لحمة بالصينية.......لذيذة جدا

أقدم لكم هذا الطبق السهل واللذيذ جدا

تحتاجين إلى نصف كيلة لحمة
بصلتين وسط أوثلاث صغار
بندورة بلدية أو جيدة

تأخذي البصل وتفرميه بالفرامة أو على ايدك ناعم ناعم
بعدين بتفرمي الحمة والبصل مع بعض بفرامة الخضر أو بالذي عندك
يعني بحيث تتخلط اللحمة والبصل بشكل جيد
وبعدين بتحطي بهار وملح

وبتجيبي صينية بتدهنيها بشوية سمنة وبتمدي الحمة فوقها وبتخليها سماكة 1 سم مو أكثر

وبتفرمي البندورة وسط وبتحطيها على وجه اللحمة وكلما كانت اكتر كلما كانت أطيب
وفي ناس بحطوا فوقها بطاطا كمان

المهم بتدخليها الفرن من 30-45 دقيقة على حرارة وسط
ولا تنسي تحطي للصينية شي كاسة مي(عيار كاسة شاي)

وقدميها مع تبولة وبطاطا مقلية

وقولوا شام خبرتنا......