لحم بقر مره وحدة😞

صبحكم الله بالخير
بكتب مقدمة موضوعي و زوجي عارف اني كذا بس مدري ليه هالحركات
بنات ادري بتقولون روحي الدكتوره اصرف بس والله تعبت و بعض الناس يحسبوني ابالغ ، انا اي شي الناس تتقرف منه اتقرف زيي زيكم بس انا تطول معي و اصير غثيانه و ازوع و كرهت الخرجات ، قلت لدكتوره زمان صرفت لي فيتامين ب و مافادني صراحه و قالت اصلا ما انصحك تطولين عليه ، بس الوضع زاد عن حده كرهت الاماكن العامة لو شفت واحد يتفل الله يكرمكم ولا يطلع صوت ع طول تلوع كبدي و احيان استفرغ والله ما ابالغ 🙂


بديت اكره المطاعم بسبب الرجال اللي بمغاسل الرجال 😖 ولا الحريم اشوى فيهم ذوق و مقاطعه الحمامات بالاماكن العامة احيان نروح حديقة ولا الشاطي نقعد كم ساعه اهم شي ماروح حماماتهم ☹️
الكارثه حصلت امس طلبنا غدا باكستاني و جاب ادام انا اكل اكل ما انتبهت و زوجي و العيال ياكلون رز عادي و اخر شي لما خلصت قال لي لحم بقر وربي ماتوقعت يسويها فيني ع الاقل يقول لي انه لحم بقر طبعاً انا قمت اتكلم و كبرت الموضوع قام يضحك قال الحين بعد ماشبعتي تكلمتي قلت اصلا اللحم مقطع صغار مو مبين و الادامات مغطيه ع اللون و الصدق والله بكيت و تكيت ازوع ساعه و مايعترف بخطاه و انا الصدق قلت هذي خساسه و نذاله لانه حتى ما قال لي و المشكله مو معترف بخطاه يضحك ، قال شسوي مالقيت الا هذا الغدا عنده قلت لو ما جبت غدا احسن و حنا رايحين يقالك نبي نتمشى خرب علي و اليوم كله بطني مغص و استفراغ


امانه بنات عادي تاكلون لحم بقر و عادي تحسين من وراك مسويها هو يعرفني ما اكل كل شي و لا نادى عياله ياكلون يشوفهم يلعبون مايكلمهم الا لما فك الرز ناداهم يعني انا بالطقاق اهم شي بزارينه ، كل ماتذكرت لحم البقر شلون احمر و شكلها كبير جاني غثيان و استفراغ. ! غير اني شاكة اني حامل و هالموقف ماراح انساه له😞😞😞