بسم الله نبداء
المقادير \كيلو لحمه ستيك مقطعه شرايح رفيعه يعني اعواد
ملعقة كبيره ثوم مطحون و3حبات بصل مفروم ناعم
قطعة زنجبيل طازج مفروم ناعم والله الله يالقصيميات اكيد موجود عندكم الحال من بعضه
نص ملعقه صغيره فلفل اسود وكمان نص ملعقه صغيره بهارات الكاري
علبة زبادي وحده و2 ملعقه قشطه كاس ماء 5ملاعق صوص صويا زيت للطبخ ملح وملعقه صغيره ماجي ابيض
الطريقه
حطي الزيت بالقدر وبعدين حطي عليه الثوم والبصل وقلبيه الين يصير بني فاتح
ثمن حطي عليه اللحمه وقلبيها الى ان تروح مويتها
وبعدين حطي الماء واتركيه الين يشرب الماء كله
في الخلاطه حطي البهارات وصوص الصويا والملح شوي والقشطه والماجي الابيض
ثمن حطيه فوق اللحمه بعد ماتستوي واتركيه شوي يغلي ثمن طفي عنه
بالنسبه للتقديم على حسب ممكن تحطينه بصحون صغار وترشين عليه نتيفة بقدونس مطحون
اوتحطينه بصينيه وتحطين عليه من جهه خبز توست مقطع صغار ومقلي والجهه الثانيه رشي بقدونس شوي وقطيعتين طماط شرايح
قدميه مع الرز المفلفل بالسمنه واي نوع سلطه
وبالهناء والعافيه على قلوبكم جميعا
