لحقو علينا حياتنا بدت تتحطم بسبب امي وابوي

يابنات انا بهم مايعلم فيه الا الله وياريت الي تعرضت لنفس مشكله عايلتنا وقدرت تلاقي حل تعلمني ولا تقصرو معاي اختكم في الله في امس الحاجه لكم
اول شي اشكر صاحبه المعروف من كل قلبي هي قريبتي وقالت لي اكتبي مشكلتك هنا البنات مايقصرون وان شاء الله مابتقصرون معاي من بعد الله سبحانه وتعالي

المشكله يااخواتي احنا عايله ولله الحمد مستوانا المادي يعتبر ممتاز ابوي راتبه 24 الف تقريبا وكان عنده ورث من ابوة ممكن 2 مليون الي صار من بعد ابوي ماورث وهالكلام من سنين امي حبت تعيش بمستوا راقي ومخملي علي قولتها وصارت تصرف بالهبل هي واختي الي اكبر مني لدرجه عادي يشترون شنطه ب6000 او عبايه ب2000 ويسافرون لندن ومايرجعون الا صارفين 100 الف لين ماشطبو علي فلوس ورث ابوي طبعا حتي بيت ملك ماعندنا للاسف وابوي ماشي ورا امي ومقتنع بكلامها وامي تعرفت علي ناس كباريه من الطبقه المخمليه مثل ماتقول وماشي معاهم وتكشخ وتلبس وتسوي زيهم وكل هذا علي ظهر ابوي وبالديون ابوي مستاجر فله ب42 الف بالسنه تخيلو وامي مفهمه الناس هذي ملكنا واذا غيرنا وسكنا بفله ثانيه تقول ملينا وبعناها واشترينا غيرها وطبعا الناس مصدقين تماما وكل هذا براتب ابوي ال24 الف فقط هي اجار وهي فواتير وهي كشخه وملابس وشنط وهدايا وعنده قرضين علي ظهره وابوي ماشي ورا امي احنا ماقلنا شي وبكيفهم حرين الي صار انه هالشي اثر علي عايلتنا
اول شي اختي الي اكبر وهي مؤيده لاسلوب امي تقدم لها شخص والنعم ولما حللو وطلعت التحاليل اوكي وهم يتفقون يقول بعطيها مهر 40 الف فقط وانتو جهزوها من عندكم لانه مفكرنا بطرانين وطبعا اختي رفضته
ثاني شي اخوووووي ياقلبي الي كاسر ظهري وربي ابكي ليل نهار عشانه هو مهندس ما شاء الله عليه وراتبه 9000 ريال حلو ويكفيه ويزيده امي من الشغلات الي تسويها والاسراف هي وابوي اخذو قرض علي ظهر ابوي عشان يسافرو فيه ماليزيا ويسددون اجار الفله وفوق هذا اذا خلص راتب ابوي يبتدون يسحبون من اخوي واخوي بالموت جمع له مبلغ عشان نخطب له لما رحنا نخطب اهل البنت يبون مهر 150 الف وسياره لاخوها وطقم الماس لامها ويسكنها بفله طبعا طلباتهم بناذ علي وضعنا المادي وملايينا الي كل الناس تشوفها وهم مادرو انها ديون ومظاهر كذابه اخوي قال مااقدر وامي مستمره بكذبها وقالت لام البنت لو تبون قصر ومهر مليون عطيناكم بس ولدي راسه ناشف يبي يعتمد علي نفسه مايبي قرش من ابوة ومالنا نصيب عندكم ولغو الخطبه وانا تقدم لي 2 مستواهم المادي يعتبر حلو ورفضتهم امي ماتبي الا من ناس فوووووووووق والثالث لما اصريت انا عليه ووافقو اهلي بالمووووت يقول لابوي انا ماعندي كل تكاليف الزواج بس انتو مابتقصرون يالله الناس صارت تناظرنا علي اننا بطرانين وكومه فلوس حتي الخطاب يقولون بنفسهم وش يسوون بالمهر وهالشغلات وتلاقي بنتهم تصرف هالمبلغ باسبوع اذا راحو لندن او فرنسا حياتنا جحيم وحتي امي بعض صاحباتها يستغلونها وهي مبسوطه بس اهم شي تبين لهم عندها فلوس ماتنتهي
كلمت خالي عن وضعنا انه امي مسرفه فقط ماقلت له انه فلتنا اجار وكذا لا امي تذبحني وقعد يضحك يقول لي انتي صغيره للحين عمرك 19 وماتفهمين تري ابوك عنده خير لا تخافين فلوسكم مابتخلص ومالومه يوم قال كذا من الي يشوفه من عمايل امي وابوي وصرفهم الي ماينتهي انا مو عارفه وش اسوي بدنيتي لا بيت ملك ولا شي واذا بيسافرون ياخذون قرض علي ظهر اخوي الي مو عارف يجمع قرش منهم والخطاب يجون طمعانين فينا حتي بالجامعه ماعندي صاحبات ويوم تعرفت علي وحده تقول بالموت قربت منك قلت مو قد مقامك بنت فلان وش تبين فينا بالله هذا كلام وياما حذرت امي بيوم بتكثر الديون علي ابوي واخوي ومابتقدرون حتي تسددون الاجار وبتنطردون بالشارع وبتنفضحون خففي شوي صرف قالت لا تفاولين وانتي ماتحبينا وانتي جرب وتحبي الفقاره المعدمين والله كم سنه وبتصير حالتنا زيهم شورو علي بديت انجن مو لاقيه حل عشان امي تصحي من الغفله الي هي وابوي واختي فيها احنا ناس حالتنا حلوة بس مو بطرانين ولا من الطبقه المخمليه الي هي عايشتها بالاحلام ومن تراكم الديون اخاف ينسجن ابوي واخوي الي ماعندها حل تدعي لامي بالهدايه انا بهم ماتحمله الجبال خايفه من المستقبل الغامض الي بيجينا يااااااااااااااااااااااارب رحمتك بعبادك