عزيزتي shanar
شكرا على نصيحتك عزيزتي...انا فعلا لمحت لها انها ما تسمع فقالت لا انا اصلا الاصوات تصل لين عندي انا ما اسمع شي...وانا اعرف انا تتعمد أن تسمع بسبب الفضول..اقولك موقف مثلا...كنا انا وزوجي في الصالة نتكلم بصوت خافت عن زواج أخي وكان موضوع سري شوي..وهي في غرفتها ومخليتها مفوحة(غرفتها مفتوحة على الصالة) وتصدقين انها سمعت كلامنا كله مع اننا كنا نتكلم بصوت منخفض وقامت من غرفتها وجات الصالة لزوجي وقالت له (شنو ...شنو تقول...من بيتزوج...ليش...ومن ) تصدقين....يعني حتى اذا فرضا سمعت الكلام بالغلط...(مع ان كلامنا ما كان بينسمع الا اذا كان الواحد فاتح اذانه على الآخر ومتعمد يسمع)..المفروض ما تبين انها سمعت لانه عيب ..ما دام احنا ما شركناها في الكلام المفروض تحترم الخصوصيات...صح ولا لا ...؟!
اخيتي honeyyy
انا اقفلها اذا انا معاه...بس كأنها تتعمد...من تشوفنا في الغرفة..يا أنها 1) تنادي أخوها بصوت عالي (تعال بسرعة) وهو يقولها بعدين بجي مشغول فتقول لا تعال الحين بسرعة وتخرب علينا مع انها المفروض تفهم خصوصيات الزوجين اذا قال بعدين يعني مشغول ولما يروح لها يطلع شي تافه كلش..
أو انها 2) تجي تدق الباب وتقول ابي اشوف البيبي عطوني اياها ..فأقول لها مثلا أبي اغير حفاظها فتقول لا ابيها الحين...فزوجي ينكسر خاطره عليها ويقول حرام اختي على الباب بسرعة فتحيلها الباب...فألبس أي شي بسرعة وافتح لها..وهو ينحرج منها ويقول تعالي دخلي..مع اني ما حب حد يدخل فيها يمكن شي خاص مرمي علىالارض أو حاطة ورد أو شي..وهي ما شالله تسأل عن كل شي,.,
قوليلي شاسوي؟
انا اقفلها اذا انا معاه...بس كأنها تتعمد...من تشوفنا في الغرفة..يا أنها 1) تنادي أخوها بصوت عالي (تعال بسرعة) وهو يقولها بعدين بجي مشغول فتقول لا تعال الحين بسرعة وتخرب علينا مع انها المفروض تفهم خصوصيات الزوجين اذا قال بعدين يعني مشغول ولما يروح لها يطلع شي تافه كلش..
أو انها 2) تجي تدق الباب وتقول ابي اشوف البيبي عطوني اياها ..فأقول لها مثلا أبي اغير حفاظها فتقول لا ابيها الحين...فزوجي ينكسر خاطره عليها ويقول حرام اختي على الباب بسرعة فتحيلها الباب...فألبس أي شي بسرعة وافتح لها..وهو ينحرج منها ويقول تعالي دخلي..مع اني ما حب حد يدخل فيها يمكن شي خاص مرمي علىالارض أو حاطة ورد أو شي..وهي ما شالله تسأل عن كل شي,.,
قوليلي شاسوي؟
غاليتي فرط الرمان..
بالنسبة للمطبخ..هي تعتبره مملكتها الخاصة..وهي الخبيرة في الطبخ..وتحب تحط لمساتها في كل شي..في رمضان كنت اقلي السمبوسة اللي انا مسويتها في البيت ..جت فوق راسي..خلي عنك انا بسوي...قلت لها لا انا اعرف..روحي استريحي..قالت لا انتي ماتعرفين انا اعرف فخليتها تسويه عني...وشكلها غيرانة وزعلانة اني دخلت المطبخ...فقامت بالليل سهرناة الى الصبح تحاول تعمل سمبوسة (علما بأنها ما ترعف بس عناد فيني ) وقلته اليوم الثاني على الفطور وطلع مأساة وشكلها زعلانة وااايد لان سمبوستي أحلى منها...المشكلة ان هذا طبعها حتى زوجي يعرف لها...فأنا أحاول أحترم خصوصيتها وأخليها على راحتها ..لانها لا تشتغل ولا تدرس ولا متزوجة فتقضي وقتها في المطبخ..
وشكرا على نصائحك الغالية علي..
بالنسبة للمطبخ..هي تعتبره مملكتها الخاصة..وهي الخبيرة في الطبخ..وتحب تحط لمساتها في كل شي..في رمضان كنت اقلي السمبوسة اللي انا مسويتها في البيت ..جت فوق راسي..خلي عنك انا بسوي...قلت لها لا انا اعرف..روحي استريحي..قالت لا انتي ماتعرفين انا اعرف فخليتها تسويه عني...وشكلها غيرانة وزعلانة اني دخلت المطبخ...فقامت بالليل سهرناة الى الصبح تحاول تعمل سمبوسة (علما بأنها ما ترعف بس عناد فيني ) وقلته اليوم الثاني على الفطور وطلع مأساة وشكلها زعلانة وااايد لان سمبوستي أحلى منها...المشكلة ان هذا طبعها حتى زوجي يعرف لها...فأنا أحاول أحترم خصوصيتها وأخليها على راحتها ..لانها لا تشتغل ولا تدرس ولا متزوجة فتقضي وقتها في المطبخ..
وشكرا على نصائحك الغالية علي..
عزيزتي دفء الخريف..
المشكلة انها تحب تفرض رأيها..واللي في راسها لازم تسويه طال الزمن أوقصر..حتى زوجي احيانا يصارخ عليها من عنادها..بس بعدين يتعب منها ويسايرها ويقول مالها حد في هالدنيا غيري ...ويسكت عنها...انا احيانا ينكسر خاطري اقول ماعندها ام أو اب ينصحها ..فاسكت عنها واقول حرام يتيمة ما ابي اكسر بخاطرها...
وشكرا على نصائحك الغالية
المشكلة انها تحب تفرض رأيها..واللي في راسها لازم تسويه طال الزمن أوقصر..حتى زوجي احيانا يصارخ عليها من عنادها..بس بعدين يتعب منها ويسايرها ويقول مالها حد في هالدنيا غيري ...ويسكت عنها...انا احيانا ينكسر خاطري اقول ماعندها ام أو اب ينصحها ..فاسكت عنها واقول حرام يتيمة ما ابي اكسر بخاطرها...
وشكرا على نصائحك الغالية
الصفحة الأخيرة
اشكر لك ردك على مشكلتي...ومشاركتك لي همي..
انا ما احبها تدخل غرفتي أبدا لأنها تحط بالها على كل شي..حتى على ماركة العطور أو الكريمات الموجودة على رف التزيين..تصدقين مايفوتها شي..لا والجراءة تسألني شرايك في ذا النوع من المكياج أو ذا العطر وهي أنواع عندي بس أو أحب استخدمها (اعرف انها ما تحب هالاشياء) بس والله ما احب احرجها..بتقولين ليش..انا اقولك..أولا امها وابوها متوفيين..يعني يتيمة..فأخاف اني اكسر بخاطرها...ما احب اني اقسي عليها...كفاية الزمن..والشي الثاني..ما احول ازعل زوجي..لانه يحبها لآخر درجة وما يرضى عليها...
يعني اذا قاعدين في الغرفة وتدق الباب ،،أقوله لا ترد..يقولي لا هذي اختي ما عندي غيرها في الدنيا..يعني هو يتضايق بس شيسوي..يخاف يزعلها...
الشي الثاني...اني اخلي غرفتي مفتوحة الصبح وقت روحتي الشغل...فهي تدخل الغرفة على كيفها وتفتش في اغراضي وتجلس على سريري..(قالتلي هالكلام الخادمة وحتى هي حماتي كشفت نفسها انها تعرف اسم كريم عندي مخبأ داخل الدرج وما أخليه برع عشان تعرفه بالصدفة) فانا اضطر اخليها الغرفة مفتوحة عشان تنضفها...
قوليلي شنو الحل..؟