السلام عليكم يا اخواتي
هاي اول مشاركة لي وحبيت اعطيكم هذا الطبق اللي امي الله يسلمها تعمله وهو جداااااااااااا زاكي وع نفس الطبخة لقيت في موقع تاني فكرة جديدة له
المقادير
زهرة حسب حاجتك(مقطع الى زهرات صغيرة)
نص كيلو موزات لحم غنم مقطع الى مكعبات
2ونص كوب ماء
عود قرفة
مل صغيرة فلفل حلو
ماجي عدد 2
بصل مقطع شرائح
صوص طماطم وكمان 3 اكواب عصير بندورة
توم
الطريقة
اقلي الزهرة حتى يصير لونه بني وبعدين اطبخي اللحم وحطي معاه عود قرفه وبصل وفلفل وبهارات وماجي واتركي اللحم لحتى يستوي
بس يستوي حطي عصير البندورة ورب البندورة على اللحم وحركي لحتى يغلى بعد ما يغلى حطي الزهرة المقلية عليهم وحركي لخمس دقايق وبعدين حطي التوم المدقوق وزينيها بالصنوبر
وقدميها مع الرز المفلفل. وصحتين ع قلبكم
هاي كانت طريقة امي الله يسلمها ويكرمني ان ارجع لبلدي واضمها
الطريقة التانية
بدل ما تكون طبختك حمرا تكون بيضاء
يعني بدل صوص البندورة وعصير البندورة
جيبي الاتي
كيلو لبن رايب
ملعقة دقيق ذرة
طريقة
هلا بعدما يستوي اللحم ومرقته
اخلطي ع جني اللبن مع دقيق الذرة وحطيه ع اللحم ومرقته وحركي لحتى يغلى وبعد ما يغلى خففي النار واتركي الخليط اربع دقايق وبعدين سقطي الزهرة وكملي زي الطريقة السابقة
اتمنى تكون عجبتكم :)
umm_omar @umm_omar
عضوة فعالة
يلزم عليك تسجيل الدخول أولًا لكتابة تعليق.
حراء الفحماويه
•
الصفحة الأخيرة