السلام عليكم ورحمه الله وبركاته
كل عام وانتم بخير اخواتي
تقبل الله منا ومنكم صالح الاعمال
اليوم سويت العشاء لحم مشوي في الفرن وسويت معه أرز وطلع اللحم مثل الموز لين وناعم ولذيذ مررررة
ندخل في المقادير والطريقه
المقادير :
نسيت ما صورت بعض الخطوات لكن ابي اشرح وإن شاء الله تفهمون معي
لحم مقطع
بهارت كمون _ كركم _ ملح _ كزبرة _ فلفل _ كلهم مطحونين
لبن تقريبا بياله شاهي
بصل مقطع ارباع
فلفل قرون
ارز منقوع
الطريقه :
تبلت اللحمه بالبهارات والملح واللبن ورصيت البصل والفلفل القرون مع اللحمه وحطيتها في صينيه وغلفتها بالقصدير ودخلتها الفرن الكهربائي وخليتها تقريبا ساعتين ونصف حتى طلعت مويتها
وهذة صورة اللحمه بعد خروجها من الفرن وبعد ما اخذت منها المرقه
اخذت المرقه إللي خارجه من اللحمه وحطيتها في قدر وزدت عليها ماء حار واضفت عليها الارز المنقوع وحطيت معهم فلفل قرون وخليته يطبخ حتى إستوى الارز وبعد ما إستوى شبيت فحمه وجبت فنجان قهوة وحطيت فيه زيت وحطيت الجمرة فيه وكتمت القدر وخليته عشر دقائق وهذة صورته بعدما أخرجت منه الزيت والجمرة
فرغت الارز وحطيت فوقه اللحم وسويت معه سلطه وهذة الصورة
وهنا صورة اوضح
جربوة يا بنات الطعم يهبل ولا تنسوني من دعاءكم
