لحقو علي يا الجوديات زوجي جاه السكر

الله يشفي جميع مرضى المسلمين

الله يعطيكم العافيه على الردود
حسيت انه فيه احد حاس فيه
هو عارف انه ابتلاء من الله
بس خايف من كثر ما يسمع من اصحابه
عن اثار مرض السكري ومشاكله الصحيه
بذات على البصر مره خايف وشكرا مره اخرى

عادي ياقلبي

انا مريت مع زوجي السابق بنفس ظرفك

وهو صغير مرة لكن كلها مسأله وقت وينفل وتزين نفسيته

لانه لحد الحين مو مقتنع ومو قادر يستوعب اللي صار

فانتي خليك جنبه وتحاشي الشي اللي يعصب فيه واسكتي لا تتكلمين كثير الا اذا هو سولف

ومتى ما شفتي نفسيته زينه فليها معاه واذا العكس تجنبيه مو تقعدين فوق راسه وتقولين وراك معصب والا وش فيك ضايق صدرك يابو فلان

هو مايبيك تشفقين عليه او تناظرين له نظره مريض

عامليه مثل قبل ولا كان فيه شي الا في باطنك تجنبي اللي يثيره ..

لا تنسين انه السكر يأثر على اشياء كثيره مع اني ما شفتها قبل وله الحمد لكن الرجال حساسين من هالناحية لانها النقطه الحساسه عندهم

وهي النشاط والجنس ومعليش على صراحتي

وانتبهي اذا بدا يوسوس ويقولك كلام فيه ضعف حاولي تشجعينه وتقولين له انه حاجات ماهي حقيقه بدليل شوف نفسك ماشاء الله كلك نشاط

يعني خلي نفسيته ترتفع حتى لو هو عكس هالشي لانه راح يأثر فيه ولان اللي يحس فيه شي نفسي اكثر

خليه ياكل حبوبه بموعدها لكن يا حبذا تخلينه هو بنفسه يتعود عليها ولا تذكرينه اذا كان حساس

وطبعا راح يصرفون معها فيتامينات تقوي

وانتبهي لاكلك علشان عيون سي السيد (( غمزه ))

وخلي كل نظام بيتكم صحي ولا تخصصين له اكل علشان يحس بالجو الاسري

وهذا اللي يحضرني هالحين وادري طولتها عليك

لكن اذا جا شي في بالي فما راح اقصر لاني مريت بنفس تجربتك وكان يوصل معاه السكر مثل زوجك اذا مو اكثر وكنا كثير نروح للمستشفى

وصح نسيت شي

حاولي كانها فكرتك انك ودك تبدين تمشين وحثيه يمشي معاك وانه ودك يوسع صدرك وانك تشوفين المشي معاه اونس وتنسين التعب معاه

في هالوقت هو راح ينتفع اكثر ونفسيته بتزين النصف وراح من نفسه يمشيك كل يوم هههههههههههههه

الله يشفيه ويشفى جميع مرضى المسلمين ..
ذكريه ان المرض يكفر الذنوب والسيئات .. وهو اهون من غيره ..

قال رسول الله عليه افضل الصلاه والسلام (( ما يصيب المؤمن من وَصب ، ولا نصب ، ولا سقَم ، ولا حزن حتى الهمّ يهمه ، إلا كفر الله به من سيئاته ))

..

.

الله يشفيه ويشفى جميع مرضى المسلمين ..