
غير الكحل لو بشتريه منهم
على فكره مره سمعت خبير للماركات الفخمه جدا مثل ديور و شانيل
يقول للاسم التجاري سعر
يعني مو دايما انهم ماركات ازين من الثانية متوسطة السعر من ناحية الجوده
عاد توها واحده عضوه جزاها الله خير بشرتني انها بشرتها دهنية و شارية اساس
من بورجوا ما تشقق على وجهها
بس بجرب قبل الي شريته دعواتكم يضبط على وجهي
سوري طولت بس البعض تهمه التفاصيل مثلي
هذي الصوره من بنت اختي تسلم عليكم :27::04:
حنونه5 @hnonh5
محررة
يلزم عليك تسجيل الدخول أولًا لكتابة تعليق.
أوشن دريم
•
مشكووووووووووووووووووووووره اختي
احلى انا
•
لا يمكنك مشاهدة هذا التعليق لانتهاكه شروط الاستخدام.
طيب وين تنباع ذي الماركة انا شفت اعلانها بقناة سيتروس بس انا شفت الاي شدو جونااااااااااان خقق:39:
mony7070
•
لا يمكنك مشاهدة هذا التعليق لانتهاكه شروط الاستخدام.
در سمايل موجود في عزيز مول في الدور التاني مقابل لقزاز ويبيع كاراجا وماركات كثيره سواء الغالي (زي شانيل وديور والخ) او الرخيص ( يبيع ريميل و بوبا و ديرماكول و كثير ماركات غريبة )واسعاره تقريبا اقل عن المحلات الباقيه 10 % بس ما ادري عن جودة بضاعته
الصفحة الأخيرة