لحم محمر بالفرن مع البطاطس والسلطة

امومة مثابرة :

الطريقة : سويت 2 كيلو ونص من لحم غنم يُفضل ان يكون مقطع بحجم متساوي حتى يستوي كله في نفس الوقت بعدما تغسلي اللحم تبليه بالملح والفلفل الاسودمن جميع الجوانب كما في الصورة حضري البهارات الموجودة عندك + ليمون+ زيت زيتون+باربيكيو صوص انا حطيت كمون وكزبرة مصحونة وكركم وبابريكا المهم من الموجود اخلطي المقادير وبعدين اضيفى اللحم واتركيه في التتبلة اقلها نص ساعة بهذاالشكل وطبعا كلما زاد كلما كان افضل غطيه بالقصدير وحطي اللحم على جنب وابدي تحضير جوانح البطاطس وهذا البطاس يا بنات علي مسؤليتي دايما مقرمشة من برة وطرية من جوة وانا اعطيكم سرها الخطيران شاء الله تراها زي المطاعم يتبع

الطريقة : سويت 2 كيلو ونص من لحم غنم يُفضل ان يكون مقطع بحجم متساوي حتى يستوي كله في نفس...

امومة مثابرة :

البطاطس: في البداية اسلقي الكمية المناسبة لعائلتك للمدة تقريبا 10 الي15 دقيقة تحطيها في موية باردة الي ان تغلي باردة قصدي درجة حرارة الغرفة لازم البطاطس بعد السلق تكون جامدة ومتماسكة ماتنهرس مع التقطيع قشريها وقطيعها ارباع طولية ثم قسمي كل ربع نصين بالطول وبكدة تطلع لك الجوانح السر الخطير اللي يقرمش البطاطس هو انك بعد تقشير البطاطس وقبل ما ماتقطيعها تجيبي شوكة وتسوي خطوط طولية على داير ماتدور وهذا الصورة توضح قصدي بعد كدا تيبلي الجوانح بالملح والفلفل الاسود وحطي عليها زيت زيتون يغطي البطاطس من كل الجهات وفي هذى الاثناء(السر الثاني للقرمشة) الفرن يكون شغال وحامي وتكوني مدخله صيينية اللي راح تحطي فيها البطاطس في الفرن الساخن وهي ما فيها الا زيت زيتون طلعي الصينية من الفرن وهي ساخنة وزيت الزيتون اللي فيها ساخن ورصي جوانح البطاطس فيها بسرعة مثل ما تشوفي هنا ودخيليها الفرن بسرعة مستحيل البطاطس تشرب زيت وما تطلع مقرمشة اذا سويت هذا الخطوات نفس الشي مع اللحم يتبع

البطاطس: في البداية اسلقي الكمية المناسبة لعائلتك للمدة تقريبا 10 الي15 دقيقة تحطيها في موية...

امومة مثابرة :

اللحم اللي اسويه يطلع ماشاء الله طري مرة يطيح من العظم وفي نفس الوقت مقرمش وطعمه لذيذ لان عصارة اللحمة ماطلعت منها اصلا واذا تبغي نفس النتيجة تطلع لك سوي مثلي وسخني الصينية مع الزيت في الفرن بحيث اللحم يتحمر بسرعة قبل لا تتطلع مويته اوعصارته شوفي في الصورة كيف الزيت حاميي وكيف اللحم يتحمر بمجرد ان حطيته في الصينية وترى انتبهوا مرة وانتو تشيلوا صينية فيها زيت حامي الحرارة هي اللى ماتخللي اللحم ما يطلع عصارتة يعني ما ينطبخ بدل ما يتحمر تعرفي انك نجحتي في هذا الطبق اذا تحمر اللحم بدون ان يطلع مويته واذا شوفتي اللحم يتحمر بسرعة قبل لا يستوي من الداخل خذي فرشاة المطبخ حقت الدهن وغمسيها في تتبيله اللحم وبللي الاجزاء الناشفةمن اللحم وهي لا تزال في الفرن وطبعا لاتنسي تقلبي قطع اللحم اذا تحمرت من احدى الجهات وهذي النتيجة: اثناء ما اللحم والبطاطس يتحمروا سوي طحينة وسلطة تتقدم معاهم السلطة زي التبولة بس على اسهل قطعي طماطم وبصل الي جوانح رقيقة وجربي حركة دايما اسويها انقع البصل في ماء لفترة حتى لا تكون رائحته نفاذة مثل ماتشوفواهنا تبلي السلطة بالملحوالفلفل والُسماق والليمون وزيت الزيتون مثل ما في الصورة يتبع

اللحم اللي اسويه يطلع ماشاء الله طري مرة يطيح من العظم وفي نفس الوقت مقرمش وطعمه لذيذ لان...