أوركيد00
أوركيد00
الله يكون بعونك اللي انكسر مايتصلح اللي بقلبك بيخف بس مستحيل تنسي




والأفضل تعيشي وانتي مو عاطيته الأمان


أنا في بداية التجربه يوم صديت عنه ابتعد شوي


قلت ماينفع طالما بقيت عنده وفي بيته لازم أحاول ولما يطلع ابكي براحتك وعبري يابت


بس لازلت في الأسبوع الأول وتفكيري نفس تفكيرك ليه هو مرتاح ومستفيد وانا اسعى لإرضائه بس استعيذ من الشيطان وتذكري رضا الله هو الأهم
وتذكري انه بالحلال وشرع الله بيتصبر قلبك ترى توددك وحسن تبعلك له أجر ياعزيزتي ولما تكون نفسك ضايقه مره عبري ىعن مشاعرك بس لاتستلمي لها وللشيطان
وخلي عندك هدف رضا الله في البدايه وعيشي يومك بحلوه ومره التجربه هذي كسرت حاجز كنتي وكل امرأة في الدنيا خايفه منها وهو زواج زوجك والآن حتى لو كرر التجربه اكيد المها أخف


الله كتب زوجك يتزوج وغيرك ابنها بموت وغيرك مرض في جسدها كل انسان عنده مصاب
بس محد منهم وقف حياته كلهم عايشين رغم الألم
~ كـنــوووزة ~
~ كـنــوووزة ~
الله يكون بعونك اللي انكسر مايتصلح اللي بقلبك بيخف بس مستحيل تنسي والأفضل تعيشي وانتي مو...
هلا ام منى ...!!
تصدقي ..وانا اقرا قصه صاحبة هذا الموضوع تمنيت لو تدخلين وتشوفينه
سبحان الله
.....الظلم شين وعواقبه شينه
خاصه اذا كانت النيه خبيثة
والامثله كثيرة ....ربما لا تعد ولا تحصى
في الاخير ...نحمد الله تعالى على عدله وانصافه ....
وندعو بالهدايه لمن زاع او تعثر من عباده
و لنعلم ايضا ...
ان من انزل فاقته و حاجته بالله ..كفاه الله ما أهمه في الدنيا والاخرة
كان الله لك وامدك بعون منه وقوة

--------

وانت يا صاحبه الموضوع ....
جددي حياتك مع الله تعالى
قبل ان تجدديها مع زوجك
ليس هناك من هو ارحم بنا والطف منه تعالى
أكثر من والدينا واهلينا ومن احبابنا
اكثري من الاستغفار وسدي الثغرات التي بينك وبينه تعالى
فمن اصلح ما بينه وما بين الله ..
اصلح الله ما بينه وما بين الناس

والله يوفقك لكل خير يرضاه
ريحانه الواعده
ريحانه الواعده
تفكرين بطريقة تفكيري في ايام زواجه الأولى .كنت اقول في نفسي هو لمرتاح لوحيد في هاد لوضع لذالك كنت...
غاليتي

ما قلت لك ارفسيه ... ما قلت لا تعيشي ...

على العكس ... عيشي معه بحذر و بقدر

الحب خلاص صار بارد بعد الاحساس بالمراره

اما بالنسبه لمواقفه السابقه فاللي سواه شبيه باللي يطعمك باليمين و يصفعك بالشمال.

لا تحبيه .. مو محتاجه تعشقيه .....

الاحظ احترامك ب الفاظك ... لكن اعذريني لوقاحه كلمتي ... اعتبريه ماكينه سحب فلوس و ماكينه جنس ... و خلي نفسك المستفيد الوحيد منه احسن من يستفيد منه حد ثاني.

لا تقولي او تقول قائله اخرى هذا انسان و ما يعامل ك اله ... يا بنات خلو الرجال قبل يعاملونا كأننا كائنات بشريه من لحم و دم و الاهم احساااااس

انتي مجروحه .. و لك قلب واحد .. خذي راحتك لحد ما يشفى ألمك و الباقي من قلبك خليه لربك و لك.

ابدا لا تنشغلي بكيف احبه و كيف اهواه .. لا تحبيه .. شو بيصير
هو في اي لحظه ممكن يموت .. يطلقك مثل الثانيه .. يتغير .. يطير .... يتزوج مثل ما تزوج قلبل ... شو بيصير فيك انتي لو حبيتيه؟؟ تنهاري مثلا؟؟؟

لا و الف لا ... لا تسقطي الا واقفه معه

احبي نفسك فهي تستحق .. ربك قبل .. و اولادك هم استثمارك للمستقبل ... و اهلك هم عزوتك الحين ... و هم دام صارت مشاعرك سابقا ما لها قيمه .. مكانه هو ذيل اهتماماتك

انتبهي لكلامي ... اتكلم عن الحذر من اعطائه قلبك كاملا ... اما حقوقه فلو قررتي البقاء معه بدون ما تتأثر نفسيتك و نفسيه اولادك ... يكون واجب عليك تعطيه اياها كامله بدون نقص .. حتى الفراش ... استخدميه انتي لمتعتك بعد بالنهايه حلالك
اما لو كنتي بتظلميه .. فلا تبقي معه

احساسي من انتقائك لكلماتك انك صرتي انسانه مثقفه تتميز بعقلانيه واضحه ...رغم انك سابقا و لا زلتي كأي امراه تميلي للعاطفه حتى لو افقدتيها ... لذلك اثق بقدرتك على اختيار شكل حياتك المقبله.

بالمناسبه .. اشعر بجمال شخصك من خلف كتاباتك .. لذلك اسمح لنفسي بنصحك بكل ما اراه مناسب ... غاليتي لا تكوني اسيره الفراغ ... اعملي بشهادتك .. كوني صداقات .. سافري ان توفر لك السفر ... و انا افضل العمل فوق هذا كله لان ضغوط العمل و رغبتك في نجاحه تنسيك زوجك و لو لحظات ... و ان كان سوق العمل صعب بشهادتك .. عليك بمشروعك الخاص ... تركيزك عليه سيكون اكبر و اهتماماتك تنصب عليه و ترخي جزء من تفكيرك المنصب على زوجك فقط. و طبعا انا ما وصيتك بعيالك لان ما فيه ام تقصر بعيالها.

نصيحه اخيره .. احكمي بعقلك لا بقلبك ... صح صعب لكن غير مستحيل.


وفقك الله
ثراء لايقدر بثمن
بني آدم ماتعرفين وش هي نيته،،،كل ربي يرزقه علي حسب نيته،،، وهي أخذت جزاها كانت بتخرب بيتك،،طلعت هي الي خربت بيتها
إنتي الحين مالك الا زوجك وهو ماله الا إنتي ،،،مو معقوله انه مافيه شيء حلو لو بسيط له في قلبك،،، حتي لو انكسرتي وانجرحتي منه لابد
يكون فيه له في قلبك شيء،،،هو يحبك وشاريك وانتي مثل ماقال اول فرحته وأم أولاده ،،الي راح راح ذكرا ماتنعد باْذن الله
من اليوم افتحي صفحه جديده بحياتك ،،،ترى كل إنسان يستحق فرصه ثانيه خاصه اذا هو يحبني وشاريني وترى الدنيا قصيره،،
لاتقضين عمرك كله شايله جرحك علي شيء انتهي،،،عيشي اليوم كأنه اخر يوم بحياتك ،،،سوي كل شيء كان نفسك تسوينه معه لما كان بعيد
غير من نفسك،،جديد حياتك،،، افتحي صفحه جديده لاتقولين صعب ترى مافيه شيء. به الدنيا اهم شيء الاراده والثقة والعزيمه
مافيه شيء يصعب علي الله اسأل الله ان يبدل حياتك الي الأفضل ،،،،ترى البعد احيان يكون اول نقطه تغير في حيات الانسان
والدليل انك غيرتي من نفسك طلعتي زياره لدور الأيتام قريتي كتب هذا شيء جيد بحياتك ،،،أسعدي بكل لحضه من اليوم ورايح ترى الدنيا
فانيه،،،ماتستحق كل هل الزع
تحفه
تحفه
الله يهديك بس خلاصاتجاوزي هذه المرحله ولاتفكري بالامور الي راحت وحاولي تنسيها وارجعي لحياتك الطبيعيه عشان تكسبيه وما يفكر بوحدهةغيرك واستعيني على ذلك بالدعاء والتوكل على الله اسال الله ان يداوي جرحك الغائر ويلملم جراحك ويصلح بينك وبين زوجك